MATTHEW 5:18 - Edisana ñwed Abasi Ibom

¹⁸ Koro ke akpanikɔ ke ndɔhɔ mbufo, Tutu enyɔŋ ye isɔŋ ebe efep, baba ntɔi kiet mme ekpri ŋkpɔ kiet idibehe ifep ke ibet, tutu kpukpru ŋkpɔ esu.

MATTHEW 5:18 Referans Kwoze

LUKE 16:17

Emem enyɔŋ ye isɔŋ ndibe mfep akan ekpri ntɔi kiet ke ibet nditre ndisu.

ISAIAH 40:8

Mbiet amasat, ediye ikɔŋ onyuŋ akpa: edi ikɔ Abasi nnyin eyeda ke nsinsi.

1 PETER 1:25

Edi ikɔ Abasi eyebigi ke nsinsi. Emi onyuŋ edi ikɔ gospel emi ekɔkwɔrɔde enɔ mbufo.

MARK 13:30

Ke akpanikɔ ke ndɔhɔ mbufo, emana emi idibehe ifep tutu kpukpru ŋkpɔ emi ewɔrɔ esu.

ISAIAH 51:6

Mbufo emenere enyin mbufo ke enyɔŋ, enyuŋ ese isɔŋ ke idak; koro enyɔŋ eyesuana nte nsuŋikaŋ, isɔŋ eyenyuŋ ataha nte ɔfɔŋidem, ndien mme andiduŋ enye eyekpaŋa ŋko kpasuk ntre: edi erinyaŋa mi eyebigi ke nsinsi, eti ido mi idinyuŋ inuahake.

ERIYARARE 20:11

Ekem ŋkut akamba afia ebekpo, ye Enye emi etiede ke esit, emi isɔŋ ye ikpa-enyɔŋ efeŋede ekpɔŋ iso Esie, inyuŋ ikwe ufaŋ inɔ mmɔ aba.

ŊWED MME PSALM 102:26

Mmɔ eyesobo, edi afo eyebigi; ndien kpukpru mmɔ eyetaha nte ɔfɔŋidem; afo eyekpuhɔ mmɔ nte ekura, ndien mmɔ eyekpuhɔ:

JOHN 5:19

Ntre ke Jesus ɔbɔrɔ mmɔ ete, Ke akpanikɔ ke ndɔhɔ mbufo, Eyen ikemeke ndinam baba ŋkpɔ kiet ke Idem Esie, ke mibɔhɔke se okutde nte Ete anamde; koro ŋkpɔ ekededi eke Ete anamde, kpa oro ŋko ke Eyen onyuŋ etiene anam.

MATTHEW 17:20

Edi Enye ɔdɔhɔ mmɔ ete, Oto ke ntak ekpri mbuɔtidem mbufo.

MATTHEW 16:28

Ke akpanikɔ ke ndɔhɔ mbufo nte, ndusuk owo edu ke otu mmɔ emi edade mi, emi miditabike mkpa, tutu mmɔ ekut Eyen Owo edide ndida ubɔŋ.

MATTHEW 13:17

Ke akpanikɔ ke ndɔhɔ mbufo nte, ediwak mme prophet ye ndinen owo ema eyom ndikut mme ŋkpɔ eke mbufo ekutde, ndien ikekwe; ndiyuŋ ŋkop mme ŋkpɔ eke mbufo ekopde, ndien ikokopke.

MATTHEW 10:23

Edi ke ini mmɔ ekɔbɔde mbufo ke obio emi, efehe eduk ke obio efen: koro ke akpanikɔ ke ndɔhɔ mbufo, nte, Ke mbufo mika-isaŋake ke kpukpru mme obio Israel ibe kaŋa, Eyen Owo eyedi.

MATTHEW 6:2

Mmɔdo ke ini ɔnɔde eyen ubuene ŋkpɔ, kutaŋ ese, nte mbio mbubik enamde ke mme synagogue ye mme efak, ete owo ekpono mme imɔ. Ke akpanikɔ ke ndɔhɔ mbufo, Mmɔ ema ebɔ utip mmɔ.

MATTHEW 5:26

Ke akpanikɔ ke ndɔhɔ fi, Uduwɔrɔke do, tutu osio akpatre okuk isɔn fo.

