MATTHEW 6:2 - Edisana ñwed Abasi Ibom

² Mmɔdo ke ini ɔnɔde eyen ubuene ŋkpɔ, kutaŋ ese, nte mbio mbubik enamde ke mme synagogue ye mme efak, ete owo ekpono mme imɔ. Ke akpanikɔ ke ndɔhɔ mbufo, Mmɔ ema ebɔ utip mmɔ.

MATTHEW 6:2 Referans Kwoze

MATTHEW 6:5

Ke ini mbufo enyuŋ ebɔŋde akam, ekubiet mbon mbubik: koro mmɔ ema ndida ke mme synagogue ye ke mme inuk efak mbɔŋ akam, ete iwut owo idem. Ke akpanikɔ ke ndɔhɔ mbufo, Mmɔ ema ebɔ utip mmɔ.

MATTHEW 6:16

Edi ke ini mbufo etrede udia, ekunim iso mfuhɔ-mfuhɔ, nte mbio mbubik enamde; koro mmɔ ekpuhɔre iso mmɔ, man owo ekut ete mmɔ ke etre udia. Ke akpanikɔ ke ndɔhɔ mbufo, Mmɔ ema ebɔ utip mmɔ.

JOHN 5:41

Mbɔhɔ ubɔŋ ke ubɔk owo,

MME HEBREW 13:16

Ekufre ndinam eti ŋkpɔ ndinyuŋ mfɔn ido ye owo; koro oruk uwa emi enemde Abasi esit.

LUKE 20:46

Ekpeme idem mbufo ye mme scribe, emi emade ndisaŋa ye nduɔ-nduɔ ɔfɔŋidem, enyuŋ emade ekɔm ke aŋwa-urua, ye ikpɔ itie ke mme synagogue, ye itie ukpono ke udia;

JOHN 7:18

Owo eke etiŋde oto idem esie oyom ubɔŋ ɔnɔ idem esie; edi owo eke oyomde ubɔŋ andidɔŋ enye, owo oro edi akpanikɔ, ukwaŋido inyuŋ iduhe enye ke esit.

1 PETER 4:11

Edieke owo etiŋde ikɔ, yak enye etiŋ nte etiŋ ikɔ Abasi: ŋko, edieke owo anamde ŋkpɔ ɔnɔ ekemmɔ owo yak enye anam nte ada odudu eke Abasi ɔnɔde anam; man ke kpukpru ŋkpɔ Abasi edinyene ubɔŋ oto ke Jesus Christ. Ubɔŋ ye erikara enyene Enye ke nsinsi-nsinsi. Amen.

ŊWED MME PSALM 37:21

Idiɔk owo ɔbɔbuɔt, ndien isioho: edi eti owo atua owo mbɔm, onyuŋ ɔnɔ ŋkpɔ.

ŊWED MBON EPHESUS 4:28

edi yak enye akam anam ɔkpɔsɔŋ utom, ada ubɔk esie anam eti utom, man enye enyene se adade ɔnɔ owo eke odude ke unana.

ŊWED MBON GALATIA 2:10

Edi ukure-ŋkpɔ mmɔ ebeŋe nnyin ete, iti nditɔ ubuene; ŋkpɔ emi edi se nsinde ifik nnam.

UTOM MME APOSTLE 10:4

Edi ke ini enye owukde enyin ese angel, ndik anam enye, enye onyuŋ ɔdɔhɔ ete, Nso, Ɔbɔŋ? Edi angel ɔdɔhɔ enye ete, Mkpe-ubɔk fo ye ŋkpɔ-mfɔn eke ɔnɔde mme ubuene ema edɔk edi ke iso Abasi, nte ŋkpɔ eke Enye adade eti fi.

HOSEA 8:1

SIN ukorowo ke inua fo. (Duɔ) ufɔk Jehovah nte ntrukpom: koro mmɔ ebiatde ediomi mi, enyuŋ eduede mbet mi.

1ŊWED TIMOTHY 6:18

Dɔhɔ mmɔ ete, efɔn ido, enyuŋ enam nti utom uwak-uwak, enyuŋ etat ubɔk, enyime ndinɔ owo ŋkpɔ;

ŊWED MBON ROME 12:8

Owo eke onyuŋ ɔnɔde item, etiŋ enyin ɔnɔ item; owo eke ɔnɔde ubuene ŋkpɔ, yak enye ɔnɔ ke ntarubɔk; owo eke akarade, yak enye esin ifik ke erikara esie; owo eke onyuŋ atuade mbɔm, yak enye atua mbɔm ke ntarido.

