MICAH 6:16 - Edisana ñwed Abasi Ibom

¹⁶ Ndien mmɔ enim mme ewuhɔ Omri, ye kpukpru se ufɔk Ahab akanamde, ndien mbufo esaŋa ke mme uduak mmɔ, man nnim fi ke ŋkpɔ nditaha, nnim mme andiduŋ enye ke se eside: mmɔdo mbufo eyebiom esuene ikɔt mi.

MICAH 6:16 Referans Kwoze

JEREMIAH 51:51

But akanam nnyin, koro nnyin ikokopde esuene: but okofuk nnyin iso: koro isen owo ekedukde ke edisana ebiet ufɔk Jehovah.

JEREMIAH 7:24

Ndien mmɔ ikopke, inyuŋ ikpaŋke utɔŋ mmɔ, edi esaŋa ke uduak ye ke itun idiɔk esit mmɔ, enyuŋ efiak edem, ikaha iso.

JEREMIAH 19:8

Ndien nyenim obio emi ke se esobode enyuŋ eside: kpukpru mmɔ eke esaŋade ebe enye eyekpa idem, enyuŋ esi ebaŋa kpukpru ufen esie.

ISAIAH 25:8

Enye eyemen mkpa ke nsinsi; Ɔbɔŋ Jehovah onyuŋ ɔkwɔhɔre kpukpru iso mmɔŋ eyet efep; eyenyuŋ osio esuene ikɔt esiemɔ ke ofuri ererimbot efep: koro edi Jehovah ɔdɔhɔ.

ŊWED MME PSALM 44:13

Onim nnyin ke ŋkpɔ nsahi mbɔhɔ-iduŋ nnyin, ye ke se mmɔ eke ekande nnyin ekuk, esuenede enyuŋ esakde.

ERIYARARE 2:20

Edi mmenyene se ndade mbiom fi, ete, ayak itie ɔnɔ ŋwan oro, Jezebel, emi okotde idem prophet-aŋwan; onyuŋ adade abiaŋa ekpep ikɔt Mi ndinam use, nnyuŋ ndia se ekewade enɔ ndem.

HOSEA 5:11

Efik Ephraim, etuk enye ke ikpe, koro enye amade nditiene ewuhɔ (Jeroboam).

DANIEL 9:16

O Obɔŋ, kpa nte ofuri eti ido fo asaŋade, mbɔk, yak iyaresit fo ye ikpahesit fo ekabare ekpɔŋ obio fo Jerusalem, edisana obot fo: koro mme idiɔk ido nnyin ye mme ukwaŋ-ŋkpɔ mme ete nnyin esinde Jerusalem ye ikɔt fo ekabare edi ŋkpɔ esuene kpukpru mmɔ eke ekande nnyin ekuk.

EZEKIEL 39:26

ndien mmɔ eyebiom but mmɔ ye ofuri mme ukwaŋ-ŋkpɔ mmɔ emi enamde ye ami, ke ini mmɔ eduŋde ke isɔŋ mmɔ ke ifure, ndien baba owo kiet eke anamde mmɔ edikhe ididuhe.

ŊWED ESEME 5:1

O JEHOVAH, ti se iketibede inɔ nnyin: tiŋ enyin, nyuŋ se esuene nnyin.

JEREMIAH 25:9

Sese, mmɔŋ ndɔŋ ekeda kpukpru mme oruk edem edere, nnyuŋ ndɔŋ utom ke ɔtɔ Nebuchadnezzar edidem Babylon owo mi, nnyuŋ nda mmɔ ndi ekɔŋ ye isɔŋ emi, ye mme andiduŋ enye, ye kpukpru mme idut emi ekande enye ekuk; nyenyuŋ nsobo mmɔ, fap, nnyuŋ nnim mmɔ ke ŋwure, ye ŋkpɔ nsi, ye ke nsinsi ndon.

ISAIAH 9:16

Ndien mme mmɔ emi edade mbio emi usuŋ, esin mmɔ ediyo; ndien emesobo mmɔ emi mmɔ edade usuŋ.

ŊWED MME PSALM 1:1

ƆFƆFƆN ɔnɔ owo eke misaŋake ke item mme idiɔk owo, minyuŋ idaha ke usuŋ mme anam idiɔk minyuŋ itiehe ke itie mbon nsahi;

2 CHRONICLES 34:25

koro mmɔ emekpɔŋ mi, enyuŋ efɔp uwa enɔ mme abasi efen, man mmɔ eyat mi esit ke kpukpru se ubɔk mmɔ enamde mmɔdo ndiŋwaŋade iyaresit mi ke ebiet emi, ndien enye idinimeke.

2 NDIDEM 21:3

Koro enye ɔtɔŋɔde ntak ɔbɔp mme edikoŋ ebiet oro Hezekiah ete esie okowuride; onyuŋ anam itie-uwa ɔnɔ Baal, onyuŋ anam edisɔi ŋkpɔ Asherah, kpa nte Ahab edidem Israel akanamde; onyuŋ atuak ibuot ɔnɔ ofuri udim-enyɔŋ, onyuŋ anam ŋkpɔ mmɔ.

2 NDIDEM 16:3

Edi enye asaŋa ke usuŋ ndidem Israel, onyuŋ anam eyen esie ŋko ebe oduk ke ikaŋ, ekem ye mbubiam ido mme idut oro Jehovah ekemende efep ke iso nditɔ Israel ɔduɔk.

1 NDIDEM 18:4

koro edikem adaŋemi Jezebel okowotde mme prophet Jehovah, Obadiah ada prophet ikie, odip mmɔ owo aba ye duop, aba ye duop, ke aba itiat, onyuŋ ɔbɔk mmɔ ke uyo ye mmɔŋ.)

1 NDIDEM 9:8

ndien ufɔk emi eyedi edikoŋ: kpukpru owo eke edibede eyeyik, enyuŋ esi; ndien mmɔ eyedɔhɔ, ete, Nsinam Jehovah akanamde isɔŋ emi, ye ufɔk emi ntem?

JEREMIAH 25:18

nnɔ Jerusalem, ye mme obio Judah, ye ndidem mmɔ, ye mbɔŋ mmɔ, man nnim mmɔ ke ŋkpɔ ŋwure, ye nsobo, ye nsi, ye isuŋi; kpa nte mfin emi;

JEREMIAH 29:18

Nyenyuŋ nda ofut, ye biɔŋ, ye idiɔk udɔŋɔ mbine mmɔ, nnyuŋ nnim mmɔ ke ŋkpɔ ndutime nnɔ kpukpru mme idut ke ererimbot, ye ke isuŋi, ye ke nsobo, ye ke nsi, ye ke esuene ke otu kpukpru mme idut eke mbinde mmɔ nsin do:

HOSEA 12:14

Ephraim akayat enye esit idige ŋkpɔ: ndien Ɔbɔŋ esie eyeyak iyip esie ɔsɔp enye, onyuŋ osio usiene but esie ye enye.

MICAH 2:6

Mbufo ekutiŋ ikɔ. Ete, eyetiŋ; mitiŋke ntem, esuene iditreke.

MICAH 6:13

Ami ŋko nyeyibi fi nnam ɔdɔŋɔ, nnyuŋ nsobo fi mbaŋa mme idiɔk ido fo.

2 CHRONICLES 22:4

Ndien enye anam idiɔk ke iso Jehovah, kpa ke ufɔk Ahab: koro adaŋemi ete esie akakpade, mmɔ edi mme anditeme enye eke esobode enye.

ŊWED MME PSALM 44:14

Afo onim nnyin ke ufiet ke otu mme idut, ye se mme obio eyipde ibuot.