MATTHEW 5:12 - Edisana ñwed Abasi Ibom

¹² Edaresit, edara eti-eti: koro utip mbufo ke Heaven omokpon: koro kpa ntre ke mmɔ ekanam mme prophet emi ebemde mbufo iso edu isin enyin.

MATTHEW 5:12 Referans Kwoze

LUKE 6:23

Edara ke usen oro, enyuŋ efrɔ ke idaresit: koro, sese, utip mbufo ke heaven omokpon; koro mme ete mmɔ ekenam kpasuk ntre ye mme prophet.

JAMES 1:2

Enim ete edi ŋkpɔ ɔyɔhɔ idaresit, nditɔ-ete mi, ke ini nsio-nsio idomo esimde mbufo;

ŊWED MBON COLOSSAE 3:24

sia mbufo efiɔkde ete iyebɔ Ɔbɔŋ udeme nte utip mbufo. Mbufo enam utom enɔ Christ Ɔbɔŋ.

1 PETER 4:13

Edi adaŋa nte mbufo ebuanade ke ndutuhɔ Christ, ekam edara; man mbufo ekpenyuŋ edat esit eti-eti ke adaŋemi ediyararede ubɔŋ Esie.

ŊWED MBON COLOSSAE 1:24

Ke emi mmedat esit ke ndutuhɔ eke ŋkutde kabaŋa mbufo, nnyuŋ nnam se isuhɔde ke ukut Christ ɔyɔhɔ ke obukidem mi, man ɔfɔn ye idem Esie, oro edi ufɔk Abasi:

ŊWED MBON ROME 5:3

Akan oro, edi nnyin imobure mbure ke ukut nnyin ŋko, sia ifiɔkde ite ukut ɔwɔrɔ ime;

RUTH 2:12

Jehovah osuk ɔnɔ fi usiene utom fo, Jehovah Abasi Israel emi afo edide ndibuɔt idem fo ke idak mba esie, osuk ɔnɔ fi ofuri ŋkpɔ eyen-utom fo ŋko.

ŊWED MME PSALM 58:11

Ndien owo eyedɔhɔ, ete, Kakpan ndinen owo edia mfri: kakpan Abasi eke ekpede ikpe ke ererimbot, omodu.

ISAIAH 3:10

Mbufo edɔhɔ edinen owo, ete, Ke ɔfɔn: koro mmɔ eyedia mfri ido mmɔ.

MME ŊKE 11:18

Idiɔk owo anam utom ikpikpu: edi owo eke ɔtɔde eti ido itreke ndidia utip.

2 CHRONICLES 36:16

edi mmɔ esak mme isuŋ-utom Abasi, enyuŋ esin ikɔ esie ke ndek, enyuŋ esuŋi mme prophet esie, tutu Jehovah obumere iyaresit ye ikɔt esie, tutu inyeneke erikure.

MATTHEW 16:27

Koro Eyen Owo ɔmɔŋ edidi ke ubɔŋ Ete Esie ye mme angel Esie, ndien ke ini oro Enye eyenɔ owo kiet kiet nte utom esie edide.

MME HEBREW 11:6

edi ke mbuɔtidem miduhe, owo ikemeke ndinem Abasi esit; koro owo eke asaŋade ekpere Abasi enyene ndinim ete Enye odudu, onyuŋ edi Andinɔ mmɔ emi eyomde Enye utip.

1 ŊWED THESSALONICA 2:15

emi ekewotde Ɔbɔŋ Jesus ye mme prophet, enyuŋ ekɔbɔde nnyin, minyuŋ inemke Abasi esit,

ŊWED MBON PHILIPPI 2:17

Edi edieke eŋwaŋade mi eduɔk ke enyɔŋ uwa eke mbuɔtidem mbufo adade ɔsɔk Abasi, ndat esit nnyuŋ ntiene kpukpru mbufo ndara;

1 NDIDEM 18:13

Nte iketiŋkde inɔ ɔbɔŋ mi se ŋkanamde ke ini Jezebel okowotde mme prophet Jehovah, nte ŋkadade mme prophet Jehovah ndip owo ikie, aba ye duop, aba ye duop, ke aba itiat, nnyuŋ mbɔk mmɔ ke uyo ye mmɔŋ?

2 ŊWED CORINTH 4:17

Koro mfefere ukut nnyin, emi midibigike bigi, ɔdɔdiɔŋ anam nnyin inyene nsinsi ubɔŋ, eke okponde odobi;

UTOM MME APOSTLE 5:41

Ntre ke mmɔ oro ewɔrɔ ekpɔŋ esop, edara koro ebatde ete mmɔ emedot ndibɔ esuene kabaŋa enyiŋ Jesus.

MATTHEW 6:16

Edi ke ini mbufo etrede udia, ekunim iso mfuhɔ-mfuhɔ, nte mbio mbubik enamde; koro mmɔ ekpuhɔre iso mmɔ, man owo ekut ete mmɔ ke etre udia. Ke akpanikɔ ke ndɔhɔ mbufo, Mmɔ ema ebɔ utip mmɔ.

1 ŊWED CORINTH 3:8

Ntem ke anditɔ ye andibɔk ke mmɔŋ edi ukem-ukem; mmɔ kiet kiet eyenyuŋ ebɔ utip mmɔ, nte ekemde ye utom mmɔ.

LUKE 6:35

Edi ema mme asua mbufo, enyuŋ enam ufɔn enɔ mmɔ, enyuŋ ebuɔt, ekudori-enyin ndifiak mbɔ; ndien utip mbufo eyekpon: mbufo eyenyuŋ edi nditɔ Andikoŋ-ŋkan: koro Enye ɔfɔnde ido kpa ye mmɔ eke mikɔmke Enye ye mme idiɔk owo.