UTOM MME APOSTLE 24:17

Ke emi, ke ediwak isua ema ekebe, ndi edem emi ndida enɔ nsɔk mbio-obio nnyin nnyuŋ ŋwa uwa.

UTOM MME APOSTLE 10:31

Cornelius, ema ekop akam fo, enyuŋ eti ŋkpɔ mfɔn eke ɔnɔde mme ubuene ke iso Abasi.

UTOM MME APOSTLE 10:2

Ndien enye edi owo emi eteŋede Abasi onyuŋ abakde Abasi ye ofuri ufɔk esie, onyuŋ ɔnɔde mme ubuene ediwak ŋkpɔ-mfɔn, onyuŋ ɔbɔŋde akam ɔnɔ Abasi kpukpru ini.

UTOM MME APOSTLE 9:36

Edi mbet aŋwan kiet odu ke Joppa, ekere Tabitha, emi ekotde enye ete, Dorcas: ŋwan emi ɔyɔhɔ ye nti utom ye ntarubɔk eke enye anamde.

JOHN 13:29

Koro ndusuk mmɔ ese ete, sia Judas akamade ekpat okuk, Jesus ɔnɔ enye uyo ete, Dep se iyomde inɔ usɔrɔ; midige, nɔ nditɔ-ubuene ŋkpɔ.

JOHN 5:44

Mbufo edikeme didie ndinim ke akpanikɔ, kpa mbufo emi ebɔde ubɔŋ ke ubɔk kiet eken, ndien miyomke ubɔŋ eke otode ke Abasi kierakiet?

LUKE 6:42

Edikeme didie ndidɔhɔ eyen-ete fo ete, Eyen-ete mi, yak nsio fi ekpri mbio ke enyin, ke adaŋemi afo ke idemfo mukwe obukpɔk eke odude fi ke enyin? Afo mbubik! bem iso sio obukpɔk oro odude ke enyin fo fep, ndien eyetim okut usuŋ nte asaŋade osio ekpri mbio ke enyin eyen-ete fo efep.

MARK 12:39

ye ikpɔ itie ke mme synagogue, ye itie ukpono ke udia;

MME ŊKE 20:6

Ediwak owo ke idem mmɔ ekwɔrɔ mfɔnido mmɔ: edi anie edikut owo akpanikɔ?

MME ŊKE 19:17

Atua ubuene mbɔm ɔbuɔt Jehovah ŋkpɔ: ndien Enye eyenɔ enye usiene utom esie.

ŊWED MME PSALM 112:9

Enye amatat ubɔk, ɔnɔ mme ubuene ŋkpɔ; edinen ido esie ebigi ke nsinsi; ubɔŋ emenere nduk esie ke enyɔŋ.

PHILEMON 1:7

Ima fo ama anam mi nnyene akwa idaresit ye ndɔŋesit, koro afo akanamde ikɔt Abasi ekop inemesit, eyen-ete mi.

1 ŊWED THESSALONICA 2:6

Nnyin iyomke ubɔŋ ke ubɔk owo, mme ke ubɔk mbufo, mme ke ubɔk owo efen, okposuk edi nte nnyin inyenede unen ndidi mbiomo nnɔ mbufo, sia idide mme apostle Christ.

UTOM MME APOSTLE 11:29

Ndien mbet eduak nditibe ŋkpɔ, adaŋa nte ukeme mmɔ kiet kiet edide, nnɔ esɔk nditɔ-ete emi eduŋde ke Judaea;

LUKE 13:15

Edi Ɔbɔŋ ɔbɔrɔ enye ete, Mbon mbubik, nte kpukpru mbufo kiet kiet itatke enaŋ ye ass esie ke ufɔk-enaŋ ke sabbath, ida mmɔ iwɔrɔ ika itie uŋwɔŋ-mmɔŋ?

LUKE 12:56

Mme mbubik, mbufo emefiɔk mme idiɔŋɔ eke edude ke iso isɔŋ ye ikpa-enyɔŋ; nsidi ndien ntak eke mbufo midomoke ini emi ifiɔk.

LUKE 12:33

Enyam se mbufo enyenede eda efɔn ido ye mme ubuene; enam ekpat-okuk eke midikanike enɔ idem mbufo; ebon inyene ke heaven eke midikpuhu mbufo, ke ɔtɔ inɔ misaŋake ikpere, uta-ŋkpɔ minyuŋ ibiatke.

