MICAH 3:5 - Edisana ñwed Abasi Ibom

⁵ Ntem ke Jehovah ɔdɔhɔ abaŋa mme prophet eke esinde ikɔt mi edue, eke edade edet mmɔ edom owo, ndien ekwɔrɔ, ete, Emem; ndien ama edi owo eke misinke mmɔ ŋkpɔ ke inua, mmɔ etim ŋkpɔ ekɔŋ etiene enye;

MICAH 3:5 Referans Kwoze

JEREMIAH 6:14

Mmɔ enyuŋ ekɔk unam adiaha ikɔt mi enyɔŋ-enyɔŋ, ete, “Emem, emem;” ndien baba emem iduhe.

JEREMIAH 23:32

Jehovah ɔdɔhɔ ete, Sese, mmɔŋ nnam ikɔ ye mmɔ eke etiŋde nsunsu ndap, enyuŋ ebukde mmɔ, enyuŋ enamde ikɔt mi edue ke nsu mmɔ ye ke use mmɔ; ndien ami ndɔŋke mmɔ, nnyuŋ ŋwukke mmɔ; ndien mmɔ ididoroke mbio emi baba udori. Ke edi Jehovah ɔdɔhɔ.

ŊWED MBON ROME 16:18

Edianare ekpɔŋ mmɔ. Koro mmɔ emi etiede ntre inamke utom inɔ Ɔbɔŋ nnyin Christ, edi enam enɔ mme idiɔk udɔŋ mmɔ: ndien mmɔ eda nnem-inua ye inem-inem ndutiŋ eyut mme ɔkɔi esit ekabare.

MATTHEW 15:14

Ndien nnan ama ada nnan usuŋ, mmɔ mbiba eyeduɔŋɔ ke ukpe.

MATTHEW 7:15

Ekpeme idem mbak prophet abiaŋa emi efɔrɔde ikpa erɔŋ edi ke ɔtɔ mbufo, kpa ke ini mmɔ edide anawuri-ekpe ke esit mmɔ.

MALACHI 2:8

Edi mbufo emekpɔŋ usuŋ; emenam ediwak owo eduɔŋɔ ke mbet; emebiat ediomi Levi, Jehovah mme udim ɔdɔhɔ.

MICAH 3:11

Mme etubom esie ebiere ikɔ ke okuk, mme oku esie enyuŋ eteme owo ke inyene, mme prophet esie enyuŋ ebre mfa ke silver: ndien mmɔ ebere edem ye Jehovah, ete, Nte Jehovah iduhe ke otu nnyin? Idiɔk-ŋkpɔ idisimke nnyin.

MICAH 2:11

Edieke owo asaŋade ke spirit ye ke abiaŋa, edisu nsu, ete, Ami nyetiŋ nnɔ fi mbaŋa wine ye mmin; edi enye edidi etiŋ-ikɔ ɔnɔ mbio-obio emi.

JEREMIAH 23:27

Emi ekerede ete ke mmimɔ iyenam ikɔt mi efre enyiŋ mi ke ndap mmɔ eke mmɔ etiŋde kiet ye kiet, kpa nte Baal ekesinde mmɔ efre enyin mi.

ISAIAH 3:12

Ama edi ikɔt mi, mme abak-inua efik mmɔ, iban enyuŋ ekara mmɔ. Ikɔt mi, mme andida mbufo usuŋ esin mbufo edue, enyuŋ ebiat usuŋ ikpat mbufo.

JOEL 3:9

Mbufo etaŋa emi ke otu mme idut: etim ŋkpɔ-ekɔŋ: edemere mbon-uko: yak kpukpru mbon-ekɔŋ esaŋa ekpere edɔk edi:

MME ŊKE 28:21

Uteŋe-enyin ifɔnke: koro owo eyedue abaŋa udia.

JEREMIAH 6:4

kpukpru mmɔ kiet kiet eyebɔk ufene ke ebiet mmɔ. Mbufo etim ŋkpɔ uŋwana-ekɔŋ ye enye; edaha ke enyɔŋ, (eyak) nnyin idɔk ke ufɔt uwemeyo. Ɔdɔdiɔk ye nnyin: koro eyo ɔkɔhɔrede itɔŋ, koro mme ukpɔŋ mbubreyo ewɔrɔde uniɔŋ.

ŊWED ESEME 2:14

Mme prophet fo ekut ikpikpu ye ndisime ŋkpɔ enɔ fi: inyuŋ iyarekede idiɔk ido fo, man eda fi ke itie ntaŋ mfep efiak edi; mmɔ ekut mbiomo nsu ye ŋkpɔ etabi enɔ fi.

EZEKIEL 13:9

Ndien ubɔk mi eyedoro ke idem mme prophet eni ekutde nsu enyuŋ ebrede mfa abiaŋa: mmɔ ididuhe ke odu ikɔt mi, idinyuŋ iwetke mmɔ isin ke ŋwed ufɔk Israel, mmɔ idinyuŋ isimke isɔŋ Israel; ndien mbufo eyefiɔk ete ke ami ndi Ɔbɔŋ Jehovah.

HOSEA 4:5

Ndien afo eyeduɔ ke uwemeyo, phophet eyenyuŋ ɔduɔ ye afo ŋko ke okoneyo, nyenyuŋ nsobo uka.