MICAH 7:15 - Edisana ñwed Abasi Ibom

¹⁵ Kpa nte usen emi afo okotode ke Egypt ke ndiwut enye mme utibe ŋkpɔ.

MICAH 7:15 Referans Kwoze

EXODUS 3:20

Ndien nyenyanare ubɔk mi mmia Egypt ke kpukpru mme utibe ŋkpɔ mi emi ndinamde ke otu mmɔ: ndien amanam enye eyesana mbufo ayak.

ISAIAH 51:9

Demere, demere, sine odudu, O ubɔk Jehovah; demere, kpa nte ke eyo oko, ke emana eset. Nte idige afo edi enye emi okokpokde Rahab mbio-mbio, okonyuŋ owotde dragon?

ISAIAH 11:16

Ndien ɔkpɔ-usuŋ eyena ɔnɔ nsuhɔ ikɔt esie, eke Asshur edisuhɔde; kpa nte akanade ɔnɔ Israel ke usen oro enye otode ke Egypt ɔdɔk.

ŊWED MME PSALM 68:22

Ɔbɔŋ ɔdɔhɔ ete, Nyeda (mmɔ) ke Bashan mfiak ndi: nyeda (mmɔ) ke udem inyaŋ mfiak ndi:

EXODUS 34:10

Ndien Enye ɔdɔhɔ ete, Sese, ami mmɔŋ ndiomi ediomi: ke iso kpukpru oruk fo ke ndinam mme utibe ŋkpɔ, eke akanam minamke ke ofuri ererimbot, akanam minyuŋ inamke ke baba idut kiet: ndien kpukpru owo emi afo odude ke otu mmɔ, eyekut se Jehovah edinamde: koro se ndinamde ye afo edide ŋkpɔ ndik.

ISAIAH 51:10

Nte idige afo edi enye emi akanamde akamba mmɔŋ, kpa mmɔŋ akwa inyaŋ asat? emi ekesinde udem akwa mmɔŋ edi usuŋ, eke mmɔ eke ekefakde mmɔ ekpesaŋade ebe?