NAHUM 1:15 - Edisana ñwed Abasi Ibom

¹⁵ Sese, ukot enye emi adade eti mbuk edi, emi ɔkwɔrɔde emem, edu ke ikpɔ obot! O Judah, nim ederi fo, sio mme akaŋa fo: koro oburobut owo miditɔŋɔke aba ntak isaŋa fi ke esit: emesibe enye efep ema.

NAHUM 1:15 Referans Kwoze

ISAIAH 52:7

Ukot owo eti mbuk eye didie ke enyɔŋ ikpɔ obot! ukot owo eke ɔkwɔrɔde emem, eke obukde eti ŋkpɔ, eke ɔkwɔrɔde erinyaŋa; ɔdɔhɔ Zion, ete, Abasi fo ada ubɔŋ! (Kop!)

ŊWED MBON ROME 10:15

Mmɔ edinyuŋ enam didie ekwɔrɔ, ke mibɔhɔke edɔdɔŋ mmɔ? kpa nte ewetde ete, Ikpat mmɔ emi edade etop nti ŋkpɔ eye adaŋa didie!

UTOM MME APOSTLE 10:36

Enye ɔkɔnɔ ikɔ Esie esɔk nditɔ Israel, ke erikwɔrɔ gospel emem emi Jesus Christ ɔkwɔrɔde, emi edide Ɔbɔŋ kpukpru owo;

LUKE 2:10

Angel onyuŋ ɔdɔhɔ mmɔ ete, Ekufehe ndik; koro sese, mmada eti mbuk akwa idaresit, eke edinyenede kpukpru owo, nsɔk mbufo;

LUKE 2:14

Uboŋ enyene Abasi ke ata enyɔŋ. Emem onyuŋ odu ke isɔŋ ke otu owo emi Enye enende iso ye mmɔ.

JOEL 3:17

Ndien mbufo eyefiɔk ete ke ami ndi Abasi mbufo, ke nduŋ ke Zion, edisana obot mi: ndien Jerusalem eyedi edisana, isen owo idinyuŋ isaŋake aba ke esit ibe.

ISAIAH 52:1

DEMERE, demere, sine odudu fo ke idem, O Zion; sine edisine-ŋkpɔ uyai fo, O Jerusalem, edisana obio: koro owo edut ye ndek miditɔŋɔke aba ntak iduk fi ke esit.

ŊWED MME PSALM 107:15

Yak mmɔ ekɔm Jehovah ke ima esie, ye ke mme utibe ŋkpɔ emi enye anamde ye nditɔ owo.

ŊWED MME PSALM 107:8

Yak owo ekɔm Jehovah ke ima esie, ye ke mme utibe ŋkpɔ emi enye anamde ye nditɔ owo.

LEVITICUS 23:4

Mme mmɔ emi edi ini emi Jehovah onimde ke edisana esop, emi mbufo edikwɔrɔde ke ekem ini mmɔ.

LEVITICUS 23:2

Ini emi Jehovah onimde, emi mbufo edikwɔrɔde ekot edisana esop, edi mme mmɔ emi, kpa ini mi.

NAHUM 1:14

Jehovah omowuk abaŋa fi, ete ke ididaha aba enyiŋ fo baba itɔ ke isɔŋ: nyesibe edisɔi ye editara mbiet mfep ke ufɔk mme abasi fo: nyenim udi fo; koro afo edide obukpo.

ISAIAH 41:27

Ami mbem iso ndɔhɔ Zion, nte, Sese, se mmɔ: nnyuŋ nnɔ Jerusalem owo eke obukde eti mbuk.

ISAIAH 42:11

Wilderness ye mme obio esie eyemenere uyo, mme nna emi Kedar oduŋde: mme andiduŋ akwa itiat eyefiori, mmɔ eyetie ke enyɔŋ ikpɔ obot esio mkpo.