MICAH 7:12 - Edisana ñwed Abasi Ibom

¹² Ndien ke usen oro, owo eyeto ke Assyria, ye ke mme obio Egypt edi ke ebiet fo, ɔtɔŋɔde ke Egypt ŋko tutu osim akpa, ye ke inyaŋ kiet tutu osim inyaŋ eken, ye ke obot kiet tutu osim obot eken.

MICAH 7:12 Referans Kwoze

HOSEA 11:11

mmɔ eyeto ke isɔŋ Egypt esɔp itɔk nte ntarusuŋ, eyenyuŋ eto ke isɔŋ Assyria nte ibiom; ndien ami nyeyak mmɔ eduŋ ke mme ufɔk mmɔ. Uyo Jehovah edi emi.

ISAIAH 11:16

Ndien ɔkpɔ-usuŋ eyena ɔnɔ nsuhɔ ikɔt esie, eke Asshur edisuhɔde; kpa nte akanade ɔnɔ Israel ke usen oro enye otode ke Egypt ɔdɔk.

EZEKIEL 37:21

Ndien dɔhɔ mmɔ, ete, Ntem ke Ɔbɔŋ Jehovah ɔdɔhɔ, ete, Sese, ami mmɔŋ nda nditɔ Israel mfep ke otu mme idut emi mmɔ esaŋade do, nnyuŋ ntaŋ mmɔ ke ŋkanŋkuk mbon, nnyuŋ nda mmɔ ndi ke isɔŋ mmɔ;

EZEKIEL 29:21

Ke usen oro nyenam nduk otibe ɔnɔ ufɔk Israel nnyuŋ nyak fi aŋwaŋade inua ke otu mmɔ: ndien mmɔ eyefiɔk ete ke ami ndi Jehovah.

JEREMIAH 31:8

Sese, ami nyeda mmɔ ke edem edere ndi, nnyuŋ ntaŋ mmɔ ke ŋkaŋ ererimbot mbon, nnan, ye mbuŋɔ, ye oyomo idibi, ye aŋwan uman ɔtɔ kiet: akwa udim eyefiak edi ken.

JEREMIAH 23:3

Ndien ami nyetaŋ ufene mi emi esuhɔde ke kpukpru mme idut eke mbinde mmɔ nsin do, mbon, nyenyuŋ nda mmɔ mfiak ke ebiet nna mmɔ; ndien mmɔ eyetɔt enyuŋ ewak.

JEREMIAH 3:18

Ke eyo oro ufɔk Judah eyekɔrɔ ke ufɔk Israel, esaŋa, ndien mmɔ eyeto ke isɔŋ edere esaŋa ikpat kiet edi isɔŋ emi ŋkɔnɔde mme ete mbufo enyene.

ISAIAH 49:12

Sese, mme mmɔ emi eyeto ke anyan idut edi: sese, mmɔ emi ŋko eto ke edem edere, ye ke edem inyaŋ; mme mmɔ emi ŋko enyuŋ eto ke idut Sinim.

ISAIAH 43:6

nyedɔhɔ edem edere, nte, Yak nɔ: nyedɔhɔ usuk, nte, Kubaha: da nditɔ-iren mi ke anyan idut di, ye nditɔ-iban mi ke utit ererimbot;

ISAIAH 11:11

Ndien ama ekem ke usen oro, Ɔbɔŋ eyetɔŋɔ ntak esin ubɔk afak nsuhɔ ikɔt esie, emi Asshur, ye Egypt, ye Pathros, ye Cush, ye Elam, ye Shinar, ye Hamath, ye mme isuo inyaŋ esuhɔde.

JEREMIAH 46:27

O Jacob, owo mi, afo kufehe, ndien, O Israel kunyuŋ ukpa idem: koro, sese, ami nyenyaŋa fi nsio ke anyan ebiet, nyenyaŋa ubon fo nsio ke isɔŋ ntaŋ-mfep mmɔ; ndien Jacob eyefiak edem, onyuŋ etie suŋ, onyuŋ oduŋ ke ifure, ndien baba owo kiet eke anamde enye ndik ididuhe.