MICAH 5:4 - Edisana ñwed Abasi Ibom

⁴ Ndien enye eyeda edibɔk ke odudu Jehovah, ke ubɔŋ enyiŋ Jehovah Abasi esie; ndien mmɔ eyebigi: koro ke emi ke enye edikpon tutu osim utit ererimbot.

MICAH 5:4 Referans Kwoze

MICAH 7:14

Da esaŋ fo bɔk ikɔt fo, kpa ufene emi afo enyenede, emi eduŋde ikpɔŋ ke akai ke ufɔt Carmel: mmɔ eyeta mbiet ke Bashan ye ke Gilead, kpa nte eyo oko.

LUKE 1:32

Enye eyekpon, eyenyuŋ ekere Eyen Andikoŋ-ŋkan; Jehovah Abasi eyenyuŋ ɔnɔ Enye ebekpo ete Esie David:

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.

1 PETER 1:5

Abasi okonyuŋ onim udeme oro ke heaven ɔnɔ mbufo, emi Enye adade odudu Esie ekpeme oto ke mbuɔtidem, ete, edisim erinyaŋa eke enimde ebet akpatre ini ndiwut idem.

JUDE 1:1

JUDAS emi edide owo Jesus Christ, ye eyen-eka James ewet ŋwed emi ɔnɔ esɔk mmɔ emi ekekotde, emi Abasi Ete amade, emi enyuŋ ekpemede mmɔ enɔ Jesus Christ.

ŊWED MBON EPHESUS 1:3

Itoro enyene Abasi ye Ete Ɔbɔŋ nnyin Jesus Christ, emi akadade kpukpru ŋkpɔ mfɔn eke spirit ke mme itie heaven ɔdiɔŋ nnyin ke Christ.

JOHN 20:17

Jesus ete enye, Kutuk Mi; koro ndɔkke kaŋa ntiene Ete; edi bine nditɔ-ete Mi kɔdɔhɔ mmɔ ete, Mmɔŋ ndidɔk ntiene Ete Mi ye Ete mbufo, Abasi Mi ye Abasi mbufo.

JOHN 10:38

Edi edieke nnamde, okposuk edi nte mbufo minimke Mi ke akpanikɔ, enim utom naŋa ke akpanikɔ; man mbufo efiɔk enyuŋ eneŋere ekut ete, Ete odu Mi ke idem, Ami nnyuŋ ndu ke Ete.

MATTHEW 25:31

Ke ini Eyen Owo edidide ke ubɔŋ Esie, asaŋa ye kpukpru mme angel, adaŋaro ke Enye eyetie ke ebekpo ubɔŋ Esie.

MATTHEW 16:18

Ami mmonyuŋ ndɔhɔ fi nte, Afo edi Peter, ndien nyebɔp ufɔk Mi ke enyɔŋ itiat emi, mme inua-etop Hades idinyuŋ ikanke enye.

MATTHEW 2:6

Ndien afo Bethlehem, isɔŋ Judah, Ukprike ukaha ke baba usuŋ kiet ke otu mbɔŋ Judah; Koro andikara eyeto fi ke esit ɔwɔrɔ, Emi edikpemede ikɔt Mi Israel.

ZECHARIAH 9:10

Ndien nyesibe chariot mfep ke Ephraim, nsibe horse mfep ke Jerusalem, eyenyuŋ esibe utiga ekɔŋ efep: ndien enye eyetaŋa emem ɔnɔ mme idut, onyuŋ ada ubɔŋ ɔtɔŋɔde ke inyaŋ kiet tutu osim inyaŋ eken, onyuŋ ɔtɔŋɔde ke akpa tutu osim ke mme utit ererimbot.

ISAIAH 52:13

Sese, owo mi eyenam ɔniɔŋ ɔniɔŋ, eyeforo, eyedoro ke enyɔŋ, onyuŋ okoŋ eti-eti.

ISAIAH 49:5

Ndien ke emi, emi edi uyo Jehovah emi okobotde mi ke itie-eyen onim ke owo esiemɔ, man nda Jacob mfiak nsɔk enye; edi iditaŋke Israel ibon; edi ami nyennyene ukpono ke iso Jehovah, Abasi mi omonyuŋ edi odudu mi.

ŊWED MME PSALM 145:12

Enyuŋ enam nditɔ owo efiɔk ese esie, ye ubom uyai ubɔk esie.

ŊWED MME PSALM 98:3

Enye emeti ima esie ye akpanikɔ esie emi enye enyenede ye ufɔk Israel: kpukpru mme utit ererimbot emekut erinyaŋa Abasi nnyin.

ŊWED MME PSALM 93:1

JEHOVAH edi edidem, emesine ubɔŋ ke idem: Jehovah emesine odudu: ɔbɔbɔ ŋkpɔ ke idem. Ererimbot ɔmɔwuhɔ ŋko, idisehekede.

ŊWED MME PSALM 72:19

Enyuŋ ekɔm enyiŋ ubɔŋ esie ke nsinsi: yak ubɔŋ esie onyuŋ ɔyɔhɔ ke ofuri ererimbot.

ŊWED MME PSALM 72:8

Ndien enye eyeda ubɔŋ ɔtɔŋɔde ke inyaŋ kiet tutu osim eken, onyuŋ ɔtɔŋɔde ke akpa tutu osim ke utit isɔŋ.

ŊWED MME PSALM 22:27

Kpukpru mme utit ererimbot eyeti, enyuŋ ekabare etiene Jehovah: kpukpru ufɔk mme idut eyenyuŋ etuak ibuot enɔ fi.

EXODUS 23:21

Kpeme idem fo bak enye, nyuŋ kop uyo esie, kuyat enye esit: koro enye midifenke mme idiɔk ido mbufo: koro enyiŋ mi odude enye ke idem.

ISAIAH 52:10

enye afak Jerusalem. Jehovah ɔmɔfuhɔre edisana ubɔk esie ke enyin kpukpru mme idut; kpukpru mme utit ererimbot eyenyuŋ ekut erinyaŋa Abasi nnyin.

ISAIAH 45:22

Mbufo kpukpru mme idut ererimbot, ekabare ese mi, ndien eyenyaŋa mbufo: koro ami ndide Abasi, ndien efen iduhe aba.

ZECHARIAH 13:7

Jehovah mme udim ɔdɔhɔ, ete, Ofut, demere yom ekpemerɔŋ mi, yom owo emi edide nsaŋa mi: kpi ekpemerɔŋ, ndien erɔŋ eyesuana: ndien nyekabare ubɔk mi nnam ŋkpri nditɔwɔŋ.

MALACHI 1:5

Ndien enyin mbufo eyekut, ndien mbufo eyedɔhɔ ete, Yak Jehovah okpon akan adaŋa Israel.

ISAIAH 8:7

Ɔbɔŋ ke ada mkpɔsɔŋ ye akamba mmɔŋ akpa, kpa edidem Assyria, ye ofuri ubɔŋ esie, ɔdɔk etiene mmɔ: ndien enye eyetɔ ɔyɔhɔ ke ofuri akpa esie, onyuŋ emen ofuri mben esie: