MATTHEW 5:34 - Edisana ñwed Abasi Ibom

³⁴ Edi Ami ndɔhɔ mbufo nte, Ekutomo baba ŋkpɔ kiet; ekutomo heaven, koro heaven edi itie-ubɔŋ Abasi;

MATTHEW 5:34 Referans Kwoze

JAMES 5:12

Akpa-akpan, nditɔ-ete mi, ekutomo ŋkpɔ. Ekutomo enyɔŋ, mme isɔŋ mme baba ŋkpɔ efen.Edi yak Ih mbufo edi Ih, Ih mbufo onyuŋ edi Ih, mbak ikpe edibiom mbufo.

ISAIAH 66:1

NTEM ke Jehovah ɔdɔhɔ, ete, Enyɔŋ edi ebekpo mi, isɔŋ onyuŋ edi udorukot mi: nso ufɔk ke mbufo edibɔp enɔ mi? Nso ebiet ke mbufo edinim ke nduɔk-odudu mi ŋko?

ECCLESIASTES 9:2

Kpukpru ŋkpɔ ewɔrɔ kpukpru owo ukem-ukem: ŋkpɔ kiet ɔnɔmɔ nti owo, ye mme idiɔk owo, ye owo eke ɔfɔnde, ye ndisana, ye ndidehe, ye owo eke awade uwa, ye owo eke miwaha; nte eti owo etiede, kpa ntre ke idiɔk owo etie: owo eke otomode etie nte owo eke abakde eritomo.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

ŊWED MME PSALM 11:4

Jehovah odu ke edisana temple esie, ebekpo Jehovah odu ke enyɔŋ; enyin esie ese, mkpɔk eyin esie edomo nditɔ owo.

UTOM MME APOSTLE 7:49

Enyɔŋ edi ebekpo Mi, Isɔŋ onyuŋ edi udorukot Mi: Jehovah ete, nso oruk ufɔk ke mbufo edibɔp enɔ Mi? Mme nso ebiet ke mbufo edinim ke itie nduɔk-odudu Mi?