Biblia Todo Logo
Bib sou entènèt

- Piblisite -




MICAH 4:1 - Edisana ñwed Abasi Ibom

1 NDIEN ama ekem ke akpatre ini oro, obot ufɔk Jehovah eyewuhɔ ke ibuot ikpɔ obot, eyenyuŋ emenere enye ekan ŋkpri obot: ndien mme idut eyebuŋɔ eka do.

Gade chapit la Kopi




MICAH 4:1
53 Referans Kwoze  

Ke ini oro mmɔ eyesio Jerusalem enyiŋ, ete, Ebekpo Jehovah; kpukpru mme idut eyenyuŋ ebono ke esit, ebaŋa enyiŋ Jehovah, ke Jerusalem: ndien mmɔ idisaŋake aba itiene idiɔk isɔŋesit mmɔ.


Kpukpru mme utit ererimbot eyeti, enyuŋ ekabare etiene Jehovah: kpukpru ufɔk mme idut eyenyuŋ etuak ibuot enɔ fi.


Ntem ke Jehovah ɔdɔhɔ, ete, Mmɔnyɔŋ ndi ke Zion, nyenyuŋ ndaŋ ke ufɔt Jerusalem: ndien Jerusalem eyekere, ete, Obio akpanikɔ; ye obot Jehovah mme udim, edisana obot.


Kpukpru mme idut emi afo akanamde eyedi edituak ibuot ke iso fo, Ɔbɔŋ; eyenyuŋ ekpono enyiŋ fo.


Abasi ɔdɔhɔ ete, Ama ekem ke ukperedem ini, Nyeŋwaŋa Spirit Mi ndori kpukpru obukidem: Ndien nditɔ-iren mbufo ye nditɔ mbufo iban eyetiŋ prophecy, Mkparawa mbufo eyekut ŋkukut, Mbiowo mbufo eyenyuŋ edaba ndap:


Ndien ke ini edibede, nditɔ Israel eyetɔŋɔ ntak eyom Jehovah Abasi mmɔ, ye David edidem mmɔ; enyuŋ ebak Jehovah ye mfɔn esie ke akpatre usen.


Emi edi ewuhɔ ufɔk emi; ke enyɔŋ akwa obot ofuri adaŋa esie emi akande okuk edi ata edisana, sese, emi edi ewuhɔ ufɔk emi.


Koro enyiŋ mi eyekpon ke otu mme idut ɔtɔŋɔde ke edem usiaha-utin tutu osim ke edem usop; ndien mmɔ eyefɔp incense ye edisana uwa enɔ enyiŋ mi ke kpukpru ebiet: koro enyiŋ mi eyekpon ke otu mme idut, Jehovah mme udim ɔdɔhɔ.


Ndien ediwak mme idut eyedian idem mmɔ ye Jehovah ke usen oro, eyenyuŋ edi ikɔt mi; ndien ami nyeduŋ ke ufɔt fo, ndien afo eyefiɔk ete ke Jehovah ɔmɔdɔŋ mi utom ke ɔtɔ fo.


Ŋwaŋade ebiet tent fo, yak mmɔ enyuŋ eneŋere ikpehe iduŋ fo ekɔŋ: kufat ubɔk, nam uruk fo ɔniɔŋ, nyuŋ nam ɔkpɔhɔ fo esɔŋɔ:


Ekem ŋkut mme ebekpo, owo enyuŋ etie ke esit, enyuŋ eyak ubiere ikpe esin mmɔ ke ubɔk; ye mme ukpɔŋ owo oro ekebigide mmɔ ibuot ke ntak ikɔ ntiense Jesus ye ikɔ Abasi, ye kpukpru mmɔ emi mikatuakke ibuot inɔ unam oro ye mbiet esie, mikonyuŋ ibɔhɔ idiɔŋɔ ke ɔkpɔ-iso ye ke ubɔk mmɔ; mmɔ enyuŋ edu uwem, enyuŋ eda ubɔŋ ye Christ ke tɔsin isua.


Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.


ke ukperedem ini emi ama etiŋ ɔnɔ nnyin ke Eyen; emi Enye ekemekde onim, ete edidi andinyene kpukpru ŋkpɔ, okonyuŋ adade ubɔk Esie obot ekondo:


Ndien mmɔ eda itie edidem, ye ubɔŋ, ye ukpono itie-edidem ke idak ofuri enyɔŋ enɔ edisana ikɔt Ata Edikoŋ; ubɔŋ esie edi nsinsi ubɔŋ, kpukpru mbɔŋ eyenyuŋ enam ŋkpɔ esie, enyuŋ ekop uyo esie.


Ndien ke eyo ndidem oro, Abasi enyɔŋ eyenam ubɔŋ eke midisoboke ke nsinsi, adaha ada: ndien idikpɔŋke ubɔŋ emi inɔ mbio efen: enye eyenuak onyuŋ ama kpukpru mme idut emi, ndien enye eyeda ke nsinsi:


Ndien enye ɔdɔhɔ, ete, Emi afo edide owo mi emi edinamde mme esien Jacob edaha ke enyɔŋ, onyuŋ adade nditɔ Israel emi enimde, afiak edi, ekpekpri, ami nyenyuŋ nnim fi ke uŋwana mme idut, man afo ekpedi erinyaŋa mi tutu osim ke utit ererimbot.


Anie editre nditeŋe Fi, O Ɔbɔŋ, ndinyuŋ nnɔ enyiŋ Fo ubɔŋ? Koro Afo ikpɔŋ edi edisana; Kpukpru mme idut eyenyuŋ edi edituak ibuot ke iso Fo; Koro ndinen ikpe Fo ema eyarare ewut idem.


Mmɔdo eyefuŋ Zion nte iŋwaŋ ebaŋa mbufo, Jerusalem eyenyuŋ akabare edi ibombom ŋko, obot ufɔk emi eyenyuŋ akabare edi ŋkokoŋo ebiet akai.


Ndien edisana ikɔt Ata Edikoŋ eyeda ubɔŋ, enyuŋ enyene ubɔŋ ke nsinsi ye ke nsinsi-nsinsi.


Ndien enɔ enye ubɔŋ, ye ukpono, ye itie-edidem, ete kpukpru mme idut ye obio ye usem enam ŋkpɔ enɔ enye: ubɔŋ esie edi nsinsi ubɔŋ eke midikureke, itie-edidem esie idinyuŋ ibiarake.


Ndien ukwak oro, ye mbat-eso, ye okpoho, ye silver, ye gold enuaha mbak-mbak, enyuŋ ekabare ebiet mbio emi otode ke ɔtɔ ubek-ibokpot ke nda-eyo, ndien ofum ɔkpɔri mmɔ efep, ndien ikwe aba ebiet eke mmɔ edude. Ndien itiat oro akanuakde mbiet akabare edi akamba obot, onyuŋ ɔyɔhɔ ke ofuri isɔŋ.


edi Abasi emi ayararede ndibe ŋkpɔ odu ke enyɔŋ, ndien edi enye asian edidem Nebuchadnezzar se ididide ke ukperedem usen. Ndap fo ye ŋkukut ibuot fo ke bed fo ekedi mme mmɔ emi;


Enye ada mi ke ŋkukut Abasi edi ke isɔŋ Israel, onyuŋ onim mi ke enyɔŋ ata edikoŋ obot kiet, ndien se ibietde obio eke ebɔpde odoro enye ke enyɔŋ, ke edem usuk usuk.


afo eyenyuŋ ɔdɔk edi ekɔŋ ye ikɔt mi Israel, ebiet obubit enyɔŋ edifuk isɔŋ: edidi ke ini iso, nyenyuŋ nda fi nduk ke isɔŋ mi, man mme idut efiɔk mi, ke ini ndade fi Gog ŋwut nte nsanade ke enyin mmɔ.


Jehovah onyuŋ ɔdɔhɔ, ete, Nyeda nditɔ Moab emi etaŋde mmɔ efep, nnyɔŋ ndi ke utit eyo. Ikpe Moab etie ntem.


