MICAH 5:5 - Edisana ñwed Abasi Ibom

⁵ Ndien emem eyedu ndien. Adaŋemi Assyria edidukde ke edem nnyin; adaŋemi enye onyuŋ edigide ikpɔ ufɔk nnyin, ndien nnyin iyedemere mme ekpemerɔŋ itiaba ye mbɔŋ eke eyetde mmɔ aran itiaita, ete eŋwana ye enye:

MICAH 5:5 Referans Kwoze

LUKE 2:14

Uboŋ enyene Abasi ke ata enyɔŋ. Emem onyuŋ odu ke isɔŋ ke otu owo emi Enye enende iso ye mmɔ.

ZECHARIAH 10:3

Iyaresit mi ofiop ye mme andibɔk oro: ami nnyuŋ nnɔ okpo ebot ufen: koro Jehovah mme udim ekerede otu erɔŋ esie kpa ufɔk Judah, onyuŋ onimde mmɔ ke ediye horse esie ke ekɔŋ.

JOHN 14:27

Ŋkpɔŋ emem ye mbufo; nyak emem Mi nnɔ mbufo: idige nte ererimbot ɔnɔde ke ami nnɔ mbufo. Ekuyak esit etimere mbufo, ekunyuŋ eyak esit mbufo ekop ndik.

ZECHARIAH 9:10

Ndien nyesibe chariot mfep ke Ephraim, nsibe horse mfep ke Jerusalem, eyenyuŋ esibe utiga ekɔŋ efep: ndien enye eyetaŋa emem ɔnɔ mme idut, onyuŋ ada ubɔŋ ɔtɔŋɔde ke inyaŋ kiet tutu osim inyaŋ eken, onyuŋ ɔtɔŋɔde ke akpa tutu osim ke mme utit ererimbot.

ECCLESIASTES 11:2

Da ubak nɔ itiaba, nɔ itiaita ŋko: koro afo mufiɔkke idiɔk-ŋkpɔ eke edidude ke ererimbot.

ŊWED JOB 5:19

Enye eyesio fi ke ukut itiokiet efep: ndien ke itiabaidiɔk-ŋkpɔ idisimke fi.

ERIYARARE 19:14

Ndien udim ekɔŋ emi edude ke heaven edoro ke mfia enaŋ-mbakara etiene Enye ke edem, mmɔ esine ediye linen emi afiade onyuŋ asanade.

ERIYARARE 17:14

Mmɔ eyeŋwana ekɔŋ ye Eyen-erɔŋ, ndien Eyen-erɔŋ eyekan mmɔ, koro Enye edide Ɔbɔŋ mbɔŋ ye Edidem ndidem; mmɔ emi edude ye Enye eyenyuŋ ekan, kpa mmɔ emi Abasi okokotde, onyuŋ emekde, emi enyuŋ edide mme anam akpanikɔ.

JOHN 16:33

Ntiŋ mme ŋkpɔ emi nnɔ mbufo, man mbufo enyene emem ke Idem Mi. Mbufo eyekut ukut ke ererimbot: edi esɔŋ esit; Ami ŋkakan ererimbot.

ZECHARIAH 12:6

Ke usen oro nyenim mme etubom Judah ke eso ikaŋ ke otu ifia, ye ke nsaraŋ-ikaŋ ke ebek; ndien mme eyeta kpukpru mme idut emi ekande ekuk ke nnasia ye ke ufien: ndien Jerusalem eyesuk eduŋ ke ɔtɔ esie, kpa ke Jerusalem.

ZECHARIAH 9:13

Koro ndudide Judah ke idem mi nda Ephraim nsin ke utiga, nnyuŋ ndemere nditɔ fo, O Zion, nte eŋwana ye nditɔ fo, O Greece, nnyuŋ nnim fi ke ofut owo uko.

AMOS 1:6

Ntem ke Jehovah ɔdɔhɔ, ete, Idiɔk ido Gaza ita ye inaŋ iyakke mi ŋkabare enye (ufen) mfep: koro mmɔ eketaŋde ata ediwak owo efep, eka ekeyak enɔ Edom.

AMOS 1:3

Ndien Jehovah ɔdɔhɔ, ete, Idiɔk ido Damascus ita ye inaŋ iyakke mi ŋkabare enye (ufen) mfep; koro mmɔ enuakde Gilead ke ŋkpɔ ubek-ibokpot emi enamde ke ukwak.

JEREMIAH 33:15

Ke mme usen oro, ye ke ini oro, ke ndinam edinen nsehe otibe ɔnɔ David; ndien enye eyenam edinen ikpe ke ererimbot.

ISAIAH 65:8

Ntem ke Jehovah ɔdɔhɔ, ete, Kpa nte ekutde obufa wine ke etuek vine, owo onyuŋ ɔdɔhɔ ete, Kusobo enye: koro eti ŋkpɔ odude enye ke esit: kpa ntre ke ndinam mbaŋa ikɔt mi, man ŋkusobo kpukpru.

ISAIAH 59:19

Ndien owo eyeto ke edem usop-utin edibak enyiŋ Jehovah, eto ke edem usiaha edibak ubɔŋ esie. Ke ini usua odukde nte akpa mmɔŋ, spirit Jehovah eyemenere banner ke enyɔŋ abaŋa enye.

ISAIAH 44:28

emi ɔdɔhɔde abaŋa Cyrus, ete, Ekpemerɔŋ mi, ndien enye eyenam kpukpru se mmade ama: eyenyuŋ ɔdɔhɔ Jerusalem, ete, Eyediɔŋ fi; ɔdɔhɔ temple, ete, Eyetɔŋɔ ndibɔp fi.

ISAIAH 7:14

Mmɔdo Ɔbɔŋ ke idem esie ɔnɔde mbufo idiɔŋɔ: sese, eyenɔwɔŋ aŋwan oyomo, onyuŋ aman eyen eren, onyuŋ osio enye enyiŋ IMMANUEL.

MME ŊKE 30:29

Enyene ŋkpɔ ita eke eyede ikpat: kpa inaŋ eye isaŋ:

MME ŊKE 30:18

Ŋkpɔ ita edu eke enyenede mi ndyɔ ekan: ye ŋkpɔ ŋkpɔ inaŋ eke mmemfiɔkke:

ŊWED MME PSALM 72:7

Edinen owo eyefiari ke eyo esie; ye ediwak emem ŋko tutu ɔfiɔŋ okure.

MME ŊKE 6:16

Jehovah asasua ŋkpɔ mbitiokiet emi:

ISAIAH 14:25

ndinuak Asshur ke isɔŋ emi, ndien nyedigi enye ke enyɔŋ ikpɔ obot mi: ndien ɔkpɔnɔ esie eyekibe mmɔ ke idem efep, mbiomo esie eyenyuŋ obiomore mmɔ ke afara.

ZECHARIAH 10:11

Ndien enye eyesaŋa ke inyaŋ ukut ebe, onyuŋ amia odut ke inyaŋ, ndien kpukpru udem ke Nile eyesat: ndien enye eyesuhɔre iseri Assyria onim; mmɔnyɔ Egypt eyenyuŋ adaha.