MATTHEW 6:9 - Edisana ñwed Abasi Ibom

⁹ Ebɔŋ akam ntem ndien, ete, Ete nnyin emi odude ke heaven: Yak ikpono enyin Fo,

MATTHEW 6:9 Referans Kwoze

ERIYARARE 4:11

Ɔbɔŋ ye Abasi nnyin, Afo omodot ndibɔ ubɔŋ ye ukpono ye odudu, koro Afo okobotde kpukpru ŋkpɔ; ndien oto uduak Fo ke mmɔ edu, ekenyuŋ eboro.

ŊWED MBON ROME 8:15

Koro mbufo mikɔbɔhɔ spirit ufin eke esinde mbufo etɔŋɔ ntak enyene ndik; edi mbufo ekɔbɔ spirit eke enyenede mmɔ emi edade esin ke ubon Abasi, emi anamde nnyin ikot Abasi, ite, Abba, Ete.

EZEKIEL 36:23

Ɔbɔŋ Jehovah onyuŋ ɔdɔhɔ ete, Ndien nyemen edisana enyiŋ mi emi esabarede ke otu mme idut, emi mbufo esabarede enye ke ufɔt mmɔ, nnim ke edisana; ndien mme idut eyefiɔk ete ke ami ndi Jehovah, ke ini enimde mi ke edisana ke otu mbufo ke enyin mbufo.

MALACHI 1:11

Koro enyiŋ mi eyekpon ke otu mme idut ɔtɔŋɔde ke edem usiaha-utin tutu osim ke edem usop; ndien mmɔ eyefɔp incense ye edisana uwa enɔ enyiŋ mi ke kpukpru ebiet: koro enyiŋ mi eyekpon ke otu mme idut, Jehovah mme udim ɔdɔhɔ.

ŊWED MME PSALM 111:9

Enye ɔnɔ ufak esɔk ikɔt esiemɔ: onyuŋ owuk ediomi esie ke nsinsi: enyiŋ esie edi edisana, onyuŋ enyene uteŋe.

ISAIAH 64:8

Ke emi, ndien, O Jehovah, afo edi ete nnyin; nnyin idi mbat-eso, ndien edi afo andibot nnyin; nnyin kpukpru inyuŋ idi se ubɔk fo akanamde.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

ŊWED MBON GALATIA 4:6

Ndien sia mbufo edide nditɔ, Abasi ama ɔdɔŋ Spirit Eyen Esie edidu nnyin ke esit ete, ikot Enye ite, Abba Ete.

ISAIAH 6:3

Ndien kiet ofiori okot kiet, onyuŋ ɔdɔhɔ ete, Edisana, edisana, edisana, Jehovah mme udim: ubɔŋ esie ke ɔyɔhɔ ke ofuri ererimbot.

ERIYARARE 5:12

mmɔ enyuŋ edɔhɔ ke ɔkpɔsɔŋ uyo, ete, Eyen-erɔŋ emi ekewotde omodot ndibɔ odudu, ye inyene, ye ifiɔk, ye ukeme, ye ukpono, ye ubɔŋ, ye eridiɔŋ.

ŊWED MME PSALM 115:3

Ŋkɔm Abasi nnyin ododu ke heaven: anam kpukpru se enye amade.

NEHEMIAH 9:5

Ndien mme Levite, Jeshua, ye Kadmiel, ye Bani, ye Hashabneiah, ye Sherebiah, ye Hodiah, ye Shebaniah, ye Pethahiah, edɔhɔ, ete, Mbufo edaha ke enyɔŋ ekɔm Jehovah Abasi mbufo ke nsinsi nsinsi: yak mmɔ enyuŋ ekɔm enyiŋ ubɔŋ fo, emi okoŋde akan kpukpru ekɔm ye itoro.

MATTHEW 7:11

Mmɔdo edieke mbufo emi ediɔkde efiɔkde ndinɔ nditɔ mbufo nti enɔ, adaŋa didie akan oro ke Ete mbufo emi odude ke heaven edimen nti ŋkpɔ ɔnɔ mmɔ emi ebeŋede Enye?