O Jehovah odudu mi, ye ɔkpɔsɔŋ ufɔk mi, ye ebiet ubɔhɔ mi ke ini ukut, mme idut eyeto ke mme utit isɔŋ etiene fi, enyuŋ edɔhɔ, ete, Ŋkɔm mme ete nnyin ekedia akpa nsu, ye ikpikpu ŋkpɔ, baba kiet eke odorode udori inyuŋ iduhe ke otu mmɔ.


nyedɔhɔ edem edere, nte, Yak nɔ: nyedɔhɔ usuk, nte, Kubaha: da nditɔ-iren mi ke anyan idut di, ye nditɔ-iban mi ke utit ererimbot;


Ama onyuŋ ekem ke usen oro, eyefuri akwa ukorowo, ndien mmɔ eke esopde ke isɔŋ Assyria, ye mmɔ eke esuanade ke isɔŋ Egypt, eyedi edituak ibuot enɔ Jehovah ke edisana obot ke Jerusalem.


Ikɔt fo edi enɔ ima-esit ke usen odudu fo, ke edisana mbanaoto ke idibi usiere, afo emenyene mbara uyen fo.


Mmɔnyɔ idikpɔŋke Judah, eto ɔbɔŋ idinyuŋ ikpɔŋke ŋkpatian-ukot esie, tutu Shiloh edi; mme idut eyenyuŋ ekop enɔ


EKEM Jacob okot nditɔ esie, ete, Mbufo ebono, ndien nyemen se idiwɔrɔde mbufo


Ke akpa itie, efiɔk emi ete, ke ukperedem ini mbon nsahi eyeda nsahi edi; mmɔ eyesaŋa ke mme idiɔk itɔŋ mmɔ, enyuŋ edɔhɔ ete,


Mmedi ndien ndisian fi se iditibede inɔ oruk fo ke ukperedem usen: koro ŋkukut emi eyena kaŋa ɔnɔ ini iso.


ndien eda ikpe enɔ edisana ikɔt Ata Edikoŋ: ndien ini edi, ndien ikɔt Abasi eda ubɔŋ.


JEHOVAH omokpon, onyuŋ ɔfɔn nte etorode enye akamba ke obio Abasi nnyin, kpa ke edisana obot esie.


nyeda mmɔ ndi ke edisana obot mi, nnyuŋ nnam mmɔ edat esit ke ufɔk akam mi: ndifɔp uwa mmɔ ye mme uwa emem mmɔ eyedi ŋkpɔ inem ke itie-uwa mi; koro ufɔk mi eyekere, ete, Ufɔk akam kpukpru mme idut.


Micaiah Morashtite eketiŋ prophecy ke eyo Hezekiah edidem Judah, onyun ɔdɔhɔ ofuri mbio Judah, ete, Ntem ke Jehovah mme udim ɔdɔhɔ, ete, Ke eyefuŋ Zion nte iŋwaŋ, Jerusalem eyenyuŋ akabare edi ndon, obot ufɔk eyenyuŋ akabare edi ibombom akai.


Ndien mmɔ eyedi edikwɔ ke obot Zion, enyuŋ ebuŋɔ edi ke mfɔn Jehovah: ebaŋa ibokpot ye obufa wine, ye aran, ye nditɔ ŋkpri ufene, ye nditɔ enaŋ: ndien ukpɔŋ mmɔ eyebiet iŋwaŋ eke ɔŋwɔŋde mmɔŋ; ndien mmɔ idiyemekede aba.


Ofuri isɔŋ eyekabare ebiet una-isɔŋ ɔtɔŋɔde ke Geba tutu osim ke Rimmon, ke edem usuk Jerusalem: enye (Jerusalem) eye-nyuŋ okoŋ, ndien eyeduŋ enye ke itie esie, ɔtɔŋɔde ke inua-otop Benjamin, tutu osim ɔtɔ akpa inua-otop, tutu osim ke inua-otop inuk, onyuŋ ɔtɔŋɔde ke tower Hananel tutu osim ɔtɔ unim wine edidem.


Swiv nou:

Piblisite


Piblisite