MICAH 7:7 - Edisana ñwed Abasi Ibom

⁷ Edi ami nyetiŋ enyin ke Jehovah: nyebet Abasi emi anyaŋade mi: Abasi mi eyekop uyo mi.

MICAH 7:7 Referans Kwoze

ŊWED MME PSALM 37:7

Dop uyo nɔ Jehovah, nyuŋ bet enye, kuyat esit ubaŋa owo eke okutde unen ke usuŋ esie, ubaŋa owo eke anamde idiɔk uduak.

ISAIAH 45:22

Mbufo kpukpru mme idut ererimbot, ekabare ese mi, ndien eyenyaŋa mbufo: koro ami ndide Abasi, ndien efen iduhe aba.

ISAIAH 25:9

Ndien eyedɔhɔ ke usen oro, ete, Sese, Abasi nnyin edi emi; nnyin imebet enye, ndien enye anyaŋa nnyin: Jehovah edi emi; nnyin imebet enye: iyedara inyuŋ ibre ibaŋa erinyaŋa esie.

ŊWED MME PSALM 25:5

Nam mi nsaŋa ke akpanikɔ fo, nyuŋ teme mi: koro afo edide Abasi erinyaŋa mi; mmebet fi ofuri usen.

ŊWED MME PSALM 130:5

Mbebet Jehovah, ukpɔŋ mi ke ebebet; ami nnyuŋ ndori enyin ke ikɔ esie.

ŊWED MME PSALM 109:4

Mmɔ esua mi ke usiene ima mi, edi ami nsuk nnam mkpeubɔk.

ISAIAH 12:2

Sese, Abasi edi erinyaŋa mi; nyebuɔt idem, ndinyuŋ ndikheke: koro Jah Jehovah edide odudu mi, ye ikwɔ mi; onyuŋ akabare edi erinyaŋa mi.

ŊWED MME PSALM 65:2

Afo emi okopde akam, kpukpru obukidem eyetiene fi.

GENESIS 49:18

enye ɔduɔ ke edem. Mmebet erinyaŋa fo, O Jehovah.

ŊWED MME PSALM 38:15

Koro ntiede mbet fi, O Jehovah: afo eyeyere, O Ɔbɔŋ Abasi mi.

ISAIAH 8:17

Ndien nyebet Jehovah emi odipde ufɔk Jacob iso esie, nyenyuŋ ndori enye enyin mi.

ŊWED MME PSALM 50:15

nyuŋ sio mme akaŋa fo nɔ Ata Edikoŋ. Ndien seme nɔ mi ke usen ukut: nyebabare fi mbaba, ndien afo eyekpono mi.

ISAIAH 17:7

Ke usen oro owo eyetiŋ enyin ke andinam enye, enyin esie eyenyuŋ ese Edisana Abasi Israel.

DANIEL 3:17

Sese, Abasi nnyin emi nnyin inamde ŋkpɔ esie emekeme ndinyaŋa nnyin nsio ke akwa ikaŋ emi asakde: ndien enye eyenyaŋa nnyin osio fi ke ubɔk, O edidem.

HOSEA 12:6

Afo ndien fiak tiene Abasi fo: nim ima ye ikpe, nyuŋ dori enyin ye Abasi fo kpukpru ini.

JOEL 1:19

Nyeseme ŋkot fi, O Jehovah: koro ikaŋ atade mbiet wilderness, edem-ikaŋ onyuŋ ɔfɔp kpukpru eto obot iŋwaŋ.

HABAKKUK 2:1

NYEDA ke itie-ukpeme mi, nnyuŋ nnim idem ke enyɔŋ ɔkpɔsɔŋ ɔtɔ obio, nnyuŋ ntiŋ enyin man ŋkut se enye edidɔhɔde mi, ye se ndibɔrɔde mbaŋa nduari mi.

NUMBERS 5:28

Edi edieke ŋwan oro mikasabakede idem esie, edi edi edisana; ŋkpɔ idinamke enye, ndien enye eyeyomo idibi.

ŊWED MME PSALM 85:5

Nte afo ediyat esit ye nnyin ke nsinsi?

ŊWED ESEME 3:24

Ukpɔŋ mi ɔdɔhɔ ete, Jehovah edi udeme mi: mmɔdo nyedori enyin ye enye.

HABAKKUK 2:3

Koro ŋkukut anade kaŋa ɔnɔ ini emi enimde; ndien enye eyesioro uyo ke utit, idinyuŋ isuhɔ nsu: enye ama ebigi, bet enye; koro enye miditreke ndidi, midinyuŋ ibehe ini.