MICAH 2:1 - Edisana ñwed Abasi Ibom

¹ ƆDƆDIƆK ɔnɔ mmɔ emi ekerede idiɔk ido, enyuŋ enade ke bed mmɔ eduak ukwaŋ-ŋkpɔ! Mmɔ eyenam enye ke uŋwana usenubɔk, koro odude ke ukeme ubɔk mmɔ.

MICAH 2:1 Referans Kwoze

ŊWED MME PSALM 36:4

Enye ana ke bed esie ekere abiaŋa; onim idem esie ke usuŋ eke midige eti; isuaha idiɔk.

ISAIAH 32:7

Ndien ama edi afam, ŋkpɔ utom esie ediɔk: enye aduak uduak ŋkari, ete isobo mbon ukut ke ikɔ nsu, kpa ke adaŋemi eyen ubuene ɔdɔhɔde se inende.

NAHUM 1:11

Owo kiet emi aduakde idiɔk abaŋa Jehovah, kpa oburobut ɔnɔ-item, okoto fi ke esit.

ŊWED MBON ROME 1:30

mmɔ edi mbon-nsuk-uyo, mbon ibaŋa, mbon emi Abasi asuade, mbon emiom, mbon ikponesit, mbon mbure, mme etibi idiɔk-ŋkpɔ, ye mme ɔsɔŋ-ibuot ye ete ye eka;

JEREMIAH 18:18

Ndien mmɔ edɔhɔ, ete, Mbufo edi, nnyin iduak uduak ibaŋa Jeremiah; koro mme ewuhɔ midikureke oku ke ubɔk, item midinyuŋ ikureke owo eti ibuot, idinyuŋ idige ikɔ edikure mme prophet; mbufo edi, nnyin imia enye ke edeme, ikunyuŋ ikpaŋ utɔŋ ke ikɔ esie baba kiet.

ISAIAH 59:3

Koro iyip asabarede mbufo ubɔk, idiɔk ido onyuŋ asabare mbufo nnuenubɔk; mkpɔk-inua mbufo ededɔhɔ nsu, edeme mbufo etetiŋ ukwaŋ-ŋkpɔ.

MME ŊKE 4:16

Koro mmɔ midehe idap, ke minamke idiɔk; idap onyuŋ atiam mmɔ, ke mmɔ minamke owo ɔduɔ.

MME ŊKE 3:27

Kusin ndida eti ŋkpɔ nnɔ mmɔ eke ekpenyenede enye, ke ini ubɔk fo ekemede ndinam.

GENESIS 31:29

Ubɔk mi enyene odudu ndinam idiɔk-ŋkpɔ ye mbufo: edi ke okoneyo Abasi ete mbufo ɔkɔdɔhɔ mi, ete, Kpeme idem fo mbak edidɔhɔ ekpedi eti

UTOM MME APOSTLE 23:12

Edi ke ini eyo esierede, mme Jew eduk odu, eda uŋwɔŋɔ ewuk idem mmɔ, ete mme imɔ ididiaha ŋkpɔ inyuŋ iŋwɔŋke ŋkpɔ ibɔhɔke ini iwot Paul.

JOHN 19:11

Jesus ɔbɔrɔ enye ete, Ukpenyeneke odudu ndinam Mi ŋkpɔ, ke Abasi mikpetiehe ke enyɔŋ inɔ fi odudu: mmɔdo idiɔk-ŋkpɔ owo emi adade Mi edisin fi ke ubɔk okpon akan.

DEUTERONOMY 28:32

Eyeda nditɔ-iren fo ye nditɔ-iban fo ɔnɔ idut efen, ndien afo eyedori mmɔ enyin fo ese, ofuri usen tutu akak: ndien ididuhe ke odudu ubɔk fo.

UTOM MME APOSTLE 23:15

Ntem mbufo ye mbon esop eka eketiŋ ye akamba etubom ete, ada enye edi ke ɔtɔ mbufo, nte ŋkpɔ eke mbufo eyomde nditim ŋkpe ikpe esie ŋkan; nnyin iyenyuŋ ibeŋe idem ndiwot enye, ke ini enye mikpereke kaŋa.

MME ŊKE 12:2

Eti owo eyekut mfɔn eke otode Jehovah: edi enye eyenam ikɔ obiom owo idiɔk uduak.

LUKE 20:19

Ndien mme scribe ye ikpɔ oku eyom ndimum Enye ke ini oro; edi mmɔ efehe mbio-obio: koro mmɔ efiɔkde ete Enye okotop ŋke emi otuk mme imɔ.

MARK 15:1

EKEM eyo ekesesiere, ikpɔ oku ye mbiowo ye mme scribe ye ofuri esop esobo ibuot, ebɔp Jesus, eda Enye edaha ekeyak enɔ Pilate.

