MICAH 4:12 - Edisana ñwed Abasi Ibom

¹² Ndien mmɔ ifiɔkke uduak Jeho-vah, ekikere esie inyuŋ iŋwaŋake mmɔ: koro Enye eyetaŋ mmɔ obon nte ebek ke ɔtɔ ubek-ibokpot.

MICAH 4:12 Referans Kwoze

ISAIAH 55:8

Koro mme ekikere mbufo midige mme ekikere mi, mme usuŋ mbufo minyuŋ idige usuŋ mi: emi edi uyo Jehovah.

JEREMIAH 29:11

Koro ami mmɔfiɔk ekikere emi ŋkerede mbaŋa mbufo, Jehovah ɔdɔhɔ, ekikere emem, idige eke idiɔk, man nnɔ mbufo utit ye idorienyin.

LUKE 3:17

Usak-ŋkpɔ Esie odu Enye ke ubɔk, ndida nnam itie-ubek-ibokpot Esie otim asana, Enye eyenyuŋ obon ibokpot Esie ke ubet; edi eyefɔp mbio ke ikaŋ eke midinimeke.

ISAIAH 21:10

O ikɔt mi emi edigide, O eyen itie udigi mi ŋko! mmasian mbufo se ŋkopde ye Jehovah mme udim, Abasi Israel.

ŊWED MME PSALM 147:19

Emi etiŋde ikɔ esie ɔnɔ Jacob; etiŋ mme ewuhɔ esie ɔnɔ Israel.

ŊWED MME PSALM 147:20

Enye ikanamke ntem ye baba idut kiet: ndien ama edi mme ikpe esie, mmɔ ifiɔkke mmɔ. Mbufo etoro Jehovah.

ISAIAH 10:7

Edi enye idikereke ntem, esit esie idinyuŋ iduakke ntem; koro odude enye ke esit ndisobo nnyuŋ nsibe ediwak mme idut mfep.

ISAIAH 29:7

Ndien ofuri akwa otu mme idut emi eŋwanade ekɔŋ ye Ariel, kpa kpukpru mmɔ emi ekade ekɔŋ ye enye ye ibibene esie, emi enyuŋ etukde enye, eyebiet ndap, kpa nte ŋkukut okoneyo.

JEREMIAH 51:20

Afo edi okpoyom mi ye ŋkpɔ ekɔŋ: mma nnyuŋ nda fi nsuan mme idut; mma nnyuŋ nda fi nsobo obio;

JOEL 3:2

ndien nyebon kpukpru mme idut, nda mmɔ nsuhɔre ke itihere Jehosha-phat, nnyuŋ ŋkpe ikpe ye mmɔ do, mbaŋa ikɔt mi ye Israel udeme mi, emi mmɔ ekesuande ke otu mme idut, ndien ebahare isɔŋ mi.

JEREMIAH 51:33

Koro ntem ke Jehovah mme udim Abasi Israel ɔdɔhɔ, ete, Adiaha Babylon ebiet ebiet ubek ibokpot, ke ini eke edigide enye: osuk esisit ndien ini ukpeŋe eyesim enye.