MICAH 7:8 - Edisana ñwed Abasi Ibom

⁸ Kubure ubaŋa mi, O usua mi; ke ini nduɔde, nyedaha ke enyɔŋ; ke ini ntiede ke ekim, Jehovah eyedi uŋwana mi.

MICAH 7:8 Referans Kwoze

JOHN 8:12

Ntre ke Jesus ɔtɔŋɔ ntak etiŋ ɔnɔ mmɔ, ete, Ami ndi uŋwana ererimbot; owo eke etienede Mi idisaŋake ke ekim, edi eyenyene uŋwana uwem.

ISAIAH 9:2

Mbio oro ekesaŋade ke ekim ekut akwa uŋwana: ama edi mmɔ eke eketiede ke isɔŋ mfut mkpa, uŋwana ayama ɔnɔ mmɔ.

ŊWED MME PSALM 112:4

Uŋwana asiaha ke ekim ɔnɔ nti owo: enye ɔfɔn ido, onyuŋ enyene esit mbɔm, onyuŋ enen.

ŊWED MME PSALM 27:1

JEHOVAH edi uŋwana mi, ye erinyaŋa mi; ndifehe anie?

OBADIAH 1:12

Edi ukpesehe ke usen eyen-usɔ, ke usen oro enye akabarede edi esen owo; ukponyuŋ udatke esit ubaŋa nditɔ Judah, ke usen oro ekesobode mmɔ; ukponyuŋ ubureke mbure ke usen nnan-enyin.

2 ŊWED CORINTH 4:6

Sia edide Abasi, emi ɔkɔnɔde uyo ete, Yak uŋwana ayama ke ekim, akayama nnyin ke esit, man Enye aŋwaŋare owo enyin ndifiɔk ubɔŋ Abasi ke iso Jesus Christ.

ŊWED MME PSALM 38:16

Koro ndɔhɔde nte, Mbak mmɔ edara ebaŋa mi: mmɔ ema emen idem ekan mi ke ini ukot mi ɔfiɔnɔrede.

ERIYARARE 22:5

enyiŋ Esie eyenyuŋ odu mmɔ ke ɔkpɔ-iso. Okoneyo idinyuŋ iduhe aba; mmɔ inyuŋ iyomke uŋwana utuen-ikaŋ mme uŋwana utin; koro Ɔbɔŋ Abasi mmɔ eyenɔ mmɔ uŋwana, ndien mmɔ eyeda ubɔŋ ke nsinsi-nsinsi.

ŊWED MME PSALM 84:11

Koro Jehovah Abasi edide utin ye otu-ekɔŋ: Jehovah ɔmɔnɔ ufɔn ye ubɔŋ: ama edi mmɔ eke eneŋerede esaŋa, enye isinke mmɔ nti ŋkpɔ.

ŊWED JOB 31:29

Edieke nsobo usua mi ekenemde mi esit, mme ŋkadatde esit koro enye okutde idiɔk:

ŊWED MME PSALM 97:11

Emetɔ uŋwana ke isɔŋ enɔ ndinen owo, etɔ idaresit enɔ mbon esit kiet.

EZEKIEL 35:15

kpa nte afo akadatde esit abaŋa udeme ufɔk Israel, koro esobode enye; kpasuk ntre ke ndinam nnɔ fi: obot Seir, afo eyena ke nsobo; kpa ofuri Edom, ofuri esie. Ndien mmɔ eyefiɔk ete ke ami ndi Jehovah.

ŊWED MME PSALM 35:19

Kuyak mme asua mi, mbon nsu, edat esit ebaŋa mi: kuyak mmɔ eke esuade mi ke ikpikpu eyip enyin.

JOHN 16:20

Ke akpanikɔ ke ndɔhɔ mbufo nte, mbufo eyetuaŋa enyuŋ eseme, edi ererimbot eyedara: mbufo eyefuhɔ, edi mfuhɔ mbufo eyekabare edi idara.

MALACHI 4:2

Ndien utin edinen ido asiaha ɔnɔ mmɔ: se inamde itɔŋ uwem ɔsɔŋɔ onyuŋ odu enye ke mba; ndien mbufo eyewɔŋɔ ekefrɔ nte nditɔ-enaŋ ŋkuhɔ.

MICAH 7:10

Ndien usua mi eyekut, ndien but eyefuk enye emi ɔkɔdɔhɔde mi, ete, Jehovah Abasi fo odu mmɔŋ? Enyin mi eyekut enye: ke emi enye eyedi se edigide nte mbat aŋwa.

EZEKIEL 25:6

Koro ntem ke Ɔbɔŋ Jehovah ɔdɔhɔ, ete, Koro afo akwakde ubɔk fo, onyuŋ amiade ikpat, onyuŋ adatde esit ke ofuri iseri fo abaŋa isɔŋ Israel.

