MATTHEW 5:14 - Edisana ñwed Abasi Ibom

¹⁴ Mbufo edi uŋwana ererimbot. Obio eke ebɔpde ke enyɔŋ obot ikemeke ndidibe.

MATTHEW 5:14 Referans Kwoze

ŊWED MBON PHILIPPI 2:15

man mbufo ekunyene ubiom-ikpe, ekunyuŋ enyene ndudue, edi edi nditɔ Abasi eke enanade ndo ke ufɔt ŋkwakwaŋa ye idiɔk emana; emi mbufo ke eyayama ke otu mmɔ nte ntantafiɔŋ ke ererimbot,

JOHN 8:12

Ntre ke Jesus ɔtɔŋɔ ntak etiŋ ɔnɔ mmɔ, ete, Ami ndi uŋwana ererimbot; owo eke etienede Mi idisaŋake ke ekim, edi eyenyene uŋwana uwem.

1 ŊWED THESSALONICA 5:5

koro kpukpru mbufo edi nditɔ uŋwana ye nditɔ uwemeyo: nnyin idige mbon okoneyo inyuŋ idige mbon ekim.

MME ŊKE 4:18

Edi usuŋ nti owo ebiet uŋwana eke asiahade, aka iso ayama, tutu osim ufɔt uwemeyo.

JOHN 12:36

Ke ini mbufo enyenede uŋwana, ebuɔt idem ye uŋwana, man mbufo ekabare edi nditɔ uŋwana. Jesus eketiŋ ŋkpɔ emi, onyuŋ adaha okodibe mmɔ.

2 ŊWED CORINTH 6:14

Ekubɔp idem utiŋe-utiŋe ye mmɔ eke minimke ke akpanikɔ.

JOHN 5:35

John ekedi utuenikaŋ emi asakde onyiuŋ ayamade; mbufo ema enyuŋ enyime ndidara ke uŋwana esie ke ekpri ibio ini.

ERIYARARE 1:20

ndibe-ŋkpɔ emi odude ke ntantafiɔŋ itiaba oro okutde Mi ke ubɔk nnasia, ye udiɔk-utuen-ikaŋ o-gold itiaba oro. Ntantafiɔŋ itiaba oro edi mme angel ufɔk Abasi mbitiaba: udiɔk-utuenikaŋ itiaba enyuŋ edi ufɔk Abasi mbitiaba.

JOHN 9:5

Adaŋa ini nte ndodu ke ererimbot, ndi uŋwana ererimbot.

ERIYARARE 2:5

Mmɔdo ti itie emi ɔkɔduɔde ɔkpɔŋ, nyuŋ kabare esit, nyuŋ nam se akanamde ke akpa; midige ntre, mmɔŋ ndi ke ɔtɔ fo, nyenyuŋ mmen udiɔk-utuenikaŋ mfep ke itie esie, ke afo mukabakere esit.

EZEKIEL 5:5

Ntem ke Jehovah ɔdɔhɔ, ete, Emi edi Jerusalem: mma ndiɔk enye ke ufɔt mme idut, ndien mme obio ekan enye ekuk.