MATTHEW 5:5 - Edisana ñwed Abasi Ibom

⁵ Ɔfɔfɔn ɔnɔ mmɔ eke enyenede ifure-ifure ido: koro mmɔ eyeda isɔŋ enyene.

MATTHEW 5:5 Referans Kwoze

ŊWED MME PSALM 37:11

Edi mbon nsukidem eyeda isɔŋ enyene; ediwak emem eyenyuŋ enem mmɔ esit.

ISAIAH 29:19

Ndien mbon nsukesit eyemana edara Jehovah, mme ubuene ke otu owo eyenyuŋ edara Edisana Abasi Israel.

JAMES 3:13

Anie ke otu mbufo enyene eti ibuot onyuŋ edi ɔniɔŋ? Yak enye ada eti edu esie owut ubɔkutom esie ke suŋ-suŋ ido eti ibuot.

ŊWED MME PSALM 149:4

Koro ikɔt Jehovah enemde enye esit: enye ada erinyaŋa abana mbon nsuk-esit.

ŊWED MBON GALATIA 5:23

ye ime, ye mfɔn-ido, ye eti ido, ye erinam akpanikɔ, ye ifure-ifure ido, ye mfara ke idem; baba ibet kiet ibiɔŋɔke oruk edu emi.

JAMES 1:21

Mmɔdo eduɔŋɔ kpukpru ndek-ndek ido ye nyɔhɔ-nsuhɔ udu, enyuŋ ebɔ ikɔ emi etɔde ke esit mbufo ke ododop, kpa ikɔ emi ekemede ndinyaŋa ukpɔŋ mbufo.

ŊWED MME PSALM 25:9

Enye eyenam mbon nsukidem esaŋa ke erinen: onyuŋ eteme mbon nsukidem usuŋ esiemɔ.

NUMBERS 12:3

Ndien Moses oro edi ata suŋ-suŋ owo, akan kpukpru owo emi edude ke iso ererimbot.

ŊWED MBON COLOSSAE 3:12

Nte mmɔ emi Abasi ekemekde, emi Abasi akanamde mmɔ esana onyuŋ amade, eda ndien esit mbɔm esine, ye mfɔn-ido, ye nsuk-idem, ye ifure-ifure ido, ye ime;

MATTHEW 11:29

Emen ɔkpɔnɔ Mi ekɔŋɔ ke itɔŋ mbufo, enyuŋ ekpebe Mi; koro mme-nyene ifure-ifure ido nnyuŋ nsuhɔre idem ke esit; ndien mbufo eyekut nduɔk-odudu enɔ ukpɔŋ mbufo.

ŊWED MBON EPHESUS 4:2

ke kpukpru nsuk-idem ye ifure-ifure ido, ye anyan ime;

1 PETER 3:15

edi eteŋe Christ ke esit mbufo nte Ɔbɔŋ. Kpukpru ini ebeŋe idem ndibɔrɔ kpukpru owo eke edibupde mbufo ntak idori-enyin emi mbufo enyenede; edi ekpeme ndibɔrɔ ke suŋ-suŋ ido ye ke ido uteŋe;

ZEPHANIAH 2:3

Mbufo kpukpru suŋ-suŋ mbio isɔŋ emi enamde ikpe esie, eyom Jehovah; mbufo eyom edinen ido, eyom suŋ-suŋ ido: mme mbufo eyedibe ke usen iyaresit Jehovah.

TITUS 3:2

Ekusuŋi baba owo kiet, ekunyuŋ edi mbon utɔk; edi etie ifure-ifure, enyuŋ ewut kpukpru owo suŋ-suŋ ido.

ŊWED MME PSALM 37:22

Koro mmɔ eke enye ɔdiɔŋde eda isɔŋ enyene: edi eyesibe mmɔ eke enye osuŋide efep.

ŊWED MME PSALM 37:9

Koro eyekpok mme idiɔk owo efep: edi mmɔ eke ebetde Jehovah eyeda isɔŋ enyene.

1 PETER 3:4

edi eda edisine-ŋkpɔ eke midibiarake, kpa suŋ-suŋ spirit eke enyenede iso but, ebana idem ke esit-esit uwem mbufo; koro oro edi se isɔŋde urua ke enyin Abasi.

ISAIAH 11:4

edi eyekpe ikpe mme ubuene esin ke edinen, onyuŋ ebiere ikɔ nte enende ɔnɔ suŋ-suŋ mbio isɔŋ: onyuŋ amia isɔŋ ke eto inua esie, onyuŋ owot mme idiɔk owo ke ibifik mkpɔk-inua esie.

ŊWED MME PSALM 25:13

Ukpɔŋ esie eyeduŋ ke mfɔn; ubon esie eyenyuŋ eda isɔŋ enyene.

1ŊWED TIMOTHY 6:11

Edi afo, O owo Abasi, fehe kpɔŋ mme ŋkpɔ emi; nyuŋ bine edinen ido, ye uteŋe Abasi, ye mbuɔtidem, ye ima, ye ime, ye nsuhɔre-esit.

ŊWED MME PSALM 69:32

Mbon nsukidem ekut enyuŋ edaresit: ndien yak esit mbufo emi eyomde Abasi, akam odu uwem.

ŊWED MME PSALM 37:29

Nti owo eyeda isɔŋ enyene, enyuŋ eduŋ ke esit ke nsinsi.

ŊWED MME PSALM 37:34

Bet Jehovah, nyuŋ nim ido esie, ndien enye eyemenere fi onim ke enyɔŋ, man ada isɔŋ enyene.

2 ŊWED TIMOTHY 2:25

enye onyuŋ enyene ndida ata nsuk-esit nnam mmɔ emi ebiɔŋɔde eneŋere esaŋa; mme eyeto do Abasi anam mmɔ ekabare esit enyene ifiɔk akpanikɔ,

ŊWED MBON ROME 4:13

Koro itoho ke ibet ke ekenɔ Abraham ye nditɔ esie uŋwɔŋɔ, ete enye edida ererimbot enyene, edi oto ke edinen ido eke mbuɔtidem adade edi.

ŊWED MME PSALM 147:6

Jehovah emenere mbon nsukesit onim ke enyɔŋ: emen mme idiɔk owo ɔduɔk ke isɔŋ.

MATTHEW 21:5

Mbufo edɔhɔ adiaha Zion, ete, Sese, Edidem fo ke edi ke ɔtɔ fo, Ɔsuhɔre idem, onyuŋ odoro ke ass, Ke abak ass, eyen uman ass.

ISAIAH 60:21

Ndien ikɔt fo kpukpru eyedi edinen; mmɔ eyenyene isɔŋ ke nsinsi, ŋkpɔ emi ntɔde, utom ubɔk mi, man nda ubɔŋ.

ISAIAH 61:1

SPIRIT Ɔbɔŋ Jehovah odoro mi: koro, Jehovah emeyet mi aran onim, man mbuk eti mbuk nnɔ mbon nsuk-esit; ɔmɔdɔŋ mi, ete mbɔp mmɔ eke esit mmɔ ɔbuŋɔde, ŋkwɔrɔ uwɔrɔ-ufin nnɔ mbuot ekɔŋ, ŋkwɔrɔ nsana-nyak nnɔ mmɔ eke ekɔbide;

ŊWED MME PSALM 22:26

Mbon nsukidem eyedia eyuhɔ: mmɔ eke eyomde Jehovah eyetoro Enye: yak esit mbufo odu uwem ke nsinsi.