MICAH 7:1 - Edisana ñwed Abasi Ibom

¹ ƆDƆDIƆK ye ami! koro ntiede nte etetde ndat-ndat mfri: mbiet ŋkeŋe-ŋkeŋe mfri vine: baba etuek kiet eke owo adiade iduhe: baba akpa ndat fig eke ɔdɔŋde mi ukpɔŋ.

MICAH 7:1 Referans Kwoze

HOSEA 9:10

Ŋkokut Israel nte mfri vine ke ikɔt; ŋkese mme ete mbufo nte akpa mfri, eto fig ke eritɔŋɔ esie: edi mmɔ eka ke ɔtɔ Baal-poer, enyuŋ edianare idem mmɔ enɔ ŋkpɔ but oro: enyuŋ ekabare edi mbubiam ŋkpɔ nte se mmɔ emade.

ISAIAH 28:4

Ndien ediyemere flower ediye mbana esie emi odorode ke ibuot eti itihere isɔŋ esie, eyebiet ŋwara-ndat fig ke ini utet mika-ikemke kaŋa: emi andise okutde, ndien ke osuk odude ke ubɔk esie, emen enye adia.

ISAIAH 24:13

Koro ntem ke editie ke ufɔt ererimbot ke otu mme idut, nte etuakde olive, ye nte mfiɔhɔ grape ke emade utet.

ISAIAH 17:6

Ndien ndusuk eyesuhɔ ke esit, kpa nte ke etetde olive, olive ita mme iba ke nsom edikoŋ ŋkɔk, inaŋ mme ition ke ŋkɔk eti mfri eto; emi edi uyo Jehovah Abasi Israel.

JEREMIAH 45:3

Afo ɔkɔdɔhɔ, ete, Ɔdɔdiɔk ye ami ndien! koro Jehovah ɔmɔkɔrɔ ndutuhɔ ke ubiak mi; mmakpa mba ke eseme mi, ndien ŋkwe nduɔk-odudu.

JEREMIAH 15:10

Ɔdiɔk ye ami, O eka mi, koro afo akamande mi owo utɔk, ye owo eŋwan ɔnɔ ofuri isɔŋ! Ami nnɔŋɔ owo ŋkpɔ ke ebuɔt, owo inyuŋ inɔŋɔ mi ke ebuɔt; kpukpru owo etɔk mi.

JEREMIAH 4:31

Koro ŋkopde uyo ebiet aŋwan uman, ubiak ebiet eke ŋwan eke amande akpan eyen, uyo adiaha zion, enye eŋwek, anyan ekaubɔk esie; ete, “Mbɔm mi ndien: koro mme owot-owo esinde ukpɔŋ akpa mi.”

ISAIAH 24:16

Nnyin itie ke utit ererimbot ikop ikwɔ, ete “Nɔ eti owo ubɔŋ.” Edi ami ndɔhɔ nte, Ɔdiɔk mi, ɔdiɔk mi, ifɔnke fɔn inɔ mi! mbon ŋwo ke ewoŋwo: mbon ŋwo ke ewo ŋwo.

ISAIAH 6:5

Ndien ami ndɔhɔ, nte, Mbɔm mi! koro mmakpa: koro ami ndide owo edidehe mkpɔk-inua, nnyuŋ nduŋ ke otu mbon edidehe mkpɔk-inua: koro enyin mi okutde edidem, Jehovah mme udim.

ŊWED MME PSALM 120:5

Mbɔm mi, koro ndaŋde ke Meshech, nnyuŋ nduŋde ŋkpere mme tent Kedar!

JEREMIAH 24:2

Fig akpasa kiet ɔfɔn eti-eti, ebiet ŋwara-ndat fig: fig akpasa eken ediɔk ekaha, eke mikemeke ndidia, koro mmɔ ediɔkde ntem.

NUMBERS 18:13

Akpa mfri ke kpukpru se idude ke isɔŋ mmɔ, eke edade esɔk Jehovah, edidi okuo; kpukpru edisana owo ke ufɔk fo edidia enye.

MME ŊKE 20:6

Ediwak owo ke idem mmɔ ekwɔrɔ mfɔnido mmɔ: edi anie edikut owo akpanikɔ?

JEREMIAH 5:1

MBUFO ekanare mme efak Jerusalem, enyuŋ ese, enyuŋ efiɔk, enyuŋ eyom ke mme aŋwa esie, Mbufo ema ekut owo, owo eke anamde edinen ido, onyuŋ oyomde akpanikɔ, ama odu, ndien nyedahado nnɔ enye.