MICAH 7:3 - Edisana ñwed Abasi Ibom

³ Ubɔk mbiba edoro ke idiɔk man etim enam: ɔbɔŋ ye ebierikpe ŋko eyom utip: akwa owo onyuŋ etiŋ se idɔŋde ukpɔŋ esie: ntem ke mmɔ ekwaŋa ŋkpɔ.

MICAH 7:3 Referans Kwoze

MICAH 3:11

Mme etubom esie ebiere ikɔ ke okuk, mme oku esie enyuŋ eteme owo ke inyene, mme prophet esie enyuŋ ebre mfa ke silver: ndien mmɔ ebere edem ye Jehovah, ete, Nte Jehovah iduhe ke otu nnyin? Idiɔk-ŋkpɔ idisimke nnyin.

AMOS 5:12

Koro mmɔfiɔk ediwak mme idiɔk ido mbufo, ye mkpɔsɔŋ ukwaŋ-ŋkpɔ mbufo: ke etuk nti owo, ke ebɔ utip, enyuŋ enuk mme ubuene efep ke inua-otop.

JEREMIAH 8:10

Mmɔdo nyeda iban mmɔ nnɔ owo eŋwen, nyemen iŋwaŋ mmɔ nnɔ owo eke edidade mmɔ enyene: koro ŋkpri ye ikpɔ kpukpru kiet kiet enyene isin-enyin, prophet ye oku kpukpru enam abiaŋa.

1 ŊWED CORINTH 4:5

Andidomo mi edi Ɔbɔŋ. Mmɔdo ekuben ini iso ebiere ikɔ, tutu Ɔbɔŋ edi: Enye eyeda se idibede ke ekim ɔwɔrɔ edi ke uŋwana, onyuŋ ayarare uduak eke esinede owo ke esit. Adaŋoro ndien ke kpukpru owo kiet kiet edibɔ itoro ke ubɔk Abasi.

MATTHEW 26:15

Mbufo enyime ndinɔ mi nso, ndien nyeda Enye nyak nnɔ mbufo? Mmɔ edomo mbak silver edip ye duop enɔ enye.

HOSEA 4:18

Eritie ke itie wine omokure: mmɔ eka ekenam use: mme andikpeme enye esɔŋ ema but eti-eti.

EZEKIEL 22:27

Mbɔŋ esie ke otu mmɔ ebiet wolf eke ewaide ŋkpɔ, ke eriduɔk iyip, nnyuŋ nsobo ukpɔŋ, man mmɔ edia udori utuk.

EZEKIEL 22:6

Sese, mbɔŋ Israel kpukpru owo ke ukeme mmɔ edu ke ufɔt fo, man eduɔk iyip.

JEREMIAH 3:5

Nte enye edikɔkɔhɔre ke nsinsi? Nte enye edinim iyaresit tutu amama? Sese, afo ɔmɔdɔhɔ, omonyuŋ anam mme idiɔk ŋkpɔ adaŋa nte ekemede.

ISAIAH 26:21

Koro, sese, Jehovah ɔmɔŋ oto ke ebiet esiemɔ ɔwɔrɔ, ete inɔ ererimbot ufen ibaŋa mme idiɔk ido mmɔ: ndien isɔŋ eyeyarare iyip esie, idinyuŋ ifukke aba nditɔ esie emi ekpaŋade afai.

ISAIAH 1:23

Mbɔŋ fo edi mbon nsɔŋ-ibuot, ye nsaŋa inɔ: kpukpru mmɔ esuk emama enɔ, enyuŋ ebine utip: mmɔ ikpehe ikpe eyen akpa, ikɔ ebe-akpa inyuŋ isimke mmɔ.

MME ŊKE 17:23

Idiɔk owo osio enɔ ke ikpanesit, man oyut usuŋ ikpe.

ISAIAH 3:5

Ndien kpukpru owo eyesɔŋ ido kiet ye kiet, owo ŋko ye mbɔhɔ-iduŋ esie: mmɔ eyenam iseri-iseri, eyenɔwɔŋ eyenam ye ebio-owo, obukpo owo eyenam ye ɔbɔŋ.

ISAIAH 5:23

eke enamde ikpe asana idiɔk owo ebaŋa enɔ, enyuŋ ebɔde owo utebe-ikpe ndinen owo!

ISAIAH 32:7

Ndien ama edi afam, ŋkpɔ utom esie ediɔk: enye aduak uduak ŋkari, ete isobo mbon ukut ke ikɔ nsu, kpa ke adaŋemi eyen ubuene ɔdɔhɔde se inende.

EZEKIEL 9:9

Ndien enye ɔdɔhɔ mi, ete, Idiɔk ido ufɔk Israel ye Judah omokpon eti-eti; iyip onyuŋ ɔyɔhɔ ke isɔŋ emi; ndek onyuŋ ɔyɔhɔ ke obio: koro mmɔ edɔhɔde ete, Jehovah ɔmɔkpɔŋ isɔŋ emi, Jehovah inyuŋ ikwe.

EZEKIEL 22:12

Ebɔ inyene ke ufɔt fo, ete iduɔk iyip; afo ada udori ye nkɔri, onyuŋ adia mbɔhiduŋ fo ke ŋwo, onyuŋ efre mi. Uyo Ɔbɔŋ Jehovah edi emi.

HOSEA 7:3

Mmɔ edat edidem esit ke idiɔk ido mmɔ, enyuŋ edat mbɔŋ esit ke nsu mmɔ.

MICAH 2:8

Ndien tutuko ikɔt mi edaha eda nte usua; mmɔ esioŋo ekura ekɔrɔ ye ɔfɔŋ-idem ke idem mmɔ eke esaŋade ke ndue-idem ebe, nte mmɔ eke etode ke ekɔŋ efiak edi.

MICAH 3:2

Emi esuade eti ŋkpɔ, enyuŋ emade idiɔk-ŋkpɔ; emi eyararede mmɔ ikpɔk ke idem, ye obuk mmɔ ke ɔkpɔ mmɔ efep;

MME ŊKE 16:30

Owo oro ɔbɔp enyin esie man ekere ibak: ofip mkpɔk-inua esie, anam idiɔk ŋkpɔ ama.

JEREMIAH 4:22

Koro ikɔt mi edide ndisime, mmɔ ifiɔkke mi; mmɔ edi nditeŋ nditɔ, inyuŋ inyeneke ibuot; etim efiɔk ndinam idiɔk, edi ifiɔkke ndinam eti.

EZEKIEL 34:21

Koro mbufo edade ŋkaŋ ye afara enuk, enyuŋ edade nduk mbufo ekim kpukpru mmɔ emi idem ememde mmɔ, tutu mbufo esuan mmɔ esin ke esien.