MATTHEW 5:26 - Edisana ñwed Abasi Ibom

²⁶ Ke akpanikɔ ke ndɔhɔ fi, Uduwɔrɔke do, tutu osio akpatre okuk isɔn fo.

MATTHEW 5:26 Referans Kwoze

MATTHEW 18:34

Ndien ete esie ayat esit ye enye, onyuŋ ayak enye esin ke ubɔk mme andituhɔre owo, tutu enye osio kpukpru se enye akamade.

LUKE 12:59

Ndɔhɔ fi nte, uduwɔrɔke do, tutu osio akpatre okuk isɔn fo.

JAMES 2:13

Koro ikpe minyeneke mbɔm ye owo emi mikatuaha owo mbɔm; edi mbɔm obure mbure akan ikpe.

2 ŊWED THESSALONICA 1:9

emi edidianarede ke iso Ɔbɔŋ ye ke iso ubɔŋ odudu Esie,

LUKE 16:26

Akan oro, akamba ukpe odu ke ufɔt nnyin ye mbufo, man mmɔ eke eyomde ndito mi ntiene mbufo ekukeme, owo okunyuŋ ekeme ndito do ndi mi.

MATTHEW 25:46

Ekem mmɔ oro eyedaha ekoduk ke nsinsi ufen; edi ndinen owo eyeduk ke nsinsi uwem.

MATTHEW 25:41

Ekem Enye eyedɔhɔ mmɔ emi edude ke ubɔk ufien, ete, Edianare Mi, mbufo emi edide mbon nsobo, ekoduk ke nsinsi ikaŋ, emi ekonimde enɔ Satan ye mme angel esie.

MATTHEW 10:29

Nte inyamke ŋkpri inuen iba ke obubit okuk kiet? ndien baba mmɔ kiet iduɔhɔ ke isɔŋ ke mitoho Ete mbufo:

MARK 12:42

Edi ubuene ebe-akpa kiet edi, esin ŋkpri okudɔk iba, eke edide farthing kiet.

LUKE 12:58

Ke ini afo asaŋade ye owo-utɔk fo aka ke iso ebierikpe, ŋwana eti-eti ndinam emem ye enye ke usuŋ; mbak enye edidudi fi aka ke iso ebierikpe, ebierikpe onyuŋ ayak fi iɔnɔ isuŋutom, isuŋutom onyuŋ esin fi ke ufɔk-ŋkpɔkɔbi.