MICAH 1:4 - Edisana ñwed Abasi Ibom

⁴ Ndien ikpɔ obot eyetara ke idak esie, mme itihere eyenyuŋ esiaha, kpa nte obukpa ɔkwɔk ke enyin ikaŋ, kpa nte mmɔŋ eke eŋwaŋade ke ŋwewere.

MICAH 1:4 Referans Kwoze

NAHUM 1:5

Ikpɔ obot enyek ebak enye, ŋkpri obot enyuŋ etara: iso esie esin isɔŋ ofut, ye ekondo ye kpukpru mme andiduŋ ke esit.

ŊWED MME PSALM 97:5

Ikpɔ obot etara nte mbukpa ekwɔk ke iso Jehovah, ke iso Ɔbɔŋ ofuri ererimbot.

HABAKKUK 3:10

Ikpɔ obot ekut fi, emiaŋa; akwa edim mmɔŋ asaŋa ebe: inyaŋ ibom osioro uyo esie, emenere ubɔk esie ke enyɔŋ.

HABAKKUK 3:6

Enye atuak ada, onyuŋ enyeŋe isɔŋ: ese, onyuŋ anam mme idut enyek idem; ndien ŋkani obot esuana mbak-mbak; nsinsi ŋkpri obot esuhɔre: nsinsi usuŋ edi esie.

AMOS 9:5

Onyuŋ edi Ɔbɔŋ Jehovah mme udim otuk isɔŋ, ndien enye atara; ndien kpukpru mme andiduŋ ke esit etuaŋa: enye onyuŋ ɔyɔhɔ ofuri ebiet nte akpa mmɔŋ, onyuŋ ɔsuhɔre nte akpa Egypt.

JUDGES 5:4

O Jehovah; ke ini afo otode ke Seir, ke ini afo otode ke isɔŋ Edom asaŋa; isɔŋ enyek, enyɔŋ onyuŋ ɔtɔi, mbubit enyɔŋ enyuŋ etɔi mmɔŋ.

ERIYARARE 20:11

Ekem ŋkut akamba afia ebekpo, ye Enye emi etiede ke esit, emi isɔŋ ye ikpa-enyɔŋ efeŋede ekpɔŋ iso Esie, inyuŋ ikwe ufaŋ inɔ mmɔ aba.

ZECHARIAH 14:4

Ndien ke usen oro ukot esie eyeda ke enyɔŋ obot Olive emi anade ke iso Jeru-salem ke edem usiaha-utin, ndien obot Olive eyesiaha ufɔt-ufɔt ese edem usiakha-utin ye edem usop-utin, esine ke ata akamba itihere; ndien ubak obot kiet eyesehere aka edem edere, ubak eken eyenyuŋ aka edem usuk.

ŊWED MME PSALM 68:2

Afo eyesuan mmɔ kpa nte nsuŋikaŋ asuanade: kpa nte mbukpa ɔkwɔk atarade ke iso ikaŋ, eyesobo mme idiɔk owo ke iso Abasi.

ŊWED MME PSALM 46:6

Mme idut eyomo, mme obio esehere: enye emenere uyo esie, isɔŋ eyetara.