MATTHEW 5:6 - Edisana ñwed Abasi Ibom

⁶ Ɔfɔfɔn ɔnɔ mmɔ eke ekopde biɔŋ ye nsat-itɔŋ edinen ido: koro mmɔ eyeyuhɔ.

MATTHEW 5:6 Referans Kwoze

JOHN 4:14

edi owo ekededi eke ɔŋwɔŋde mmɔŋ emi Ami ndinɔde enye idikopke nsat-itɔŋ aba: edi mmɔŋ oro ndinɔde enye eyekabare edi idim mmɔŋ ke esit esie eke otopde akabare ɔwɔrɔ edi nsinsi uwem.

ŊWED MME PSALM 107:9

Koro enye ɔyuhɔde ukpɔŋ udɔŋ, onyuŋ ada eti ŋkpɔ ɔnɔ ukpɔŋ ɔbiɔŋ ɔyuhɔ.

JOHN 6:27

Ekuŋwana udia eke edibiarade, edi eŋwana udia eke ebigide ɔsuŋɔ nsinsi uwem, emi Eyen Owo edinɔde mbufo: koro edi Enye ke Ete, kpa Abasi, ekefik Enye idiɔŋɔ ke idem.

ŊWED MME PSALM 145:19

Enye eyenam se mme andibak enye emade: onyuŋ okop eseme mmɔ, onyuŋ anyaŋa mmɔ.

JOHN 7:37

Edi ke akpatre usen, usɔrɔ, Jesus adaha ofiori ete, Edieke owo ekededi okopde nsat-itɔŋ, yak enye etiene Mi ediŋwɔŋ.

ERIYARARE 7:16

Mmɔ idikopke aba biɔŋ, idinyuŋ ikopke aba nsatitɔŋ;

LUKE 6:21

Ɔfɔfɔn ɔnɔ mbufo emi etiede biɔŋ ke emi, koro mbufo eyeyuhɔ. Ɔfɔfɔn ɔnɔ mbufo emi etuade eyet ke emi, koro mbufo eyesak imam.

ISAIAH 44:3

Koro nyeŋwaŋa mmɔŋ nnɔ owo nsat-itɔŋ, nyewaŋa idim ke edisat isɔŋ; nyeŋwaŋa spirit mi nduɔk nditɔ fo ke idem, nyeŋwaŋa nti ŋkpɔ mi nnɔ ubon fo.

LUKE 1:53

Enye akada nti ŋkpɔ ɔyuhɔ mmɔ emi biɔŋ ɔdɔŋde, Okonyuŋɔdɔŋ mbon-inyene enyɔŋɔ ubɔk-ubɔk.

ISAIAH 65:13

Mmɔdo, ntem ke Ɔbɔŋ Jehovah ɔdɔhɔ, ete, Sese, ikɔt mi eyedia ŋkpɔ, edi biɔŋ eyedɔŋ mbufo: sese, ikɔt mi eyeŋwɔŋ, edi itɔŋ eyesat mbufo: sese, ikɔt mi eyedat esit, edi but eyenam mbufo: sese,

ŊWED MME PSALM 65:4

Ɔfɔfɔn ɔnɔ owo eke afo edimekde, onyuŋ anamde asaŋa ekpere fi, man enye oduŋ ke okure fo: nnyin iyeyuhɔ ufɔn ufɔk fo, ye eke edisana temple fo.

ISAIAH 25:6

Ndien ke obot emi ke Jehovah mme udim edinam akamba udia ɔnɔ kpukpru mme idut, ŋkpɔ eke enyenede isek, ndia ke wine eke anade ke ntak, ke ŋkpɔ eke enyenede isek, enyuŋ ewakde ndia, wine ke ntak eke etimde eduk.

ŊWED MME PSALM 84:2

Okure Jehovah ɔdɔŋ mi ukpɔŋ tutu akpa mba; esit mi ye obukidem mi ekwɔ enɔ Abasi uwem.

LUKE 6:25

Eyedɔdiɔk ɔnɔ mbufo emi eyuhɔde ke emi! koro mbufo eyetie biɔŋ. Eyedɔdiɔk ɔnɔ mbufo emi esakde imam ke emi! koro mbufo eyeseme enyuŋ etua eyet.

ISAIAH 41:17

Mbon ukut ye ubuene eyom mmɔŋ, edi iduhe, edeme mmɔ amasat ke nsat-itɔŋ. Ami Jehovah nyeyere mmɔ, ami Abasi Israel ndikpɔŋke mmɔ.

ŊWED MME PSALM 63:5

Ukpɔŋ mi eyeyuhɔ kpa nte ke udia ye ikpɔŋ; ndien inua mi eyeda mkpɔk-inua idara otoro fi:

ŊWED MME PSALM 17:15

Ami nyese iso fo ke eti ido; mbiet fo eyeyuhɔ mi ke ini ndemerede.

IKWƆ SOLOMON 5:1

O EYEN-EKA mi, ŋwan mi, mmoduk ke iŋwaŋ mi: mmɔŋ ntaŋ myrrh mi, ye ufuɔŋkpɔ mi, mmɔŋ ndia aran-ɔkwɔk mi, ye obukpa ɔkwɔk mi; mmɔŋ ŋŋwɔŋ wine mi ye mmɔŋ-eba mi. O mme ufan, mbufo edia: mbufo, mbon ima, eŋwɔŋ, eŋwɔŋ uwak-uwak.

ISAIAH 66:11

man mbufo ewap eba ndɔŋesit esie eyuhɔ: man mbufo enyimi uyuhɔ ubɔŋ esie enyuŋ edat esit.

MME ŊKE 10:24

Se idiɔk owo efehede, oro edisim enye: edi eyenɔ se nti owo eyomde.

MME ŊKE 21:21

Owo eke etienede eti ido ye ima eyekut uwem, ye eti ido, ye ubɔŋ.

JEREMIAH 31:25

Koro mmɔnɔ ukpɔŋ mba-ba mmɔŋ ɔŋwɔŋ, mmonyuŋ nyuhɔ kpukpru ukpɔŋ eke efuhɔde.