ISAIAH 63:16

Koro afo edide ete nnyin; koro Abraham mifiɔkke nnyin, Israel midinyuŋ idiɔŋɔke nnyin. Afo, O Jehovah, edi ete nnyin; andifak nnyin edi enyiŋ fo ke nsinsi.

ŊWED MME PSALM 72:18

Ekɔm Jehovah Abasi, kpa Abasi Israel, emi ikpɔŋ-ikpɔŋ anamde mme utibe ŋkpɔ.

MATTHEW 26:29

Edi ndɔhɔ mbufo nte, Ndiŋwɔŋke aba mfri vine emi, tutu osim usen oro ndiŋwɔŋde enye obufa ye mbufo ke Obio Ubɔŋ Ete Mi.

MATTHEW 23:9

Ekunyuŋ ekot ndomo owo kiet ke isɔŋ, ete, Ete; koro Kiet edi Ete mbufo, kpa Enye emi odude ke heaven.

MATTHEW 5:16

Kpa ntre yak uŋwana mbufo ayama ke iso owo, man mmɔ ekut nti utom mbufo, enyuŋ etoro Ete mbufo emi odude ke Heaven.

2 CHRONICLES 20:6

O Jehovah Abasi mme ete nnyin, nte idige afo edi Abasi ke enyɔŋ? Nte idige afo akara kpukpru mme idut ke ererimbot? Nte odudu ye nsɔŋ-idem iduhe fi ke ubɔk? Ndien baba owo kiet eke ekemde ubɔk ye afo iduhe.

LUKE 15:18

Nyedaha nnyuŋ ntiene ete mi, nnyuŋ ndɔhɔ enye nte, Ete, mmanam idiɔk-ŋkpɔ ndian heaven ye ke iso fo:

ZECHARIAH 14:9

Ndien Jehovah eyedi edidem ofuri isɔŋ emi; ke usen oro Jehovah eyedu kierakiet, ye enyiŋ esie kierakiet.

1 NDIDEM 8:43

afo tie ke enyɔŋ, ebiet iduŋ fo, kop, nyuŋ nam kpukpru se esen owo oro edisemede ɔnɔ fi abaŋa: kpaŋ kpukpru mbio ererimbot emi ekpefiɔk enyiŋ fo, enyuŋ ebak fi, kpa nte ikɔt fo Israel enamde: man mmɔ enyuŋ efiɔk ete ke eda enyiŋ fo esio ufɔk emi ami mbɔpde.

HABAKKUK 2:14

esin mme obio ekpa mba ke ikpikpu? Koro ifiɔk ubɔŋ Jehovah eyeyɔhɔ ke ererimbot, kpa nte mmɔŋ ofukde inyaŋ.

EZEKIEL 38:23

Ami nyenyuŋ nnim idem mi ke akwa ye ke edisana, nnyuŋ nnam mmɔ efiɔk mi ke enyin ediwak mme idut. Ndien mmɔ eyefiɔk ete ke ami ndi Jehovah.

1 CHRONICLES 17:24

Yak ɔsɔŋ ada, yak enyiŋ fo onyuŋ okpon ke nsinsi (yak enyuŋ edɔhɔ), ete, Jehovah mme udim edi Abasi Israel, kpa Abasi Israel: ndien yak ufɔk owo fo David ada ke iso fo.

2 SAMUEL 7:26

Nam enyuŋ ekpono enyiŋ fo ke nsinsi, ete, Jehovah mme udim edi Abasi Israel: nyuŋ nam ufɔk owo fo David ɔwuhɔ ada ke iso fo.

