MATTHEW 7:21 - Edisana ñwed Abasi Ibom

²¹ Idige kpukpru owo emi ekotde Mi ete, Ɔbɔŋ, Ɔbɔŋ, ediduk ke Obio Ubɔŋ Heaven; edi owo eke anamde uyo Ete Mi emi odude ke Heaven.

MATTHEW 7:21 Referans Kwoze

ŊWED MBON ROME 2:13

koro idige mme okop-ibet edi ndinen owo ke iso Abasi, edi ikpe eyetebe mme enim-ibet.

LUKE 6:46

Nsinam mbufo ekotde Mi ete, Ɔbɔŋ, Ɔbɔŋ, ndien minamke se ndɔhɔde?

JAMES 1:22

Yak mbufo edi mme anam-ikɔ, ekudi mme andikokop ikpɔŋ-ikpɔŋ, ebiaŋa idem.

LUKE 11:28

Edi Enye ete, Akam ɔfɔn akan ye mmɔ emi ekopde ikɔ Abasi, enyuŋ ekpemede ndinam.

TITUS 1:16

Mmɔ edɔhɔ ete, mme imɔ ifiɔk Abasi; edi mmɔ ekaŋ Enye ke ido mmɔ, sia mmɔ ebiamde mbubiam, enyuŋ esɔŋde ibuot, enyuŋ ebiarade adaŋa nte mmɔ mikemeke ndinam ndomo eti utom kiet.

MME HEBREW 4:6

Mmɔdo sia anade nte ndusuk owo ediduk ke nduɔk-odudu oro, ndien mmɔ emi ekebemde iso ekwɔrɔ gospel enɔ mmɔ midukke oto ke ntut-utɔŋ,

JOHN 6:40

Koro emi edi uduak Ete Mi, ete, kpukpru owo eke ekutde Eyen, enyuŋ ebuɔtde idem ye Enye, enyene nsinsi uwem; Ami nyenyuŋ nnam enye eset ke Akpatre usen.

ERIYARARE 3:5

Owo eke akande, eyesine enye afia ɔfɔŋidem ntem; ndien ndisioho enyiŋ esie mfep ke ŋwed uwem, ndien nyenyime enyiŋ esie ke iso Ete Mi ye ke iso mme angel Esie.

1 PETER 4:2

man mbufo ekuda aba ini eke ɔsuhɔde ɔnɔ mbufo ke obukidem esaŋa edu uwem ke mme idiɔk itɔŋ esit owo, edi esaŋa nte uduak Abasi edide.

MME HEBREW 13:21

kpa Ɔbɔŋ nnyin Jesus Christ akpakam ɔnɔ mbufo kpukpru nti ŋkpɔ eda enam se Enye amade, onyuŋ anam utom ke esit nnyin, nte ɔfɔnde Enye ke enyin, oto ke Jesus Christ. Ubɔŋ enyene Enye ke nsinsi-nsinsi. Amen.

MATTHEW 12:50

Koro owo ekededi eke anamde se Ete Mi emi odude ke heaven amade, enye edi eyen-eka Mi eren ye eyen-eka Mi aŋwan, ye eka Mi.

ERIYARARE 22:14

Ɔfɔfɔn ɔnɔ mmɔ eke eyetde ɔfɔŋidem mmɔ asana, man mmɔ ekpenyene unen ndisim eto uwem, ekpenyuŋ ebe ke inua-otop eduk ke esit obio.

JOHN 3:5

Ke akpanikɔ ke ndɔhɔ fi nte, Edieke owo mimanake oto ke mmɔŋ ye Spirit, enye ikemeke ndiduk ke Obio Ubɔŋ Abasi.

MATTHEW 18:3

ete, Ke akpanikɔ ke ndɔhɔ mbufo, ibɔhɔke mbufo ewɔŋɔre ekabare etie nte ŋkpri nitɔwɔŋ, mbufo ididukke ke Obio Ubɔŋ Heaven.

JOHN 7:17

Edieke owo onyimede ndinam se Enye amade, owo oro eyefiɔk abaŋa se ŋkpepde, mme oto Abasi, mme Ami ntiŋ ikɔ oto Idem Mi.

ŊWED MBON ROME 12:2

Ekunyuŋ ekabare ebiet eyo emi, edi eyak mbufo ekpuhɔre, oto ke erinam emi enamde esit mbufo edi obufa, man mbufo edomo efiɔk se uduak Abasi edide, uduak Abasi eke edide eti, onyuŋ enemde owo esit, onyuŋ ɔfɔnde ama.

MARK 3:35

Koro owo ekededi eke anamde se Abasi amade, enye edi eyen-eka Mi eren ye eyen-eka Mi aŋwan ye eka Mi.

1 ŊWED THESSALONICA 5:18

Enɔ ekɔm ke kpukpru ŋkpɔ; koro emi edi se Abasi amade mbufo enam ke Christ Jesus.

ŊWED MBON EPHESUS 6:6

Ekunam utom enyin owo, nte mbon mbukpek, edi enam se Abasi amade ye esit kiet nte ifin Christ;

1 PETER 2:15

Koro Abasi aduak ntem ete, mbufo eda nti ido ekibi inua mbon ndisime, eke mifiɔkke se mmɔ etiŋde.