EZEKIEL 11:2

Ndien enye ɔdɔhɔ mi, ete, Eyen owo, mme mmɔ emi edi mmɔ oro eduakde idiɔk, uduak enyuŋ etemede idiɔk item ke obio emi:

ESTHER 9:25

edi adaŋemi enye (Esther) odukde ke iso edidem, enye ɔdɔhɔ ke ŋwed, ete idiɔk ekikere oro enye ekekerede abaŋa mme Jew afiak odoro enye ke ibuot, ndien eyiri enye ye nditɔ-iren esie ke eto.

ESTHER 5:14

Ndien Zeresh ŋwan esie, ye kpukpru mme ufan esie, edɔhɔ enye, ete, Yak enam eto eke okoŋde ibio-idomo-okuk aba ye duop, ndien eyo ama esiere, dɔhɔ edidem, ete eyiri Mordecai ke esit: ndien tiene edidem ka ke itie udia ke idaresit. Ndien Haman ama ikɔ oro, onyuŋ anam eto oro.

ESTHER 3:8

Ekem Haman ɔdɔhɔ edidem Ahasuerus, ete, Mbio kiet mmɔdo emi esuanade enyuŋ ebaharede ke otu mme andiduŋ kpukpru mme province emi afo akarade; ndien ido mmɔ edi isio ye kpukpru mme idut; mmɔ inyuŋ inimke mme ewuhɔ edidem: mmɔdo mifɔnke edidem ndiyak mmɔ.

ŊWED JOB 24:14

Ke ini eyo esierede, obom adaha ke enyɔŋ owot eyen unana ye ubuene ndien ke okoneyo enye ebiet inɔ.

MME ŊKE 14:22

Nte mmɔ eke ekerede ukwaŋ-ŋkpɔ iwahake ikpɔŋ usuŋ? Edi mmɔ eke ekerede eti ŋkpɔ edi mbon mfɔnido ye eke akpanikɔ.

ISAIAH 29:20

Koro mbon afai emekure, mbon nsahi emenyuŋ etak, enyuŋ esibe kpukpru mmɔ eke etiede eyom ukwaŋkpɔ efep:

EZEKIEL 33:26

Mbufo ebere edem ke ofut mbufo; mbufo (iban) enam mbubiam; kpukpru mbufo enyuŋ esabare iban mbɔhiduŋ mbufo; nte mbufo edida ndien isɔŋ enyene?

EZEKIEL 38:10

Ntem ke Ɔbɔŋ Jehovah ɔdɔhɔ ete, Ama ekem ke usen oro, ŋkpɔ eyeduk fi ke esit, ndien afo eyekere idiɔk ekikere; ndien afo eyedɔhɔ, ete,

EZEKIEL 46:18

Kunyuŋ uyak ɔbɔŋ osio ke udeme mbio-obio, okunyuŋ ɔbɔ mmɔ udeme mmɔ ke ŋkanubɔk: yak enye osio ke udeme esiemɔ ɔnɔ nditɔ esie: man ekusuan ikɔt mi efep ke udeme mmɔ.

MICAH 6:12

Koro afai ɔyɔhɔde mbɔŋ esie ke idem, mme andiduŋ enye enyuŋ esu nsu; edeme mmɔ onyuŋ abiaŋa ke inua mmɔ.

ZECHARIAH 7:10

Mbufo ekunyuŋ etuk mme ebe-akpa, ye eyen-akpa, ye esen owo, ye eyen ubuene; mbufo ekunyuŋ eduak idiɔk kiet ye kiet ke esit mbufo.

1 NDIDEM 21:7

Ndien Jezebel ŋwan esie ɔdɔhɔ enye, ete, Nam naŋa nte edidem Israel: daha ke enyɔŋ, dia ŋkpɔ; yak esit onyuŋ enem fi: ami nyenɔ fi iŋwaŋ-vine Naboth a Jezreel.

ŊWED JOB 15:35

Ke eyomo ibak, ke eman idiɔk ido, ndien idibi mmɔ osuk ototim abiaŋa.

ŊWED MME PSALM 36:5

O Jehovah, ima fo odu ke enyɔŋ; akpanikɔ fo osim ke ikpa-enyɔŋ.

ŊWED MME PSALM 58:3

Mme idiɔk owo ewaha etɔŋɔde ke idibi: mmɔ edue enyuŋ esu nsu, toto ke ini mmɔ ekememana.

ISAIAH 3:14

Jehovah eyeda mbiowo ikɔt esie, ye mbɔŋ mmɔ oduk ke ikpe: “Mbufo ŋko emeta iŋwaŋ-vine; mbume mme ubuene odu ke ufɔk mbufo.

ISAIAH 5:8

Ifɔnke fɔn inɔ mmɔ eke ekɔtde ufɔk ke ufɔk, edian iŋwaŋ ke iŋwaŋ, tutu ebiet iduhe, mbufo enyuŋ eduŋ ikpɔŋ ke ufɔt isɔŋ.