MICAH 3:1 - Edisana ñwed Abasi Ibom

¹ NDIEN ami ndɔhɔ, nte, Mbɔk mbufo mme etubom Jacob, ye mbon ufɔk Israel, ekop; nte idotke mbufo ndifiɔk ikpe?

MICAH 3:1 Referans Kwoze

HOSEA 5:1

MBUFO mme oku ekop ikɔ emi; ufɔk Israel, mbufo enyuŋ etiŋ enyin: ufɔk edidem, mbufo enyuŋ ekpaŋ utɔŋ: koro ikpe otipde mbufo, koro mbufo ekedide afia ke Mizpah, ye iyire emi ekɔbide ke Tabor.

ISAIAH 1:10

Mbufo mme ebierikpe Sodom, ekop uyo Jehovah; mbio Gomorrah, ekpaŋ utɔŋ ke ibet Abasi nnyin.

1 ŊWED CORINTH 6:5

Mmɔdɔhɔ emi man but akpanam mbufo. Mme ɔwɔrɔ ete enyene-ibuot owo iduhe ke otu mbufo, emi ekemede ndibiere ikɔ ke ufɔt nditɔ-ete esie?

AMOS 4:1

MBUFO ekop uyo mi, O enaŋ Bashan emi edude ke akwa obot Samaria, emi etukde mbon unana, enyuŋ enuakde mme ubuene, emi edɔhɔde ɔbɔŋ mmɔ, ete, Da di, man nnyin iŋwɔŋ.

ŊWED MME PSALM 14:4

Nte kpukpru mme anam-idiɔk ifiɔkke ŋkpɔ, mmɔ eke ediade ikɔt mi nte ediade udia, ndien isemeke inɔ Jehovah?

DEUTERONOMY 16:18

Nyuŋ nim mme ebierikpe ye mme andidaha ke idem fo ke kpukpru obio fo eke Jehovah Abasi fo ɔnɔde fi ke ofuri mme esien fo: ndien yak mmɔ ekpe edinen ikpe enɔ kpukpru owo.

EZEKIEL 9:9

Ndien enye ɔdɔhɔ mi, ete, Idiɔk ido ufɔk Israel ye Judah omokpon eti-eti; iyip onyuŋ ɔyɔhɔ ke isɔŋ emi; ndek onyuŋ ɔyɔhɔ ke obio: koro mmɔ edɔhɔde ete, Jehovah ɔmɔkpɔŋ isɔŋ emi, Jehovah inyuŋ ikwe.

EZEKIEL 34:2

tiŋ prophecy, nyuŋ dɔhɔ mmɔ, ete, Ntem ke Ɔbɔŋ Jehovah ɔdɔhɔ mme ɔbɔk erɔŋ, ete: Ɔdɔdiɔk ɔnɔ mme ɔbɔk-erɔŋ Israel emi ebɔkde idem mmɔ. Nte mme ɔbɔk ikpebɔkke ufene?

MICAH 2:13

Andibuŋ emebem mmɔ iso ɔdɔk: mmɔ emebuŋ, enyuŋ ebe eduk ke inua-otop, enyuŋ eto ke esit ewɔrɔ: edidem mmɔ omonyuŋ ebem mmɔ iso ebe; Jehovah onyuŋ asaŋa nte etubom mmɔ.

NEHEMIAH 13:17

Ndien ntɔhɔ ye mbɔŋ Judah, nnyuŋ ndɔhɔ mmɔ, nte, Nso idiɔk ido edi emi mbufo enamde, enyuŋ ebiat usen sabbath?

ISAIAH 10:2

man enuk mbon unana ke itie ikpe efep, enyuŋ eda ŋkanubɔk ebɔ mme ubuene ikɔt mi se inende, man mme ebe-akpa edi mbume mmɔ, man mmɔ enyuŋ ewo ŋwo ye nditɔ-akpa.

EZEKIEL 22:6

Sese, mbɔŋ Israel kpukpru owo ke ukeme mmɔ edu ke ufɔt fo, man eduɔk iyip.

EZEKIEL 34:3

Mbufo edia mmɔŋ eba enyuŋ esine idet ke idem, ewot mmɔ eke ekponide; edi ibɔkke ufene.

AMOS 6:1

OSUK ɔdɔdiɔk ɔnɔ mmɔ emi etiede ke ifure ke Zion, enyuŋ ebuɔtde idem mmɔ ke obot Samaria, akpan owo ke otu mme etubom mme idut, emi ufɔk Israel etienede mmɔ!