UTOM MME APOSTLE 26:18

nte atat mmɔ enyin, man mmɔ ekabare ewɔŋɔ ke ekim, eduk ke uŋwana, ekpɔŋ odudu Satan, etiene Abasi, man mmɔ ebɔ erifen mme idiɔk-ŋkpɔ ye udeme ke otu mmɔ emi enamde mmɔ esana oto ke mbuɔtidem mmɔ ye ami.

AMOS 9:11

Ke usen oro nyediɔŋ ataya David emi ɔduɔde, nnyuŋ nsiri ŋwure esie; nnyuŋ ndiɔŋ ufɔk esie emi ebiarade, nnyuŋ mbɔp enye, kpa nte ke eyo oko:

MATTHEW 4:16

Mbio oro eketiede ke ekim Ekut akwa uŋwana, Ama edi mmɔ eketiede ke isɔŋ mfut mkpa, Uŋwana ayama ɔnɔ mmɔ.

JEREMIAH 50:11

Koro esit ekadatde mbufo, koro mbufo ekebrede mbre, mbufo mme ndibiat udeme mi, koro mbufo efrɔde nte abak uman enaŋ ke mbiet, enyuŋ esiorode uyo nte nyara horse:

ISAIAH 49:9

man afo ɔdɔhɔ mbon ŋkpɔkɔbi, ete, Mbufo ewɔŋɔ; ye mmɔ eke edude ke ekim, ete, Eyarare idem mbufo. Mmɔ eyeta mbiet ke ɔkpɔ-usuŋ, mbiet mmɔ eyenyuŋ odu ke kpukpru iferi obot.

ISAIAH 2:5

O ufɔk Jacob, mbufo edi, nnyin isaŋa ke uŋwana Jehovah.

ŊWED MME PSALM 37:24

Koro enye eyeduɔ, edi idinyanakede ina: koro Jehovah omumde enye ubɔk akama.

ŊWED MME PSALM 37:21

Idiɔk owo ɔbɔbuɔt, ndien isioho: edi eti owo atua owo mbɔm, onyuŋ ɔnɔ ŋkpɔ.

ERIYARARE 21:23

Obio inyuŋ iyomke utin ye ɔfiɔŋ ndiyama nnɔ enye; koro ubɔŋ Abasi anamde enye aŋwaŋa, Eyen-erɔŋ onyuŋ edide utuenikaŋ esie.

ISAIAH 50:10

Anie ke otu mbufo abak Jehovah, okop uyo owo esie? Yak owo eke asaŋade ke ekim, ndien minyeneke uŋwana, ɔbuɔt idem esie ke enyiŋ Jehovah, onyuŋ ebere edem ye Abasi esie.

2 ŊWED CORINTH 4:9

edi itiehe ke ŋkim-enyin; esin nnyin enyin, edi Abasi ikpɔŋke nnyin; eyibi nnyin eduɔk ke isɔŋ, edi ibiatke nnyin uwem;

ŊWED MME PSALM 20:8

Mmɔ ebeŋere eduɔŋɔ: edi nnyin idaha ke enyɔŋ ineŋere ida.

JEREMIAH 8:4

Nyuŋ dɔhɔ mmɔ, ete, Ntem ke Jehovah ɔdɔhɔ, ete, Nte mmɔ ediduɔŋɔ, ndien ididaŋake ke enyɔŋ? Nte owo edikabare idem esie efep, ndien idifiakke idi?

JEREMIAH 48:27

Nte Israel ikedige se afo asakde? Nte ekekut enye ke otu mbon inɔ? Koro adaŋa ini nte afo ɔkɔdɔhɔde abaŋa enye, afo oyibi ibuot.

EZEKIEL 36:5

Mmɔdo ntem ke Ɔbɔŋ Jehovah ɔdɔhɔ, ete, Nditreke ndida ikaŋ ufup mi ndɔhɔ ikɔ mbaŋa mme idut emi esuhɔde, nnyuŋ mbaŋa ofuri Edom, emi ekenimde isɔŋ mi enɔ idem mmɔ, ete ida enye inyene, ofuri esit adat mmɔ, ukpɔŋ mmɔ onyuŋ ese ke ndek, man mben isɔŋ esie edi ŋkpɔ mbume.

MICAH 4:10

Kop ubiak, nyuŋ man eyen, O adiaha Zion, kpa nte ŋwan uman: koro afo eyeto ke obio ɔwɔrɔ ke idahemi, eyenyuŋ oduŋ ke iŋwaŋ, onyuŋ osim Babylon: eyenyaŋa fi do: do ke Jehovah edifak fi osio mme asua fo ke ubɔk.

ZECHARIAH 12:8

Ke usen oro Jehovah eyekpeme mme andiduŋ Jerusalem; ndien mmeme-mmeme owo ke otu mmɔ eyebiet David ke usen oro; ufɔk David eyenyuŋ ebiet Abasi, ebiet angel Jehovah ke iso mmɔ.

ŊWED MME PSALM 143:3

Koro usua ebinede ukpɔŋ mi; edigi uwem mi adian ke ntan; anam mi ntie ke edikim ebiet, kpa nte mme akpa-mkpa eset.