MICAH 6:15 - Edisana ñwed Abasi Ibom

¹⁵ Afo eyesuan, edi udukpeŋeke; eyenuak olive, edi uduyetke aran ke idem, eyenuak mmɔŋ mfri vine, ndien uduŋwɔŋke wine.

MICAH 6:15 Referans Kwoze

ZEPHANIAH 1:13

Ndien inyene mmɔ eyeka-bare edi se ebumede, mme ufɔk mmɔ eyenyuŋ ewure: ndien mmɔ eyebɔp ufɔk, edi ididuŋke; eyenyuŋ etɔ iŋwaŋ-vine, ndien idiŋwɔŋke wine mmɔ.

AMOS 5:11

Mmɔdo, koro mbufo edigide mbon unana, enyuŋ ebɔde mmɔ utomo ibokpot: mbufo ebɔp ufɔk ke ndisɔi itiat, edi ididuŋke ke esit; enyuŋ etɔ edifɔn iŋwaŋ-vine, edi idiŋwɔŋke wine mmɔ.

JEREMIAH 12:13

Mmɔ eketɔ wheat ke isɔŋ, ndien ekpeŋe mbarekpe: ekpa mba, edi idikwe udori: mmɔ eyekut but ebaŋa mbuŋwum mbufo, oto ke ikaŋ iyaresit Jehovah.

HAGGAI 1:6

Mbufo etetɔ ediwak ŋkpɔ ke isɔŋ, ndien ekut esisit; edia ŋkpɔ, edi ikemke: eŋwɔŋ, edi iyuhɔke; esine ŋkpɔ ke idem, edi ikopke ufiop; anam-utom ke utip onyuŋ esin utip ke ekpat eke otibede ndudu.

LEVITICUS 26:20

Ndien ŋko nyema odudu mbufo ke ikpikpu: isɔŋ mbufo idinyuŋ inɔŋɔ mbufo eduek, eto iŋwaŋ idinyuŋ iŋwumke mfri mmɔ.

JOHN 4:37

Ŋke oro etopde ete, Owo kiet asuan mkpasip, owo efen ekpeŋe, ɔwɔrɔ osu ke ŋkpɔ emi.

ŊWED JOB 31:8

Yak ami ntɔ, ndien owo eŋwen adia, yak enyuŋ edibere nditɔ mi.

HABAKKUK 3:17

Koro eto fig midiseheke, baba mfri midinyuŋ iduhe ke mme vine: mbuŋwum olive eyenyuŋ okpu, iŋwaŋ idi-nyuŋ idukke udia; ŋkpri ufene eyetre ke ebiet ufene, baba enaŋ kiet idinyuŋ iduhe ke ufɔk enaŋ.

LEVITICUS 26:16

ami ŋko nyenam ŋkpɔ emi ye mbufo: nnyuŋ nda nnyek-idem, ye ndiɔkidem, ye ata ufiopidem ndori mbufo, ndien mmɔ eyetibi owo enyin, enyuŋ esin uduk ke esit: ndien mbufo eyetɔ mkpasip mbufo ke ikpikpu; ndien mme asua mbufo eyedia enye.

JUDGES 6:4

enyuŋ enam nna eŋwana ekɔŋ ye mmɔ, enyuŋ ebiat mbuŋwum isɔŋ, tutu osim ke Gaza, inyuŋ ikpɔŋke se edade edu uwem ke Israel, baba erɔŋ, baba enaŋ, baba ass kiet.