MATTHEW 5:3 - Edisana ñwed Abasi Ibom

³ Ɔfɔfɔn ɔnɔ mmɔ eke ebuenede ke spirit: koro Obio Ubɔŋ Heaven enyene mmɔ.

MATTHEW 5:3 Referans Kwoze

ISAIAH 66:2

Ndien Jehovah ɔdɔhɔ, ete, Ubɔk mi akanam kpukpru ŋkpɔ, ndien kpukpru mmɔ emi edu: ndien nyewuk enyin nse owo emi, kpa eyen ukut, emi esit onyuŋ ɔtuhɔde, emi onyuŋ enyekde abaŋa ikɔ mi.

MME ŊKE 29:23

Iseri owo eyesuhɔre enye: edi nsukesit eyeda ukpono.

ŊWED MME PSALM 34:18

Jehovah emekpere mmɔ eke esit ɔbuŋɔde mmɔ; onyuŋ anyaŋa mmɔ eke esit ɔduɔde.

MME ŊKE 16:19

Ɔfɔfɔn ndisuk esit ye mbon ukut, ŋkan ndideme mbume ye mbon iseri.

LUKE 18:14

Ndɔhɔ mbufo nte, owo emi ɔsuhɔre ɔnyɔŋ ufɔk enyene utebe-ikpe akan enye eken: koro kpukpru owo eke emenerede idem esie, ke eyesuhɔre enye enim; edi owo eke ɔsuhɔrede idem esie, ke eyemenere enye.

2 CHRONICLES 7:14

ndien edieke ikɔt mi emi esiode mmɔ enyiŋ mi, editukde idem mmɔ, enyuŋ ekpe mi ubɔk, enyuŋ eyom mi iso, enyuŋ ekabare ekpɔŋ mme idiɔk ido mmɔ; ndien ami nyetie ke enyɔŋ ŋkop, nnyuŋ ndahado ke mme idiɔk ido mmɔ, nnyuŋ nnam ufen okure ke isɔŋ mmɔ.

ŊWED MME PSALM 51:17

Mme uwa emem Abasi edi spirit eke ɔbuŋɔde: O Abasi, afo usinke edibuŋɔ ye edinuaha esit ke ndek.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

JAMES 2:5

Ekop, ndima nditɔ-ete mi; nte Abasi ikemekke mmɔ emi ebuenede ke ŋkpɔ ererimbot emi, ite mmɔ eforo ke mbuɔtidem, enyuŋ enyene Obio Ubɔŋ emi Enye ɔkɔŋwɔŋɔde ndinɔ mmɔ emi emade Enye?

ISAIAH 61:1

SPIRIT Ɔbɔŋ Jehovah odoro mi: koro, Jehovah emeyet mi aran onim, man mbuk eti mbuk nnɔ mbon nsuk-esit; ɔmɔdɔŋ mi, ete mbɔp mmɔ eke esit mmɔ ɔbuŋɔde, ŋkwɔrɔ uwɔrɔ-ufin nnɔ mbuot ekɔŋ, ŋkwɔrɔ nsana-nyak nnɔ mmɔ eke ekɔbide;

2 CHRONICLES 34:27

afo onyuŋ osukde idem fo ke iso Abasi, ke ini afo okokopde ikɔ esie emi abaŋade ebiet emi, ye mme andiduŋ ke esit, onyuŋ osukde idem fo ke iso mi, onyuŋ awaide edisine ŋkpɔ fo, onyuŋ atuade eyet ke iso mi; Jehovah ɔmɔdɔhɔ, ete,

MICAH 6:8

O owo, enye omowut fi se ifɔnde; ndien nso ke Jehovah oyom ye afo, ke mibɔhɔke ndinam se inende, nnyuŋ mma ima Abasi, nnyuŋ nsuk idem nsaŋa ye Abasi fo?

LUKE 11:28

Edi Enye ete, Akam ɔfɔn akan ye mmɔ emi ekopde ikɔ Abasi, enyuŋ ekpemede ndinam.

ŊWED MME PSALM 112:1

MBUFO etoro Jehovah. Ɔfɔfɔn ɔnɔ owo eke abakde Jehovah, adara mbet esie eti-eti.

ŊWED MME PSALM 1:1

ƆFƆFƆN ɔnɔ owo eke misaŋake ke item mme idiɔk owo, minyuŋ idaha ke usuŋ mme anam idiɔk minyuŋ itiehe ke itie mbon nsahi;

ŊWED JOB 42:6

Mmɔdo nsuade idem mi, nnyuŋ ntiede ke obu ye ntɔŋ ntua mkpɔfiɔk.

MATTHEW 11:25

Ke ini oro Jesus ɔbɔrɔ ete, Mmɔkɔm Fi, O Ete, Ɔbɔn enyɔŋ ye isɔŋ, koro Afo okodipde mbon eti ibuot ye mme asian mme ŋkpɔ emi, onyuŋ ayararede mmɔ ɔnɔ nsek nditɔ.

LUKE 4:18

Spirit Jehovah odoro Mi ke idem, Koro Enye emeyet Mi aran onim, ete, ŋkwɔrɔ eti mbuk nnɔ nditɔ-ubuene: Enye ɔmɔdɔŋ Mi, ete, ŋkwɔrɔ uwɔrɔ-ufin nnɔ mbuotekɔŋ, Nnyuŋ ŋkwɔrɔ erikut usuŋ nnɔ mme nnan, Nnyuŋ nsana mmɔ emi efikde nyak,

MARK 10:14

Edi ke ini Jesus okutde, Enye ayat esit, onyuŋ ete mbet Esie, Eyak ŋkpri nditɔ etiene Mi; ekukpan mmɔ: koro Obio Ubɔŋ Abasi edide eke oruk emi.

MATTHEW 13:16

Edi ɔfɔfɔn ɔnɔ enyin mbufo, koro mmɔ ekutde ŋkpɔ; onyuŋ ɔfɔfɔn ɔnɔ utɔŋ mbufo, koro mmɔ ekopde ikɔ.

ISAIAH 30:18

Ndien oto oro Jehovah eyebet, man atua mbufo mbɔm, oto oro nko Enye eyedaha ke enyɔŋ, man ɔfɔn ido ye mbufo: koro Jehovah edide Abasi edinen ido: ɔfɔfɔn ɔnɔ kpukpru mmɔ eke ebetde enye.

ŊWED MME PSALM 146:5

Ɔfɔfɔn ɔnɔ owo eke Abasi Jacob edide andiŋwam enye, eke odoride enyin ye Jehovah Abasi esie:

2 CHRONICLES 33:12

Ndien ke nnanenyin esie, enye ekpe Jehovah Abasi esie ubɔk, onyuŋ osuk idem esie eti-eti ke iso Jehovah Abasi mme ete esie,

ŊWED MME PSALM 41:1

ƆFƆFƆN ɔnɔ owo eke otimde ndinam ye eyen ubuene: Jehovah eyenam enye ɔbɔhɔ ke usen nnanenyin.

ŊWED MME PSALM 2:12

Etim Eyen inua, mbak Enye ediyat esit, ndien mbufo ebiara ke usuŋ, koro ke ini esisit iyaresit esie eyesak. Ɔfɔfɔn ɔnɔ kpukpru mmɔ eke ebuɔtde idem ye Enye.

2 CHRONICLES 33:23

enye inyuŋ isukke idem esie ke iso Jehovah, nte emi Manasseh ete esie okosukde idem: edi Amon ɔdɔdiɔŋ anam idiɔk aka iso.

JAMES 1:12

Ɔfɔn ye owo eke ɔsɔŋɔde ada ke idomo, koro ke ema ekedomo enye efiɔk ete ɔfɔn, eyenɔ enye anyanya uwem, emi Ɔbɔŋ ɔkɔ-ŋwɔŋɔde ndinɔ mmɔ emi emade Enye.

JOHN 20:29

Jesus ete enye, Sia ama okokut Mi, omonim ke akpanikɔ? Ɔfɔfɔn ɔnɔ mmɔ emi mikekwe, edi enimde ke akpanikɔ.

MATTHEW 24:46

Ɔfɔfɔn ɔnɔ asaŋutom oro ete-ufɔk esie edidide okut enye anamde ntre.

