MICAH 2:7 - Edisana ñwed Abasi Ibom

⁷ Afo emi ekerede ufɔk Jacob, nte emesibe spirit Jehovah ɔmuhɔ? Nte mmɔ emi edi ido esie? Nte ikɔ mi ifɔnke ye owo eke eneŋerede asaŋa?

MICAH 2:7 Referans Kwoze

ŊWED MME PSALM 84:11

Koro Jehovah Abasi edide utin ye otu-ekɔŋ: Jehovah ɔmɔnɔ ufɔn ye ubɔŋ: ama edi mmɔ eke eneŋerede esaŋa, enye isinke mmɔ nti ŋkpɔ.

JEREMIAH 15:16

Emekut ikɔ fo, ndien ndia mmɔ; ndien ikɔ fo, ekabare edi ŋkpɔ idara ye inemesit mi: koro ŋkerede enyiŋ fo, O Jehovah Abasi mme udim.

ŊWED MME PSALM 15:2

Owo eke asaŋade nte ɔfɔnde ama, onyuŋ amade edinen ido, onyuŋ ɔdɔhɔde akpanikɔ ke esit esie.

ZECHARIAH 4:6

Ndien ndɔhɔ nte, Ih ih, Ɔbɔŋ mi. Ndien enye ɔbɔrɔ onyuŋ ɔdɔhɔ mi, ete, Ikɔ emi ke Jehovah ɔdɔhɔ Zerubbabel, ete, Itoho ke odudu, inyuŋ itoho ke nsɔŋidem, edi oto spirit mi, Jehovah mme udim ɔdɔhɔ.

HOSEA 14:9

Anie owo enyene ibuot, man enye otim ese ŋkpɔ emi? Anie owo edi ɔniɔŋ, man enye ɔfiɔk mmɔ? Koro mme usuŋ Jehovah enende; ndinen owo eyenyuŋ esaŋa mmɔ ke esit: ndien mmɔ eke eduede eyeduɔŋɔ ke esit.

ISAIAH 50:2

Nsinam baba owo kiet miduhe ke ini ŋkedide? Nsinam ŋkotde, ndien baba owo kiet miyereke? Nte ubɔk mi amakabare ɔmuhɔ akan nte ŋkemede ndifak? Nte baba odudu iduhe mi ke idem, eke mmeŋkemeke ndinyaŋa? Sese, nyenam inyaŋ asat ke nduari mi, nnyuŋ ŋkabare mme akpa mmɔŋ edi wilderness: iyak mmɔ eyetebe, koro mmɔŋ miduhe, enyuŋ ekpaŋa ke nsat-itɔŋ.

MME ŊKE 28:18

Owo eke eneŋerede asaŋa eyenyene ifure: edi owo eke akwaŋade ke usuŋ iba eyeduɔ ke kiet.

MME ŊKE 10:29

Usuŋ Jehovah edi ɔkpɔsɔŋ iduŋ owo eke ɔfɔnde ama: edi nsobo ana ɔnɔ mme anam idiɔk.

MME ŊKE 10:9

Owo eke eneŋerede asaŋa asaŋa ke ifure: edi owo eke akwaŋade ido esie eyeyarare.

2 ŊWED TIMOTHY 3:5

enyene enyɔŋ-enyɔŋ ido uteŋe Abasi, edi isa ŋake ŋkpɔ ye odudu ke odude ke uteŋe Abasi. Wɔŋɔre kpɔŋ mmɔ eke etiede ntem.

2 ŊWED CORINTH 6:12

Idige nnyin inam esit afaha mbufo, edi unana mbɔm anam esit mbufo afaha nnyin.

ŊWED MBON ROME 7:13

Nte se ifɔnde amakabare edi mkpa ndien ɔnɔ mi? Idige ntre. Edi idiɔk-ŋkpɔ akabare edi mkpa, man idiɔk-ŋkpɔ owut ete imɔdiɔk ke erida se ifɔnde nnam mkpa nnɔ mi; man idiɔk-ŋkpɔ akpada item akabare ɔdiɔk ebe adaŋa.

JOHN 8:39

Mmɔ ebɔrɔ Enye ete, Ete nnyin edi Abraham. Jesus ɔdɔhɔ mmɔ ete, Edieke mbufo ekpedide nditɔ Abraham, mbufo ekpanam ubɔk-utom Abraham.

MATTHEW 3:8

Esioŋo naŋa mfri eke ekemde ye erikabare esit:

MICAH 3:9

Mbɔk, mbufo mme etubom ufɔk Jacob, ye mbɔŋ ufɔk Israel, ekop uyo emi, mbufo emi item etekde mbufo esit, mbufo enyuŋ ekwaŋa kpukpru se inende.

JEREMIAH 2:4

Mbufo ufɔk Jacob, ye kpukpru ubon ufɔk Israel, ekop uyo Jehovah:

ISAIAH 58:1

SIORO uyo ke itɔŋ fiori, kumum idem, menere uyo fo nte ukorowo, nyuŋ tiŋ idiɔk ido ikɔt mi nɔ mmɔ, tiŋ mme oburobut ido ufɔk Jacob nɔ mmɔ.

MME ŊKE 14:2

Owo eke eneŋerede ido esie asaŋa, abak Jehovah: edi owo eke akwaŋde ido esie ese Enye ke ndek.

MME ŊKE 2:7

Enye onim ifure ɔnɔ mbon edinen ido, onim otu-ekɔŋ ɔnɔ mmɔ eke esaŋade nte ɔfɔnde ama.

ŊWED MME PSALM 119:65

O Jehovah, afo amanam eti ŋkpɔ ye owo fo, nte afo ɔkɔdɔhɔde.

NUMBERS 11:23

Ndien Jehovah ɔdɔhɔ Moses, ete, Nte ubɔk Jehovah akabare ɔmuhɔ? Ke emi ke afo edikut mme ikɔ mi eyesu ɔnɔ fi, mme isuhɔ.

ŊWED MME PSALM 119:68

Afo ɔmɔfɔn, onyuŋ ɔfɔn ido; kpep mi mme ewuhɔ fo.

ŊWED MME PSALM 18:26

eyenim idem fo ke edisana ye owo eke asanade; onyuŋ akwaŋa iso ye mmɔ eke ekwaŋade.