MATTHEW 9:2 - Edisana ñwed Abasi Ibom

² Ndien sese mmɔ eda owo ɔdɔŋɔ-akpa-ubeŋ, emi ebiomde ke mbri, esɔk Enye: ndien ke ini Jesus okutde mbuɔtidem mmɔ, Enye ɔdɔhɔ ɔdɔŋɔ-akpa-ubeŋ oro ete, Eyen Mi, sɔŋ esit; emefen mme idiɔk-nkpɔ fo.

MATTHEW 9:2 Referans Kwoze

MATTHEW 9:22

Edi Jesus ɔwɔŋɔre idem okut ŋwan oro, onyuŋ ɔdɔhɔ enye ete, Eyen Mi, sɔŋ esit: mbuɔtidem fo amanam fi okop nsɔŋidem. Ndien idem ɔsɔŋ ŋwan oro tɔŋɔ ini oro.

JAMES 2:18

Owo ekeme ndidɔhɔ ete, Afo emenyene mbuɔtidem, ami mmonyuŋ nnyene erinam ŋkpɔ: wut mi mbuɔtidem eke misaŋake ye erinam ŋkpɔ, ndien ami nyeda erinam ŋkpɔ ŋwut fi mbuɔtidem mi.

UTOM MME APOSTLE 19:12

tutu mme owo eda ukwɔhɔre-inua ye mbɔbɔ emi etode enye ke idem esɔk mbon udɔŋɔ, ndien mme udɔŋɔ ekpɔŋ mmɔ, mme idiɔk spirit enyuŋ ewɔŋɔ mmɔ ke idem.

JOHN 21:5

Ntre ke Jesus obup ete, Nditɔ, nte mbufo emenyene se ediade? Mmɔ ebɔrɔ Enye ete, Inyeneke.

MATTHEW 8:10

Ke adaŋemi Jesus okopde ikɔ emi, enyene Enye nyɔ; Enye onyuŋ ɔdɔhɔ mmɔ emi etienede Enye, ete, ke akpanikɔ ke ndɔhɔ mbufo, akanam ŋkwe mbuɔtidem eke okponde ntem, kpa ke Israel.

MATTHEW 4:24

Etop Esie onyuŋ asuana ke ofuri Syria; mmɔ enyuŋ eda kpukpru mbon udɔŋɔ esɔk Enye, kpa mmɔ eke nsio-nsio udɔŋɔ ye ndutuhɔ enamde mmɔ, ye mmɔ eke enyenede mme demon, ye mmɔ eke edɔŋɔde mbukpi ye akpa-ubeŋ; Enye onyuŋ anam mmɔ ekop nsɔŋidem.

ŊWED MBON ROME 5:11

Itreke do ikpɔŋ, edi nnyin imonyuŋ ibure mbure ke Abasi, oto ke Ɔbɔŋ nnyin Jesus Christ, emi edide Enye akada nnyin oduk ke emem ye Abasi ke emi.

UTOM MME APOSTLE 14:9

Enye okop nte Paul etiŋde ikɔ: ndien Paul owuk enyin ese enye, okut ete enye enyene mbuɔtidem nte ekemde ndinam idem ɔsɔŋ enye,

JOHN 16:33

Ntiŋ mme ŋkpɔ emi nnɔ mbufo, man mbufo enyene emem ke Idem Mi. Mbufo eyekut ukut ke ererimbot: edi esɔŋ esit; Ami ŋkakan ererimbot.

MATTHEW 9:6

Edi man mbufo efiɔk ete, Eyen Owo enyene odudu ke isɔŋ ndifen mme idiɔk-ŋkpɔ (Enye ɔdɔhɔ ɔdɔŋɔ-akpa-ubeŋ, ete), Daha ke enyɔŋ men mbri fo, nyɔŋ ufɔk.

MATTHEW 8:16

Edi ke ini osimde mbubreyo, eda ediwak owo eke enyenede demon esɔk Enye: Enye onyuŋ ada ikɔ inua Esie ebin mme demon ɔduɔk, onyuŋ anam kpukpru mbon udɔŋɔ ekop nsɔŋ-idem:

ISAIAH 44:22

Mma nsɔhi mme ukwaŋ-ŋkpɔ fo nte idiɔk enyɔŋ mfep, nsɔhi mme idiɔk ido fo nte obubit enyɔŋ: fiak tiene mi: koro mfakde fi.

JOHN 2:25

koro Enye ɔfiɔkde kpukpru owo, minyuŋ iyomke baba owo kiet etiŋ ɔnɔ Enye abaŋa owo; koro Enye ke Idem Esie ɔfiɔkde se idude owo ke esit.

MARK 5:34

Edi Jesus ɔdɔhɔ enye ete, Eyen-aŋwan, mbuɔtidem fo akanam fi okop nsɔŋidem; nyɔŋ ke oduk ke emem, nyuŋ bɔhɔ idiɔk udɔŋɔ fo.

MARK 1:32

Ekem ke mbubreyo, ke ini utin ama okosop, eda kpukpru mbon udɔŋɔ ye mmɔ emi enyenede demon esɔk Enye.

ECCLESIASTES 9:7

Ka kadia udia fo ke idaresit, nyuŋ ŋwɔŋ wine fo ke inemesit: koro utom fo ama enem Abasi esit ama.

MATTHEW 6:12

Nyuŋ dahado ke isɔn eke ikamade Fi, nte emi nnyin ikadahadedo inɔ mmɔ emi ekamade nnyin isɔn;

MATTHEW 9:5

Koro ewe emem akan, mme ndidɔhɔ nte, Emefen mme idiɔk-ŋkpɔ fo; me ndidɔhɔ nte, Daha ke enyɔŋ, saŋa?

MATTHEW 14:27

Edi idaha oro Jesus etiŋ ikɔ ye mmɔ ete, Esɔŋ esit; edi Ami; ekufehe ndik.

MARK 6:50

Edi idaha oro Enye etiŋ ye mmɔ, onyuŋ ɔdɔhɔ ete, Esɔŋ esit: edi Ami: ekufehe ndik.

MARK 10:49

Ndien Jesus atuak ada, ɔdɔhɔ ete ekot enye edi. Mmɔ ekot nnan oro, ete enye, Sɔŋ esit, daha ke enyɔŋ, Enye ke okot fi.

UTOM MME APOSTLE 23:11

Ndien ke okoneyo eke etienede usen oro, Ɔbɔŋ ada Paul ke ŋkaŋ, ete enye, Sɔŋ esit; koro kpa nte ekedide ntiense ɔnɔ Mi ke Jerusalem, ntre ke eyedi ntiense ke Rome ŋko.