MATTHEW 25:21

Ɔbɔŋ esie ete, Omotim anam, afo eti asaŋutom ye owo akpanikɔ: akanam akpanikɔ ke se miwakke; nyenim fi ekpeme ediwak ŋkpɔ; duk ke idara ɔbɔŋ fo.

1 ŊWED THESSALONICA 4:3

Koro emi edi uduak Abasi, ete mbufo ekpekabare esana, ete mbufo enyuŋ ebet use;

ŊWED MBON COLOSSAE 4:12

Epaphras, owo mbufo kiet, emi edide owo Christ Jesus, ete ekɔm mbufo; enye edi owo emi aŋwanade kpukpru ini ke akam esie oyom ufɔn mbufo: man mbufo efɔn ema, enyuŋ etim efiɔk ofuri uduak Abasi.

LUKE 13:25

Ke adaŋemi ete-ufɔk adahade ke enyɔŋ eberi usuŋ, ndien mbufo etɔŋɔ ndida ke aŋwa ntuak usuŋ, ete, Ɔbɔŋ, sio usuŋ nɔ nnyin; ndien Enye eyebɔrɔ mbufo ete, Mfiɔkke ebiet eke mbufo etode;

UTOM MME APOSTLE 14:22

ekpe ye mmɔ ete esuk eyire ke mbuɔtidem, enyuŋ esian mmɔ ete, nnyin inyene ndibe ke ediwak ukut nduk ke Obio Ubɔŋ Abasi.

LUKE 18:25

Koro edi mmem-mmem ŋkpɔ ye camel ndibe ke odudu abiabon, akan owo inyene ndiduk ke Obio Ubɔŋ Abasi.

MARK 9:47

Onyuŋ edieke enyin fo esinde fi ɔduɔ, wubere enye duɔk: ɔfɔn fi ndida enyin kiet nduk ke Obio Ubɔŋ Abasi akan ndikpenyene enyin iba, ndien eduɔk fi ke hell;

MATTHEW 19:24

Mmonyuŋ ntɔŋɔ ntak ndɔhɔ mbufo nte, edi mmemmem ŋkpɔ ye camel ndibe ke odudu abiabon, akan owo inyene ndiduk ke Obio Ubɔŋ Abasi.

MATTHEW 18:35

Kpasuk ntre ke Ete Mi ke heaven edinam ye mbufo, ke mbufo kiet kiet mifenke eyen-ete mbufo ke ofuri esit.

JOHN 15:23

Owo eke asuade Mi asua Ete Mi nde.

MATTHEW 26:42

Enye ɔtɔŋɔ ntak aka ɔyɔhɔ utim ikaba ɔkɔbɔŋ akam ete, O Ete Mi, edieke cup emi mikemeke ndibe ŋkpɔŋ Mi ke mmeŋwɔŋke enye, yak edi nte Afo onyimede.

MATTHEW 16:17

Jesus ɔbɔrɔ enye ete, Ɔfɔfɔn ɔnɔ fi Simon eyen Jonah, koro midige obuk ye iyip akayarare ŋkpɔ emi ɔnɔ fi, edi edi Ete Mi emi odude ke Heaven.

ERIYARARE 2:27

nyenɔ enye odudu ndikara mme idut; ndien enye eyeda esaŋ ukwak akara mmɔ, nte emi ebomde eso obot-eso mbai-mbai: kpa nte Ami nde ŋkɔbɔde ke ubɔk Ete Mi.

JOHN 14:7

Edieke mbufo ekpediɔŋɔde Mi, Mbufo ekpenyuŋ ediɔŋɔ Ete Mi ŋko; ndien tɔŋɔ mfin emi mbufo emediɔŋɔ Enye, emenyuŋ ekut Enye.

JOHN 5:17

Edi Jesus ɔbɔrɔ mmɔ ete, Ete Mi ke ananam utom tutu osim emi,

MATTHEW 26:39

Ndien Enye aka ke iso esisit, ɔduɔ okibi iso ke isɔŋ, ɔbɔŋ akam ete, O Ete Mi, edieke usuŋ odude, yak cup emi ebe ɔkpɔŋ Mi; edi yak okudi nte Ami nnyimede; edi yak edi nte Afo onyimede.

MATTHEW 18:10

Etiŋ enyin ekusin kiet ke otu ŋkpri nditɔwɔŋ emi ke ndek: koro ndɔhɔ mbufo nte, mme angel mmɔ ke heaven esuk ekut iso Ete Mi emi odude ke Heaven

MATTHEW 18:19

Mmonyuŋ ntɔŋɔ ntak ndɔhɔ mbufo nte, owo iba ke otu mbufo ema eduk ediomi ebaŋa ŋkpɔ ekededi eke mmɔ edibeŋede, Ete Mi emi odude ke heaven eyenam ŋkpɔ oro ɔnɔ mmɔ.

MATTHEW 25:10

Edi ke ini mmɔ ekade ekedep, ɔdɔ-ndɔ edi; ndien mmɔ emi ebeŋede idem etiene enye eduk ke udia ndɔ: ndien eberi usuŋ.