MATTHEW 8:10 - Edisana ñwed Abasi Ibom

¹⁰ Ke adaŋemi Jesus okopde ikɔ emi, enyene Enye nyɔ; Enye onyuŋ ɔdɔhɔ mmɔ emi etienede Enye, ete, ke akpanikɔ ke ndɔhɔ mbufo, akanam ŋkwe mbuɔtidem eke okponde ntem, kpa ke Israel.

MATTHEW 8:10 Referans Kwoze

LUKE 7:9

Ke adaŋemi Jesus okopde ikɔ emi, enyene Enye ndyɔ; Enye onyuŋ ɔwɔŋɔre ɔdɔhɔ otu owo emi etienede Enye, ete, Ndɔhɔ mbufo nte, akanam ŋkwe mbuɔtidem eke okponde ntem, kpa ke Israel.

MATTHEW 15:28

Ekem Jesus ɔbɔrɔ enye ete, O ŋwan, mbuɔtidem fo omokpon; yak ɔwɔrɔ ɔnɔ fi nte oyomde. Ndien eyen esie okop nsɔŋidem ɔtɔŋɔde ke ini oro.

MARK 6:6

Ndien Enye eyik abaŋa unana mbuɔtidem mmɔ. Ekem Enye asaŋa akanare obio-iŋwaŋ ekpep owo ŋkpɔ.

LUKE 7:50

Edi Jesus ɔdɔhɔ ŋwan oro ete, Mbuɔtidem fo ama anyaŋa fi; nyɔŋ, koduk ke emem.

LUKE 5:20

Ke ini Jesus okutde mbuɔtidem mmɔ, ɔdɔhɔ owo oro ete, Owo, emefen mme idiɔk-ŋkpɔ fo.

GENESIS 43:33

Ndien mmɔ etie enye ke iso, akpan ke itie akpan, ye udɔ ke itie udɔ: ndien mbon oro kiet ese kiet eyik.

MATTHEW 8:9

Koro ami ke idem mi ndu ke idak erikara, mmonyuŋ nnyene mbon-ekɔŋ eke esinede mi ke idak; nnyuŋ ndɔhɔ owo emi nte ka, ndien enye aka; nnyuŋ ndɔhɔ owo efen, nte, Di, ndien enye edi; nnyuŋ ndɔhɔ owo mi, nte, Nam emi, ndien enye anam.

MATTHEW 8:11

Edi ndɔhɔ mbufo nte, Ediwak owo eyeto ke edem usiaha-utin ye edem usop-utin, edisuhɔre etetie ye Abraham, ye Isaac, ye Jacob, ke Obio Ubɔŋ Heaven:

UTOM MME APOSTLE 2:7

Ndien enyene kpukpru mmɔ ndyɔ, mmɔ enyuŋ eyik, ete, Sese, nte kpukpru mmɔ emi etiŋde tiŋ idige nditɔ Galilee?