ŊWED MME PSALM 119:152

Anyan ini oko ŋkada ikɔ ntiense fo mfiɔk, nte ke afo anam mmɔ etie ke nsinsi.

JOHN 21:18

Ke akpanikɔ ke ndɔhɔ fi, ke ini edide akparawa, afo akam esibɔbɔ mbɔbɔ, asaŋa aka ɔtɔ nte amade: edi ke ini edisɔŋde, eyenyanare ubɔk fo, ndien owo eŋwen eyebɔp fi mbɔbɔ, onyuŋ ada fi aka ɔtɔ nte mudumaŋa ndika.

JOHN 16:23

Ekem ke usen oro mbufo idibupke Mi baba ŋkpɔ kiet. Ke akpanikɔ ke ndɔhɔ mbufo, ŋkpɔ ekededi eke edibeŋede Ete, Enye eyenɔ mbufo ke enyiŋ Mi.

JOHN 16:20

Ke akpanikɔ ke ndɔhɔ mbufo nte, mbufo eyetuaŋa enyuŋ eseme, edi ererimbot eyedara: mbufo eyefuhɔ, edi mfuhɔ mbufo eyekabare edi idara.

JOHN 14:12

Ke akpanikɔ ke ndɔhɔ mbufo, Owo eke ɔbuɔtde idem ye ami eyenyuŋ anam utom eke Ami nnamde; enye eyenyuŋ anam utom eke okponde akan oro: sia Ami nnyɔŋde ntiene Ete.

JOHN 13:38

Nyeyak uwem mi nduɔk kabaŋa Fi. Jesus ɔbɔrɔ enye ete, Nte eyeyak uwem fo ɔduɔk kabaŋa Mi? Ke akpanikɔ ke ndɔhɔ fi, Ekikɔ idikpɔkke tutu afo akaŋ Mi utim ikata.

JOHN 13:16

Ke akpanikɔ ke ndɔhɔ mbufo, asaŋutom ikponke ikan ete-ufɔk, isuŋutom inyuŋ ikponke ikan andidɔŋ enye utom.

JOHN 12:24

Ke akpanikɔ ke ndɔhɔ mbufo, Adaŋa nte mkpasip ibokpot miduɔhɔ isine ke esit isɔŋ ikpa, enye osuk odu ke idem esie ikpɔŋ; edi enye ama akpa, oŋwum ekese mfri.

JOHN 10:7

Mmɔdo Jesus ɔtɔŋɔ ntak ɔdɔhɔ mmɔ ete, ke akpanikɔ ke ndɔhɔ mbufo, Ami ndi inua-otop erɔŋ.

JOHN 10:1

KE akpanikɔ ke ndɔhɔ mbufo, Owo eke misaŋake ibe inua-otop iduk ke ufɔk-erɔŋ, edi ɔdɔkde ke usuŋ efen oduk, owo oro edi inɔ ye owo ŋwo.

JOHN 8:58

Jesus ɔbɔrɔ mmɔ ete, Ke akpanikɔ ke ndɔhɔ mbufo nte, Ami ndudu ndien Abraham edimana.

JOHN 8:51

Ke akpanikɔ ke ndɔhɔ mbufo, Edieke owo onimde ikɔ Mi, enye idikpaha mkpa ke nsinsi.

JOHN 8:34

Jesus ɔbɔrɔ mmɔ ete, Ke akpanikɔ ke ndɔhɔ mbufo, kpukpru owo eke anamde idiɔk-ŋkpɔ edi ofin idiɔk-ŋkpɔ.

JOHN 6:53

Jesus ɔbɔrɔ mmɔ ete, Ke akpanikɔ ke ndɔhɔ mbufo, Edieke mbufo midiaha obukidem Eyen owo, minyuŋ iŋwɔŋke iyip Esie, mbufo inyeneke uwem ke esit mbufo.

JOHN 6:47

Ke akpanikɔ ke ndɔhɔ mbufo, Owo eke onimde ke akpanikɔ enyene nsinsi uwem.

JOHN 6:32

Mmɔdo Jesus ɔbɔrɔ mmɔ ete, Ke akpanikɔ ke ndɔhɔ mbufo, Idige Moses ɔkɔnɔ mbufo uyo emi otode ke heaven, edi Ete Mi ɔnɔ mbufo ata uyo emi otode ke heaven.

