MICAH 1:7 - Edisana ñwed Abasi Ibom

⁷ Eyenyuŋ enuak kpukpru ndisɔi mbiet esie mbai-mbai: enyuŋ efɔp kpukpru ndisɔi mbiet ndem esie: koro enye ɔkɔde mmɔ ke utip akpara, ndien mmɔ eyekabare edi utip akpara.

MICAH 1:7 Referans Kwoze

DEUTERONOMY 23:18

Kuda ŋkpɔ akpara, ye ekɔm-urua ebua, uduk ke ufɔk Jehovah Abasi fo, ke eke akaŋa ekededi: koro Jehovah Abasi fo esede mbiba emi ke ŋkpɔ mbubiam.

HOSEA 2:12

Nyenyuŋ mbiat vine esie ye eto fig esie, emi enye ɔkɔdɔhɔde abaŋa, ete, “Mme mmɔ emi edi utip mi emi mme andima mi enɔde mi”: ndien nyenam mmɔ ekabare edi akai, ndien mme unam ikɔt eyedia mmɔ.

ERIYARARE 18:3

koro kpukpru mme idut ekeŋwɔŋ wine ifuresit use esie; ndidem isɔŋ ekenyuŋ enam use ye enye, mbon-urua isɔŋ ema enyuŋ ekabare eforo oto ke uwak edinem ido esie.

HOSEA 8:6

Koro emi ŋko otode ke Israel: mbon-usɔ ekenam enye; ndien enye idige Abasi: koro eyenenaŋ Samaria eyekabare edi nsuhɔ-nsuhɔ.

ERIYARARE 18:9

Ndien ndidem isɔŋ, emi ekenamde use ye enye, enyuŋ edude uwem edinem-edinem ye enye, eyetuaŋa enyuŋ eseme enye, ke adaŋemi mmɔ esede nsuŋikaŋ emi enye ɔfɔbɔde ke esit; eyeda nsan-nsan ɔnɔ ndik ndutuhɔ esie, ete,

JOEL 3:3

Mmɔ ekenyuŋ esin afia ebaŋa ikɔt mi; enyuŋ enɔ eyen-eren ke akpara, enyuŋ enyam eyen-aŋwan ke wine eke ekpeŋwɔŋde.

HOSEA 2:5

Koro eka mmɔ ekenamde use, andiman mmɔ amanam oburobut: koro enye ɔdɔhɔde ete, Nyetiene mmɔ eke emade mi, emi enɔde mi uyo mi ye mmɔŋ mi, ye idet erɔŋ mi ye flax mi, ye aran mi ye se ŋŋwɔŋde.

ISAIAH 27:9

Mmɔdo emi osiode isop Jacob; emi onyuŋ edi ofuri mfri, ke emen idiɔk ido esie efep; ke enye onimde mme itiat itie-uwa nte itiat ndom eke enuakde mbai-mbai, mme eto-mkpe ye mbiet utin ididaha aba.

2 CHRONICLES 31:1

EKEM adaŋemi mmɔ ema ekema kpukpru ŋkpɔ emi, ofuri Israel eke edude do, ewɔŋɔ eka ke mme obio Judah, ekenuak mme adaha, enyuŋ esiak mme eto-mkpe, enyuŋ ewuri mme edikoŋ ebiet, ye mme itie-uwa, efep ke ofuri Judah, ye Benjamin, ye Ephraim, ye Manasseh, tutu ekure ema. Ndien kpukpru nditɔ Israel efiak kiet kiet ke ebiet esie, ke mme obio mmɔ.

DEUTERONOMY 9:21

Ndien mmen idiɔk-ŋkpɔ mbufo, kpa eyen enaŋ emi mbufo ekenamde, nda mfɔp ke ikaŋ, ndien nda obu esie nduɔk ke idim emi otode ke obot ɔsuhɔre.

LEVITICUS 26:30

Nyenyuŋ nsobo mme edikoŋ ebiet mbufo, nnyuŋ nsobo mbiet-utin mbufo mfep, nnyuŋ mmen mbukpit mbufo nduɔŋɔ ke mbukpit owo eto mbufo, mbufo eyenyuŋ etek mi esit.

1 SAMUEL 5:4

Ndien mmɔ emen Dagon enim ke itie esie. Ekem mmɔ ebak edemere ke eyo esierede, ndien, sese, Dagon ana okubi iso esie ke isɔŋ ke iso ekebe Jehovah; ema ekenyuŋ esibe ibuot Dagon ye ubɔk esie mbiba efep, eduɔk ke asaŋudɔk: obukpit Dagon ikpɔŋ-ikpɔŋ ɔsuhɔ ɔnɔ enye.

ISAIAH 2:18

Ndien ibɔk kpukpru eyetak.

ISAIAH 23:17

Ndien ama ekem ke utit isua ata ye duop, Jehovah eyeka ekese Tyre, ndien enye eyefiak ke utip esiemɔ, onyuŋ anam ido akpara ke kpukpru mme idut ke ererimbot ke iso isɔŋ.

EZEKIEL 6:6

Mme obio eyewure ke kpukpru ebiet iduŋ mbufo, ŋkokoŋo ebiet eyenyuŋ ebiara, man mme itie-uwa mbufo ekpesobo, enyuŋ edi ndon, mme ibɔk mbufo enyuŋ enuaha enyuŋ ekure, man mbiet ŋkpɔ mbufo esiaha, man enyuŋ esɔhi utom mbufo efep.

HOSEA 2:14

Mmɔdo, sese, ami nyetap enye, nnyuŋ nda enye ndi ke wilderness, nnyuŋ ndɔhɔ mfɔn-mfɔn ye enye.

HOSEA 8:5

Samaria, Enye afiari eyen enaŋ fo ɔduɔk; iyaresit mi asak ye mmɔ: adaŋa didie ke mmɔ midikemeke ndisana?