LUKE 11:43

Eyedɔdiɔk ɔnɔ mbufo mme Pharisee! koro mbufo emade ikpɔ itie ke synagogue, ye ekɔm ke aŋwa-urua.

LUKE 11:41

Ekam eda mme ŋkpɔ eke edude ke esit mmɔ enɔ mme ubuene, ndien sese, kpukpru ŋkpɔ esana enɔ mbufo.

LUKE 6:24

Eyedɔdiɔk ɔnɔ mbufo mbon inyene! koro mbufo emenyene ndɔŋesit mbufo.

MARK 7:6

Edi Enye ɔdɔhɔ mmɔ ete, Isaiah ototim etiŋ nte prophet abaŋa mbufo, mbon mbubik, nte ewetde ete, Mbio emi ekpono Mi ke mkpɔk-inua mmɔ, Edi esit mmɔ ada nsan-nsan ye Ami;

MATTHEW 24:51

eyenyuŋ amia enye akamba ufen, onyuŋ ɔnɔ enye udeme ye mbon mbubik: do ke eritua eyet ye erita edet eyedu.

MATTHEW 23:6

enyuŋ ema itie-ukpono ke udia,

MATTHEW 22:18

Edi Jesus ɔfiɔk ibak mmɔ, onyuŋ ɔdɔhɔ ete, Nsinam edomode Mi, mbufo mbio mbubik?

MATTHEW 16:3

Usen eyediɔk, koro enyɔŋ oyibe onyuŋ okpuk. Mbufo emɔfiɔk ndidiɔŋɔ iso ikpa-enyɔŋ, edi mbufo ikemeke ndifiɔk idiɔŋɔ ini.

MATTHEW 15:7

Mbufo mbon mbubik, Isaiah ototim etiŋ nte prophet abaŋa mbufo, ete,

ISAIAH 58:7

Nte idige ndibuŋ uyo fo nnɔ owo biɔŋ, afo eyenyuŋ ada mme ubuene eke ediyode edi ke ufɔk, ke afo okutde owo iferi, ndien ofuk enye, ndien mudibeke obukidem fo.

ISAIAH 9:17

Oro esin mkparawa mmɔ midinemke Ɔbɔŋ esit, esin enye mituaha nditɔ-akpa mmɔ, ye mme ebe-akpa mmɔ mbɔm: koro kpukpru mɔ edide mme oburobut ye mme anam idiɔk, kpukpru inua enyuŋ edɔhɔ ndisime. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

ECCLESIASTES 11:2

Da ubak nɔ itiaba, nɔ itiaita ŋko: koro afo mufiɔkke idiɔk-ŋkpɔ eke edidude ke ererimbot.

1 SAMUEL 15:30

Ndien enye ɔdɔhɔ ete, Mma nnam idiɔk ido: edi kam kpono mi, mbɔk, ke iso mbiowo ikɔt mi, ye ke iso Israel, nyuŋ tiene mi fiak edem, man ntuak ibuot nnɔ Jehovah Abasi fo.

MATTHEW 7:5

Afo mbubik! bem iso sio obukpɔk oro ke enyin fo fep, ndien eyetim okut usuŋ nte adade osio mbio ke enyin eyen-ete fo efep.

MATTHEW 5:18

Koro ke akpanikɔ ke ndɔhɔ mbufo, Tutu enyɔŋ ye isɔŋ ebe efep, baba ntɔi kiet mme ekpri ŋkpɔ kiet idibehe ifep ke ibet, tutu kpukpru ŋkpɔ esu.

ISAIAH 10:6

Nyedɔŋ enye utom ke oburobut idut, nnyuŋ ntobo enye etop nnɔ mbio iyaresit mi, nte enye obume mbume, onyuŋ owo ŋwo, onyuŋ onim mmɔ ke se edigide nte mbat efak.

MATTHEW 6:3

Edi ke ini afo ɔnɔde eyen ubuene ŋkpɔ, kuyak ubɔk ufien fo ɔfiɔk se ubɔk nnasia fo anamde:

MATTHEW 23:5

Edi mmɔ enam kpukpru mme utom mmɔ man owo ekut: koro mmɔ enam mme phylactery mmɔ eŋwaŋa, enyuŋ enam nyeriye ɔfɔŋ-idem mmɔ ekpon,

1 ŊWED CORINTH 13:3

Ŋkponyuŋ nyak ofuri inyene mi nnɔ eda ebɔk nditɔ ubuene, ŋkponyuŋ nyak ikpɔhidem mi nnɔ efɔp ke ikaŋ, ndien nnyeneke ima, idoroke mi baba ŋkpɔ kiet.