MATTHEW 6:5 - Edisana ñwed Abasi Ibom

⁵ Ke ini mbufo enyuŋ ebɔŋde akam, ekubiet mbon mbubik: koro mmɔ ema ndida ke mme synagogue ye ke mme inuk efak mbɔŋ akam, ete iwut owo idem. Ke akpanikɔ ke ndɔhɔ mbufo, Mmɔ ema ebɔ utip mmɔ.

MATTHEW 6:5 Referans Kwoze

MATTHEW 6:2

Mmɔdo ke ini ɔnɔde eyen ubuene ŋkpɔ, kutaŋ ese, nte mbio mbubik enamde ke mme synagogue ye mme efak, ete owo ekpono mme imɔ. Ke akpanikɔ ke ndɔhɔ mbufo, Mmɔ ema ebɔ utip mmɔ.

LUKE 18:13

Edi publican ada nsan-nsan, inyuŋ inyimeke ndimenere kpa enyin esie nse enyɔŋ, edi amia ubɔk ke ikpanesit esie, ete, Abasi, tua mi, idiɔk owo, mbɔm.

MARK 11:25

Ndien ini ekededi eke mbufo edade ebɔŋ akam, edieke mbufo enyenede ikɔ ye owo, edahado enɔ enye;

JEREMIAH 29:12

Ndien mbufo eyefiori ekot mi, enyuŋ eka ekekpe mi ubɔk, ndien nyekop uyo mbufo.

ISAIAH 1:15

Ndien ke ini mbufo emenerede ubɔk mbufo, ndip mbufo enyin mi: ndien ŋko ke ini mbufo ewakde ndibɔŋ akam, ami ŋkopke: iyip ɔmɔyɔhɔ mbufo ke ubɔk.

LUKE 20:47

mmɔ emi ediade ufɔk mme ebe-akpa, enyuŋ ebɔŋde nyan akam ke mbubik: mmɔ eyebɔ ubiom-ikpe emi okponde akan.

JAMES 4:6

Edi Enye ɔnɔ mfɔn awak akan. Mmɔdo ewetde ete, Abasi ɔbiɔŋɔ mbon iseri, edi ɔnɔ mbon nsuhɔre-idem mfɔn.

LUKE 18:1

EKEM Enye otop ŋke ɔnɔ mmɔ, ndikpep ete mme owo ekpebɔŋ akam kpukpru ini, ekunyuŋ ekpa mba.

DANIEL 6:10

Ekem ke adaŋemi Daniel ɔfiɔkde ete ke emesin enyiŋ ke ŋwed, enye oduk ke ufɔk esie, ekeberere window ubet enyɔŋ esie ke edem emi esede Jerusalem; ndien enye ɔtɔŋɔ edɔŋ esie utim ikata ke usen, onyuŋ ɔbɔŋ akam, onyuŋ ɔnɔ ekɔm ke iso Abasi esie kpasuk nte enye akam esinamde.

ŊWED MBON EPHESUS 6:18

eda kpukpru akam ye mkpe-ubɔk ebɔŋ akam ke Spirit kpukpru ini, enyuŋ ekpeme ndinam ntem, enyuŋ eda ofuri ifik ye mkpe-ubɔk ekpeme ndibɔŋ akam mbaŋa kpukpru ikɔt Abasi, nnyuŋ mbaŋa mi ŋko,

LUKE 11:43

Eyedɔdiɔk ɔnɔ mbufo mme Pharisee! koro mbufo emade ikpɔ itie ke synagogue, ye ekɔm ke aŋwa-urua.

MATTHEW 21:22

Ndien kpukpru ŋkpɔ ekededi eke mbufo edibeŋede ke akam, edinyuŋ ebuɔtdeidem, mbufo eyenyene.

ŊWED MME PSALM 55:17

Mbubreyo, ye usenubɔk, ye ufɔt uwemeyo, ke ndiseme nnyuŋ ntua: ndien enye eyekop uyo mi.

ŊWED MME PSALM 5:2

O edidem mi, ye Abasi mi; koro mmɔŋ mkpe fi ubɔk.

1 ŊWED THESSALONICA 5:17

Ekudop akam;

JOHN 16:24

Tutu osim ini emi mbufo ikebeŋeke baba ŋkpɔ kiet ke enyiŋ Mi: ebeŋe, ndien mbufo eyebɔ, man idaresit mbufo ɔyɔhɔ.

MARK 12:38

Ke ukpep-ŋkpɔ Esie Enye ɔdɔhɔ ete, Ekpeme idem mbufo ye mme scribe, emi emade ndisaŋa ye nduɔ-nduɔ ɔfɔŋidem, ndinyuŋ mbɔ ekɔm ke aŋwa-urua,

MATTHEW 9:38

Ebeŋe ndien Enyene-idɔk ete, Enye osio mme anam-utom ɔdɔŋ edi ke idɔk Esie.

MATTHEW 23:13

Edi eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo eberi Obio Ubɔŋ heaven ebaha owo: koro mbufo idukke ke idem mbufo, inyuŋ iyakke mmɔ emi eyomde ndiduk ebe eduk.

MME ŊKE 16:5

Jehovah abat kpukpru okpon-esit ke mbubiam: ubɔk okposuk adadiana ye ubɔk enye idibɔhɔke.

MATTHEW 23:6

enyuŋ ema itie-ukpono ke udia,

MME ŊKE 15:8

Jehovah abat uwa mme idiɔk owo ke mbubiam: edi akam mbon eti ido enem enye esit.

MATTHEW 6:16

Edi ke ini mbufo etrede udia, ekunim iso mfuhɔ-mfuhɔ, nte mbio mbubik enamde; koro mmɔ ekpuhɔre iso mmɔ, man owo ekut ete mmɔ ke etre udia. Ke akpanikɔ ke ndɔhɔ mbufo, Mmɔ ema ebɔ utip mmɔ.

MATTHEW 6:1

EKPEME ekunam edinen ido mbufo ke iso owo, ete mmɔ ekut: enamde ntre, mbufo inyeneke utip ke ubɔk Ete mbufo emi odude ke heaven.

MATTHEW 23:5

Edi mmɔ enam kpukpru mme utom mmɔ man owo ekut: koro mmɔ enam mme phylactery mmɔ eŋwaŋa, enyuŋ enam nyeriye ɔfɔŋ-idem mmɔ ekpon,

LUKE 6:24

Eyedɔdiɔk ɔnɔ mbufo mbon inyene! koro mbufo emenyene ndɔŋesit mbufo.