GENESIS 15:1

KE ŋkpɔ emi ema ekebe, ikɔ Jehovah osim Abram ke ŋkukut, ete, Kufehe ndik, Abram: Ami ndi otu ekɔŋ fo, utip fo awak eti-eti.

NEHEMIAH 9:26

Ekem mmɔ emiom, emiom, enyuŋ esɔŋ ibuot ye afo, enyuŋ emen ewuhɔ fo eduɔk ke edem mmɔ, enyuŋ ewot mme prophet fo oro ekesuade enɔ mmɔ, ete ida mmɔ ifiak isɔk fi, mmɔ enyuŋ enam ikpɔ ŋkpɔ but.

UTOM MME APOSTLE 16:25

Edi ke ufɔt okoneyo Paul ye Silas ebɔŋ akam enyuŋ ekwɔ ikwɔ enɔ Abasi, mbon-ŋkpɔkɔbi enyuŋ ekop;

LUKE 13:34

O Jerusalem, Jerusalem emi owotde mme prophet, onyuŋ ɔtɔŋɔde mmɔ emi edɔŋde etiene fi ke itiat! Adaŋa ediwak ini didie ke ŋkoyom nditaŋ nditɔ fo mbon ɔtɔ kiet, kpa nte unen obonde nditɔ esie ke idak mba esie, ndien mbufo ikonyimeke!

JEREMIAH 2:30

Kpukpru mbufo emedue mi. Mmamia nditɔ mbufo ikpikpu; mmɔ ikopke item: ofut mbufo amadia mme prophet mbufo, nte lion eke osobode.

ŊWED MME PSALM 19:11

Enyuŋ eda mmɔ eteme owo fo; akamba udori oto ke erinim mmɔ.

2 CHRONICLES 16:10

Ndien Asa ayat esit ye okut-ŋkukut oro, onyuŋ esin enye ke ufɔk ebuka; koro enye akpahade esit ye enye abaŋa ŋkpɔ emi. Asa onyuŋ otuk ndusuk mbio-obio suk ini oro.

1 NDIDEM 18:4

koro edikem adaŋemi Jezebel okowotde mme prophet Jehovah, Obadiah ada prophet ikie, odip mmɔ owo aba ye duop, aba ye duop, ke aba itiat, onyuŋ ɔbɔk mmɔ ke uyo ye mmɔŋ.)

JEREMIAH 26:8

Edikem adaŋoro Jeremiah ama eketiŋ kpukpru se Jehovah okowukde, ete enye etiŋ ɔnɔ kpukpru owo, ndien mme oku, ye mme prophet, ye kpukpru owo emum enye, ete, Afo emenyene ndikpa.

1 NDIDEM 22:8

Ndien edidem Israel ɔbɔrɔ Jehoshaphat, ete, Osuk kaŋa owo kiet, Micaiah eyen Imlah, emi nnyin ikemede ndida enye mbup Jehovah: edi ami mmasua enye: koro enye misitiŋke eti prophecy ibaŋa mi, ke mibɔhɔke idiɔk. Ndien Jehoshaphat ɔdɔhɔ, ete, Edidem okudɔhɔ ntre.

1 NDIDEM 21:20

Ndien Ahab ɔdɔhɔ Elijah, ete, Nte afo omokut mi, O usua mi? Ndien enye ete, Mmokut: koro afo amanyam idem fo ndinam idiɔk ke iso Jehovah.

MME HEBREW 11:26

enye onyuŋ abat esuene Christ nte inyene eke okponde akan ŋkpɔ uto Egypt: koro enye owukde enyin ese utip eke edinɔde enye.

2 NDIDEM 1:9

Ndien edidem ɔdɔŋ etubom owo aba ye duop ye owo esie aba ye duop etiene enye. Ndien enye ɔdɔk okosim enye: ndien, sese, enye etie ke enyɔŋ obot kiet. Ndien etubom ɔdɔhɔ enye, ete, Owo Abasi, edidem ɔdɔhɔ fi, ete, Suhɔre di.

1 NDIDEM 19:2

Ndien Jezebel ɔdɔŋ isuŋ ɔkɔdɔhɔ Elijah, ete, Yak mme abasi enam ntem, yak mmɔ enyuŋ enam eka iso, ke mmendinamke uwem fo etie nte uwem owo mmɔ oro kiet, ke adaŋa ini ntem mkpɔŋ.

JEREMIAH 37:14

Ndien Jeremiah ɔdɔhɔ, ete, Nsu: ami nyomke ndidiana ye mme Chaldean. Edi enye ikopke uyo esie; Irijah omum Jeremiah, onyuŋ ada enye ɔsɔk mbɔŋ obio.

ŊWED MBON PHILIPPI 1:29

Koro eyak enɔ mbufo kabaŋa Christ, idige ndibuɔt idem ye Enye ikpɔŋ, edi ndinyuŋ ŋkut ndutuhɔ kabaŋa Enye;

MME HEBREW 10:34

Koro mbufo ekatuade mmɔ emi edude ke ŋkpɔkɔbi mbɔm, enyuŋ enyime ke idaresit ete ebume inyene mbufo, sia mbufo efiɔkde ete imenyene inyene eke ɔfɔnde akan onyuŋ ebigide.

MME HEBREW 11:33

ye mme prophet; emi ekedade mbuɔtidem ekan mme idut, enam edinen ido, ebɔ mme uŋwɔŋɔ, ekibi mme lion inua, enime ide ikaŋ,

JAMES 5:10

Nditɔ-ete, eda mme prophet, emi eketiŋde ŋkpɔ ke enyiŋ Jehovah, nte uwut-ŋkpɔ ke erisɔŋ esit mbiom ukut.