JOHN 6:26

Jesus ɔbɔrɔ mmɔ ete, Ke akpanikɔ ke ndɔhɔ mbufo, mbufo iyomke Mi koro mbufo ekekutde mme idiɔŋɔ, edi eyom Mi koro mbufo ekadiade uyo eyuhɔ.

JOHN 3:11

Ke akpanikɔ ke ndɔhɔ fi, nnyin itiŋ se ifiɔkde inyuŋ itie ntiense ibaŋa se ikokutde; edi mbufo ibɔhɔ ikɔ ntiense nnyin.

JOHN 3:5

Ke akpanikɔ ke ndɔhɔ fi nte, Edieke owo mimanake oto ke mmɔŋ ye Spirit, enye ikemeke ndiduk ke Obio Ubɔŋ Abasi.

JOHN 3:3

Jesus ɔbɔrɔ enye ete, ke akpanikɔ ke ndɔhɔ fi nte, Edieke owo mitɔŋɔke ntak imana, enye ikemeke ndikut Obio Ubɔŋ Abasi.

JOHN 1:51

Jesus onyuŋ ɔdɔhɔ enye ete, Ke akpanikɔ ke ndɔhɔ mbufo nte, Mbufo eyekut nte enyɔŋ ɔkibɔrede, ye nte mme angel Abasi edɔdɔk esɔsuhɔre edore Eyen Owo ke idem.

LUKE 23:43

Ndien Jesus ɔbɔrɔ enye ete, Ke akpanikɔ ke ndɔhɔ fi, mfin emi afo eyedu ye Ami ke Paradise.

LUKE 18:29

Edi Jesus ɔdɔhɔ mmɔ ete, ke akpanikɔ ke ndɔhɔ mbufo baba owo kiet iduhe, emi ɔkɔkpɔŋde ufɔk, mme ŋwan, mme nditɔ-eka,

LUKE 18:17

Ke akpanikɔ ke ndɔhɔ mbufo nte, Owo ekededi eke midibɔhɔ Obio Ubɔŋ Abasi nte ekpri eyen ididukke duk ke esit.

LUKE 13:35

Sese, eyak ufɔk mbufo ekpɔŋ enɔ mbufo; edi ndɔhɔ mbufo nte, Mbufo idikwe Mi, tutu osim ini eke mbufo edidɔhɔde ete, Itoro enyene Enye emi edide ke enyiŋ Jehovah.

LUKE 12:37

Ɔfɔfɔn ɔnɔ mme asaŋutom emi ete mmɔ edidide okut mmɔ etiede ekpeme; ke akpanikɔ ke ndɔhɔ mbufo nte, enye ke idem esie eyefak ɔfɔŋ, anam mmɔ etetie ke okpokoro udia, onyuŋ ada mbet ɔnɔ mmɔ.

LUKE 11:51

ɔtɔŋɔde ke iyip Abel tutu osim iyip Zechariah, emi ekowotde ke ufɔt itie-uwa ye esit-esit Ufɔk Abasi: ke akpanikɔ ke ndɔhɔ mbufo, eyekpak iyip mmɔ ke ubɔk emana emi.

MARK 14:30

Edi Jesus ɔdɔhɔ enye ete, Ke akpanikɔ ke ndɔhɔ fi nte, Mfin emi, kpa ke okoneyo emi, ke ini ekikɔ mikpɔkke kaŋa utim ikaba, afo eyekaŋ Mi utim ikata.

MARK 14:25

Ke akpanikɔ ke ndɔhɔ mbufo, ndiŋwɔŋke aba mfri vine, tutu osim usen oro ndiŋwɔŋde enye obufa ke Obio Ubɔŋ Abasi.

MARK 14:18

Ndien nte mmɔ etiede edia ŋkpɔ, Jesus ete, Ke akpanikɔ ke ndɔhɔ mbufo, owo kiet ke otu mbufo eyeda Mi ɔnɔ kpa owo eke adiade ŋkpɔ ye Ami.

MARK 14:9

Ke akpanikɔ ke ndɔhɔ mbufo, Ebiet ekededi eke edikwɔrɔde gospel ke ofuri ererimbot, eyenyuŋ etiŋ se ŋwan emi akanamde, ndida nti enye.