1 PETER 1:17

Ndien edieke mbufo esemede ekot Enye nte Ete, emi miteŋeke owo enyin, edi ebierede ikɔ ɔnɔ owo nte erinam esie edide, edu uwem ke ndik ke ini ndaŋ mbufo mi;

1ŊWED TIMOTHY 6:16

emi Enye ikpɔŋ mikpaha mkpa, emi oduŋde ke uŋwana eke owo mikemeke ndisaŋa ŋkpere; emi akanam owo mikwe, midinyuŋ ikemeke ndikut: ubɔŋ enyene Enye ye nsinsi odudu. Amen.

LUKE 15:21

Edi eyen ɔdɔhɔ enye ete, Ete, mmanam idiɔk-ŋkpɔ ndian heaven ye ke iso fo: ndotke aba ndikere eyen fo.

LUKE 2:14

Uboŋ enyene Abasi ke ata enyɔŋ. Emem onyuŋ odu ke isɔŋ ke otu owo emi Enye enende iso ye mmɔ.

ISAIAH 66:1

NTEM ke Jehovah ɔdɔhɔ, ete, Enyɔŋ edi ebekpo mi, isɔŋ onyuŋ edi udorukot mi: nso ufɔk ke mbufo edibɔp enɔ mi? Nso ebiet ke mbufo edinim ke nduɔk-odudu mi ŋko?

MATTHEW 6:14

Koro edieke mbufo edahadedo enɔ owo ke ndudue mmɔ, Ete mbufo ke heaven eyenyuŋ adahado ɔnɔ mbufo.

MATTHEW 6:6

Edi ama edi afo, ke ini ɔbɔŋde akam, duk ke esit ubet fo, beri usuŋ, bɔŋ akam nɔ Ete fo emi odude ke ndibe, ndien Ete fo emi okutde ke ndibe eyenɔ fi usiene.

MATTHEW 5:48

Mbufo efɔn ema ndien, kpa nte Ete mbufo ke heaven ɔfɔnde ama.

LEVITICUS 10:3

Ndien Moses ɔdɔhɔ Aaron ete, Emi edi se Jehovah ɔdɔhɔde ete, Kpukpru mmɔ eke esaŋade ekpere mi, enyene ndise mi ke edisana, enyuŋ enyene ndikpono mi ke iso kpukpru owo. Ndien Aaron odop uyo.

ŊWED MBON GALATIA 1:1

PAUL emi edide apostle (itie emi itoho owo, inyuŋ idige owo enɔ, edi Jesus Christ ɔnɔ, ye Abasi Ete, emi akanamde Enye eset ke mkpa),

JOHN 20:17

Jesus ete enye, Kutuk Mi; koro ndɔkke kaŋa ntiene Ete; edi bine nditɔ-ete Mi kɔdɔhɔ mmɔ ete, Mmɔŋ ndidɔk ntiene Ete Mi ye Ete mbufo, Abasi Mi ye Abasi mbufo.

MATTHEW 26:42

Enye ɔtɔŋɔ ntak aka ɔyɔhɔ utim ikaba ɔkɔbɔŋ akam ete, O Ete Mi, edieke cup emi mikemeke ndibe ŋkpɔŋ Mi ke mmeŋwɔŋke enye, yak edi nte Afo onyimede.

ISAIAH 37:20

Mbɔk, ndien, O Jehovah Abasi nnyin, nyaŋa nnyin sio ke ubɔk esie, ndien kpukpru mme idut ererimbot eyefiɔk ete ke afo ikpɔŋ-ikpɔŋ edi Jehovah.

ŊWED MBON ROME 1:7

ewet ɔnɔ esɔk kpukpru mmɔ emi edukde Ke Rome emi Abasi amade, onyuŋ okotde ete edidi ndisana ikɔt Esie. Mfɔn ye emem, emi etode ke ubɔk Abasi Ete nnyin ye Ɔbɔŋ Jesus Christ, akpakam odoro mbufo.

MATTHEW 10:29

Nte inyamke ŋkpri inuen iba ke obubit okuk kiet? ndien baba mmɔ kiet iduɔhɔ ke isɔŋ ke mitoho Ete mbufo: