MATTHEW 9:29 - Edisana ñwed Abasi Ibom

²⁹ Ekem Enye otuk mmɔ ubɔk ke enyin, ete mmɔ, Yak osu ɔnɔ mbufo nte mbuɔtidem mbufo edide.

MATTHEW 9:29 Referans Kwoze

MATTHEW 15:28

Ekem Jesus ɔbɔrɔ enye ete, O ŋwan, mbuɔtidem fo omokpon; yak ɔwɔrɔ ɔnɔ fi nte oyomde. Ndien eyen esie okop nsɔŋidem ɔtɔŋɔde ke ini oro.

MARK 10:52

Jesus ete enye, Ka okuo; mbuɔtidem fo ama anyaŋa fi. Ndien ndo-ndo oro enye okut usuŋ, onyuŋ etiene Enye ke usuŋ.

MATTHEW 9:22

Edi Jesus ɔwɔŋɔre idem okut ŋwan oro, onyuŋ ɔdɔhɔ enye ete, Eyen Mi, sɔŋ esit: mbuɔtidem fo amanam fi okop nsɔŋidem. Ndien idem ɔsɔŋ ŋwan oro tɔŋɔ ini oro.

MATTHEW 8:13

Ekem Jesus ɔdɔhɔ centurion, ete, Nyɔŋ okuo: yak osu ɔnɔ fi adaŋa nte onimde ke akpanikɔ. Ndien udɔŋɔ okure owo esie kpa ke ini oro.

MATTHEW 20:34

Edi Jesus okop mbɔm, otuk mmɔ enyin; ndien ndo-ndo oro mmɔ ekut usuŋ enyuŋ etiene Enye.

MATTHEW 9:28

Edi ke adaŋemi Enye odukde ufɔk, mme nnan oro etiene Enye: ndien Jesus ete mmɔ, Nte mbufo emenim ke akpanikɔ ete, mmekeme ndinam ŋkpɔ emi? Mmɔ ete Enye, Nnyin imenim, Ɔbɔŋ.