MARK 12:43

Ndien Enye okot mbet Esie edi, onyuŋ ɔdɔhɔ mmɔ ete, Ke akpanikɔ ke ndɔhɔ mbufo nte, Ubuene ebe-akpa emi ama esin akan kpukpru mmɔ emi ekesinde okuk ke usin-etibe.

MARK 11:23

Ke akpanikɔ ke ndɔhɔ mbufo, owo ekededi eke edidɔhɔde akamba obot emi ete, Wuhɔre, kɔduɔ sine ke akwa inyaŋ; midinyuŋ iyikke ke esit esie, edi onimde ke akpanikɔ ete se imɔ itiŋde eyesu, eyewɔrɔ ɔnɔ enye.

MARK 10:29

Jesus ɔdɔhɔ ete, Ke akpanikɔ ke ndɔhɔ mbufo, baba owo kiet iduhe, eke ɔkɔkpɔŋde ufɔk, me nditɔ-eka iren, me nditɔ-eka iban, mme eka, mme ete, me nditɔ,

MARK 10:15

Ke akpanikɔ ke ndɔhɔ mbufo, Owo ekededi eke midibɔhɔ Obio Ubɔŋ Abasi nte ekpri eyen, ididukke duk ke esit.

MARK 9:41

Koro owo ekededi eke edinɔde mbufo cup mmɔŋ eŋwɔŋ ke ntak enyiŋ Mi, koro mbufo enyenede Christ, ke akpanikɔ ke ndɔhɔ mbufo, enye iditreke tre ndibɔ utip esie.

MARK 9:1

NDIEN Enye ete mmɔ, Ke akpanikɔ ke ndɔhɔ mbufo Ndusuk owo edu ke otu mmɔ emi edade mi, emi miditabike mkpa tutu mmɔ ekut Ubɔŋ Abasi nte edide ke odudu.

MARK 8:12

Edi Enye omum mmum ɔkpɔsɔŋ ke spirit, onyuŋ ɔdɔhɔ ete, Nsinam emana emi eyomde idiɔŋɔ? Ke akpanikɔ ke ndɔhɔ mbufo, Idinɔŋɔ emana emi baba idiɔŋɔ kiet.

MARK 6:11

Ndien ebiet ekededi eke midinyimeke ndidara mbufo, minyuŋ ikopke uyo mbufo, nte mbufo ewɔŋɔde do, ekeŋ ntan ikpat mbufo enɔ mmɔ nte ŋkpɔ ntiense.

MARK 3:28

Ke akpanikɔ ke ndɔhɔ mbufo nte, Eyefen nditɔ owo kpukpru ndudue mmɔ ye ikɔ-isuŋi ekededi eke mmɔ etiŋde:

MATTHEW 25:45

Edi Enye eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo mikanamke ŋkpɔ emi inɔ kiet ke otu ata ŋkpri emi, mbufo inamke inɔ Mi.

MATTHEW 25:40

Ndien Edidem eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo ekanamde ŋkpɔ emi enɔ kiet ke otu nditɔ-ete Mi, kpa ata ŋkpri emi, mbufo ekanam enɔ Mi.

MATTHEW 25:12

Edi enye ɔbɔrɔ ete, Ke akpanikɔ ke ndɔhɔ mbufo, Ndiɔŋɔke mbufo.

MATTHEW 24:47

Ke akpanikɔ ke ndɔhɔ mbufo nte, ete-ufɔk esie eyenam enye edi andikara kpukpru se enye enyenede.

MATTHEW 24:2

Edi Enye ɔbɔrɔ mmɔ ete, Nte mbufo ikwe kpukpru ŋkpɔ emi? Ke akpanikɔ ke ndɔhɔ mbufo, Idikpɔŋke itiat kiet ke enyɔŋ itiat efen eke mididorokere enye iduɔk.

MATTHEW 23:36

Ke akpanikɔ ke ndɔhɔ mbufo, kpukpru ŋkpɔ emi eyesim emana emi.

MATTHEW 21:31

Anie ke otu mmɔ mbiba anam se ete esie oyomde? Mmɔ ete, Udɔ. Jesus ɔdɔhɔ mmɔ ete, Ke akpanikɔ ke ndɔhɔ mbufo nte, mme publican ye mme akpara ebem mbufo iso eduk ke Obio Ubɔŋ Abasi.

