MICAH 7:6 - Edisana ñwed Abasi Ibom

⁶ Koro eyen-eren esede ete esie ke ndek, eyen-aŋwan onyuŋ omiom ye eka esie: ŋwan eyen onyuŋ oyom eka ebe esie ikɔ; mbon usua owo edi nditɔ ufɔk esiemɔ.

MICAH 7:6 Referans Kwoze

LUKE 12:53

Ete eyedianare ye eyen-eren esie, eyen eyenyuŋ adianare ye ete; eka eyedianare ye eyen esie aŋwan, eyen-aŋwan eyenyuŋ adianare ye eka; eka ebe eyedianare ye ŋwan eyen, ŋwan eyen eyenyuŋ adianare ye eka ebe.

MATTHEW 10:21

Eyen-eka enyeyuŋ ada eyen-eka ɔnɔ mkpa, ete eyenyuŋ ɔnɔ eyen esie: nditɔ eyenyuŋ edaha eŋwana ye mme ete ye mme eka mmɔ, enyuŋ esin ewot mmɔ.

ŊWED MME PSALM 41:9

Kpa owo emi edide ufan mi, emi mbuɔtde idem mi ye enye, emi adiade udia mi, ememen ukot etiga mi.

EZEKIEL 22:7

Mmɔ ese ete ye eka ke ndek ke ufɔt fo: enam esen owo nnama ke ufɔt fo: efik ebe-akpa ye eyen-akpa ke ufɔt fo.

JOHN 13:18

Ntiŋke mbaŋa mbufo kpukpru; mmɔfiɔk mmɔ emi ŋkemekde: edi ŋkpɔ etie ntem man osu nte ewetde ete, Adia-udia Mi osio ukot atiga Mi.

MME ŊKE 30:11

Emana odu eke esuŋide ete mmɔ, ndien mikɔmke eka mmɔ.

LUKE 21:16

Edi kpa mme ete ye mme eka ye nditɔ-ete ye iman ye mme ufan eyeda mbufo ekayak enɔ; eyenyuŋ enam ewot ndusuk mbufo.

MATTHEW 26:23

Ndien Enye ɔbɔrɔ ete, Owo eke edebide ubɔk ye Ami ke usan, kpa enye eyeda Mi ɔnɔ.

OBADIAH 1:7

Kpukpru mmɔ emi ediomide ediomi ye afo esin fi ke adaŋa: mmɔ emi etiede ufan-ufan ye afo ebiaŋa fi enyuŋ ekan fi: mmɔ emi etade uyo fo ekɔk afia esin ke idak ukot fo: eti ibuot iduhe enye ke idem.

JEREMIAH 20:10

koro ŋkopde ikɔ-edem ediwak owo: ndik odu ke edem kpukpru: ete, “Mbufo etiŋ, ndien nnyin iyetiŋ ibaŋa enye.” Kpukpru mme ufan mi ekpeme iduɔ mi, ete, Mme eyekeme nditap enye, ndien nnyin iyekan enye ubɔk, inyuŋ isio usiene nnyin ye enye.

JEREMIAH 12:6

Koro nditɔ-usɔ ye ufɔk usɔ, kpa mmɔ ebiaŋade fi; enyuŋ efiori ekot fi ɔkpɔsɔŋ; kunim uyo mmɔ ke akpanikɔ: koro mmɔ edɔhɔde eti ikɔ ye afo.

MME ŊKE 30:17

Ama edi enyin eke esuenede ete, onyuŋ esede eka ke ndek, minyuŋ ikopke uyo esie, mme raven ke itihere eyekɔŋ enye; nditɔ ntrukpom eyenyuŋ eta enye.

2 SAMUEL 16:11

Ke nso ke afo anam ntre? David onyuŋ ɔdɔhɔ Abishai, ye kpukpru ikɔt esie, ete, Sese, eyen mi, emi okotode mi ke idem, ke oyoyom uwem mi: ŋwaŋwa-ediso owo Benjamin emi? Mbufo ekukere enye: yak enye osuŋi: koro edi Jehovah ɔkɔdɔhɔ enye.

GENESIS 49:4

Ofofut nte mmɔŋ, uduforoke; koro afo ɔkɔdɔkde ke bed usɔ; ke ini oro afo asabade enye. Enye ɔkɔdɔk ke mbri mi!

ISAIAH 9:19

Iyaresit Jehovah esin isɔŋ okim, mbio-obio enyuŋ ebiet udia ikaŋ: kiet iyakke kiet ɔbɔhɔ.

JEREMIAH 9:4

Mbufo kpukpru ekpeme idem mbak nsaŋa mbufo, ekunyuŋ ebuɔt idem ye baba eyen-eka kiet: koro kpukpru nditɔ-eka eyekari ŋkari, kpukpru nsaŋa eyesaŋa mbiari.

ISAIAH 3:5

Ndien kpukpru owo eyesɔŋ ido kiet ye kiet, owo ŋko ye mbɔhɔ-iduŋ esie: mmɔ eyenam iseri-iseri, eyenɔwɔŋ eyenam ye ebio-owo, obukpo owo eyenam ye ɔbɔŋ.