ŊWED MME PSALM 84:12

O Jehovah mme udim, ɔfɔfɔn ɔnɔ owo eke ɔbuɔtde idem esie ye afo.

DEUTERONOMY 8:2

Nyuŋ ti ofuri usuŋ emi Jehovah Abasi fo akadade fi asaŋa ke ofuri isua aba emi ke wilderness, man enye anam fi osuk idem, onyuŋ odomo fi ete, ifiɔk se idude fi ke esit, mme afo eyetiŋ enyin ke mme ewuhɔ imɔ, mme udutiŋke.

JAMES 1:10

koro nte ndiye ikɔŋ-ikɔt ke owo inyene eyebe efep.

MME ŊKE 8:32

Mbufo nditɔwɔŋ, ekop ndien uyo mi: ndien ɔfɔfɔn ye mmɔ eke ekpemede usuŋ mi.

2 CHRONICLES 33:19

Ama edi mkpeubɔk esie ŋko, ye nte Jehovah okopde uyo esie, ye kpukpru mme idiɔk ido esie, ye eridue esie, ye ɔtɔ oro enye ɔkɔbɔpde edikoŋ ebiet ke esit, onyuŋ owukde eto-mkpe, ye edisɔi mbiet, ke ini enye mika-isukke idem; sese, ewet mmɔ esin ke ikɔ mbon-ŋkukut.

ERIYARARE 22:14

Ɔfɔfɔn ɔnɔ mmɔ eke eyetde ɔfɔŋidem mmɔ asana, man mmɔ ekpenyene unen ndisim eto uwem, ekpenyuŋ ebe ke inua-otop eduk ke esit obio.

ERIYARARE 19:9

Angel onyuŋ ɔdɔhɔ mi ete, Ɔfɔnfɔn ɔnɔ mmɔ emi ekekotde edi udia ndɔ Eyen-erɔŋ. Enye onyuŋ ɔdɔhɔ mi ete, Ikɔ emi edi ata ikɔ Abasi.

MATTHEW 25:34

Ekem Edidem eyedɔhɔ mmɔ emi edude ke ubɔk nnasia, ete, Edi, mbufo emi Ete Mi ɔdiɔŋde, edida ubɔŋ emi ekonimde enɔ mbufo toto ke eritɔŋɔ ererimbot.

ŊWED MME PSALM 128:1

ƆFƆFƆN ɔnɔ kpukpru owo eke ebakde Jehovah; eke esaŋade ke usuŋ esie.

MATTHEW 11:6

Ndien ɔfɔfɔn ye owo ekededi eke midikwe ntak iduɔ ye Ami.

MATTHEW 8:11

Edi ndɔhɔ mbufo nte, Ediwak owo eyeto ke edem usiaha-utin ye edem usop-utin, edisuhɔre etetie ye Abraham, ye Isaac, ye Jacob, ke Obio Ubɔŋ Heaven:

MATTHEW 3:2

Mbufo ekabare esit; koro Ubɔŋ Heaven ke ekpere.

MATTHEW 19:14

Edi Jesus ɔdɔhɔ mmɔ ete, Eyak ŋkpri nditɔ, ekukpan mmɔ nditiene Mi; koro Obio Ubɔŋ Heaven edide eke oruk emi.

LUKE 22:29

kpa nte Ete Mi okonimde Obio Ubɔŋ ɔnɔ Mi,

LUKE 22:30

kpasuk ntre ke Ami nnyuŋ nnim nnɔ mbufo nte edia ŋkpɔ enyuŋ eŋwɔŋ ŋkpɔ ke okpokoro Mi ke Obio Ubɔŋ Mi; mbufo eyenyuŋ etie ke ebekpo ekpe ikpe enɔ mme esien Israel duopeba.

ERIYARARE 3:17

Koro ɔdɔhɔde ete, Mmenyene inyene, mmonyuŋ ŋkɔ inyene, nnyuŋ nnanake ŋkpɔ; ndien udiɔŋɔke ete idi ata nditaha owo, emi enyenede mbɔm, inyuŋ ibuene, inyuŋ idɔŋɔ nnan, inyuŋ inana edisine-ŋkpɔ;