MATTHEW 21:21

Edi Jesus ɔbɔrɔ mmɔ ete, Ke akpanikɔ ke ndɔhɔ mbufo, edieke mbufo enyenede mbuɔtidem, minyuŋ iyikke, idige se enamde ye eto fig emi ikpɔŋ ke mbufo edinam, edi edieke mbufo edɔhɔde kpa obot emi ete, Wuhɔre, kɔduɔ sine ke akwa inyaŋ, eyewɔrɔ osu.

MATTHEW 19:28

Edi Jesus ɔdɔhɔ mmɔ ete, Ke akpanikɔ ke ndɔhɔ mbufo nte, ke ini edinamde ŋkpɔ ekabare edi mbufa, ke adaŋemi Eyen Owo editiede ke ebekpo ubɔŋ Esie, mbufo, emi eketienede Mi, eyenyuŋ etie ke ebekpo duopeba, ekpe ikpe enɔ esien Israel duopeba.

MATTHEW 19:23

Edi Jesus ɔdɔhɔ mbet Esie ete, Ke akpanikɔ ke ndɔhɔ mbufo, ɔsɔŋ owo inyene ndiduk ke Obio Ubɔŋ Heaven.

MATTHEW 18:18

Ke akpanikɔ ke ndɔhɔ mbufo nte ŋkpɔ ekededi eke mbufo edibɔpde ke isɔŋ, eyebɔp ke heaven; ŋkpɔ ekededi eke mbufo edinyuŋ etatde ke isɔŋ, eyetat ke heaven.

MATTHEW 18:3

ete, Ke akpanikɔ ke ndɔhɔ mbufo, ibɔhɔke mbufo ewɔŋɔre ekabare etie nte ŋkpri nitɔwɔŋ, mbufo ididukke ke Obio Ubɔŋ Heaven.

MATTHEW 11:11

Ke akpanikɔ ke ndɔhɔ mbufo, Ke otu mmɔ eke iban emande, akananam owo idahake ida emi okponde akan John baptist: edi owo emi ekpride akan ke Obio Ubɔŋ Heaven okpon akan enye.

MATTHEW 10:42

Ndien owo ekededi eke edidade cup mbit-mbit mmɔŋ ɔnɔ kiet ke otu ŋkpri owo emi ɔŋwɔŋ ke enyiŋ mbet Mi, ke akpanikɔ ke ndɔhɔ mbufo, enye iditreketre ndibɔ utip esie.

MATTHEW 10:15

Ke akpanikɔ ke ndɔhɔ mbufo, Ŋkpɔ eyefɔn ye isɔŋ Sodom ye Gomorrah ke usen ikpe akan ye obio oro.

MATTHEW 8:10

Ke adaŋemi Jesus okopde ikɔ emi, enyene Enye nyɔ; Enye onyuŋ ɔdɔhɔ mmɔ emi etienede Enye, ete, ke akpanikɔ ke ndɔhɔ mbufo, akanam ŋkwe mbuɔtidem eke okponde ntem, kpa ke Israel.

MATTHEW 6:16

Edi ke ini mbufo etrede udia, ekunim iso mfuhɔ-mfuhɔ, nte mbio mbubik enamde; koro mmɔ ekpuhɔre iso mmɔ, man owo ekut ete mmɔ ke etre udia. Ke akpanikɔ ke ndɔhɔ mbufo, Mmɔ ema ebɔ utip mmɔ.

LUKE 4:24

Edi Enye ete, Edi akpanikɔ ke ndɔhɔ mbufo nte, Owo idaha baba prophet kiet ke ŋkpɔ ke isɔŋ emana esie.

ŊWED MME PSALM 111:8

Mmɔ esɔŋ eda ke nsinsi, enyuŋ enam mmɔ ke akpanikɔ ye edinen ido.

ISAIAH 44:26

edi enye ɔsɔŋɔ owuk ikɔ owo esie, onyuŋ anam item mme isuŋutom esie ɔwɔrɔ; emi ɔdɔhɔde Jerusalem, ete, Eyeduŋ enye ke esit; ɔdɔhɔ mme obio Judah, ete, Eyebɔp mmɔ, ami nyenyuŋ ndiɔŋ ŋwure esie: