MATTHEW 5:11 - Edisana ñwed Abasi Ibom

¹¹ Ɔfɔfɔn ɔnɔ mbufo ke adaŋemi owo edisuŋide mbufo, enyuŋ enam mbufo isin-enyin, enyuŋ etiŋ kpukpru oruk idiɔk-ŋkpɔ ke nsu edian mbufo kabaŋa Mi.

MATTHEW 5:11 Referans Kwoze

1 PETER 4:14

Edieke esuenede mbufo kabaŋa enyiŋ Christ, ɔfɔfɔn ɔnɔ mbufo; koro Spirit ubɔŋ ye Spirit Abasi odoro mbufo ke idem.

LUKE 21:17

Ndien kpukpru owo eyesua mbufo kabaŋa enyiŋ Mi.

MARK 13:13

Kpukpru owo eyenyuŋ esua mbufo kabaŋa enyiŋ Mi. Edi eyenyaŋa owo eke edimede ime tutu osim akpatre.

MATTHEW 24:9

Ke ini oro ke eyeda mbufo eyak enɔ ukut, enyuŋ ewot mbufo: kpukpru mme idut eyenyuŋ esua mbufo kabaŋa enyiŋ Mi.

LUKE 6:22

Ɔfɔfɔn ɔnɔ mbufo ke ini owo edisuade mbufo, edinyuŋ edianarede mbufo ke idem mmɔ efep, ediyuŋ esuŋide mbufo, enyuŋ esin enyiŋ mbufo nte idiɔk ŋkpɔ kabaŋa Eyen Owo.

1 PETER 2:23

Ke ini owo osuŋide Enye, Enye isuŋike mmɔ usiene; ke ini Enye ebede ke ndutuhɔ, Enye itiŋke ikɔ ndige; edi ayak ikɔ Esie esin ke ubɔk Andikpe edinen ikpe.

JOHN 15:21

Edi mmɔ eyenam mbufo kpukpru ŋkpɔ emi ke ntak Mi, koro mmɔ mifiɔkke Andidɔŋ Mi.

MATTHEW 10:22

Ndien kpukpru owo eyesua mbufo ke abaŋa enyiŋ Mi: edi eyeŋyaŋa owo eke edimede ime tutu osim akpatre.

ISAIAH 66:5

Mbufo emi enyekde idem ke ikɔ esie, ekop ikɔ Jehovah: nditɔ-ete mbufo emi esuade mbufo, enyuŋ ebinde mbufo efep, ebaŋa enyiŋ mi, edɔhɔ ete, “Jehovah eyeda ukpono: nnyin iyenyuŋ ise idaresit mbufo;” ndien but eyenam mmɔ.

MATTHEW 10:39

Owo eke anyaŋade uwem esie eyeduɔk enye; edi owo eke ɔduɔkde uwem esie ke abaŋa Mi eyenyaŋa enye.

ERIYARARE 2:3

omonyuŋ enyene ime, okonyuŋ obiom ukut kabaŋa enyiŋ Mi, unyuŋ ukabakere ukpa mba.

MATTHEW 19:29

Ndien kpukpru owo emi ekɔkpɔŋde ufɔk, mme nditɔ-eka iren, mme nditɔ-eka iban, mme ete, mme eka, mme nditɔ, mme isɔŋ, kabaŋa enyiŋ Mi, eyebɔ utip utim ikikie, eyenyuŋ enyene nsinsi uwem.

2 ŊWED CORINTH 4:11

Koro kpukpru ini ke edada nnyin ye uwem eyak enɔ mkpa kabaŋa Jesus, man uwem Jesus onyuŋ ɔwɔrɔ owut idem ke obukidem nnyin emi edikpade.

1 ŊWED CORINTH 4:10

Nnyin idi ndisime kabaŋa Christ, edi mbufo edi mme enyene-ibuot owo ke Christ; nnyin idi mmeme, edi mbufo emokop idem; mbufo enyene ukpono, edi nnyin idia esuene.

ŊWED MBON ROME 8:36

Kpa nte ewetde ete, Ewot nnyin ke ofuri usen ebaŋa fi; Ekebat nnyin ke erɔŋ mkpa.

LUKE 21:12

Edi ke ini kpukpru ŋkpɔ emi miwɔrɔke kaŋa, mmɔ eyemum mbufo, enyuŋ ebine ndinam mbufo idiɔk, enyuŋ eyak mbufo esin ke ubɔk mme synagogue, enyuŋ esin mbufo ke ufɔk ŋkpɔkɔbi, enyuŋ eda mbufo eka ke iso ndidem ye mme andikara kabaŋa enyiŋ Mi.

LUKE 9:24

Koro owo ekededi eke ediyomde ndinyaŋa uwem esie eyeduɔk enye; edi owo ekededi eke ediduɔkde uwem esie kabaŋa Mi, kpa owo oro eyenyaŋa uwem esie.

MARK 8:35

Koro owo ekededi eke oyomde ndinyaŋa uwem esie eyeduɔk enye; edi owo ekededi eke ɔduɔkde uwem esie kabaŋa Mi ye gospel, eyenyaŋa enye.

MATTHEW 10:25

Ekem eyen ukpep-ŋkpɔ nditie nte andikpep enye, asaŋa-utom ndinyuŋ ntie nte ete-ufɔk esie. Edieke mmɔ ema ekot ete-ufɔk ete, Beelzebub, ŋwaŋwaediso ke mmɔ edikot nditɔ ufɔk esie ntre.

UTOM MME APOSTLE 9:16

koro ami nyewut enye adaŋa ediwak ŋkpɔ nte enye enyenede ndikut kabaŋa enyiŋ Mi.

ŊWED MME PSALM 44:22

Koro ekewotde nnyin ke ofuri usen ebaŋa fi; ekebat nnyin ke erɔŋ mkpa.

MARK 13:9

Edi mbufo ekpeme idem mbufo; koro eyeyak mbufo esin ke ubɔk esop, eyenyuŋ emia mbufo ke mme synagogue; mbufo eyenyuŋ eda ke iso mme andikara ye ndidem kabaŋa Mi, man edi ntiense enɔ mmɔ.

MATTHEW 27:39

Mmɔ emi esaŋade ebe enyuŋ esuene Enye, enyeŋe ibuot, ete,

MARK 4:17

edi mmɔ inyeneke oruŋ ke idemmɔ, edi ebigi ke ini esisit; ndien ke ini ukut mme isin-enyin otibede kabaŋa ikɔ idaha oro eduɔ.

MATTHEW 10:18

eyenyuŋ eda mbufo ewɔrɔ ke iso mme andikara ye ndidem kabaŋa Mi, kpaŋ mbufo edi ntiense enɔ mmɔ ye mme Gentile.

JOHN 9:28

Mmɔ esuŋi enye ete, Afo edi owo mbet Esie, edi nnyin idi mbet Moses.

ŊWED MME PSALM 35:11

Mbon afai edaha eda nte ntiense; mmɔ ebup mi ŋkpɔ eke mme mfiɔkke.

ISAIAH 25:8

Enye eyemen mkpa ke nsinsi; Ɔbɔŋ Jehovah onyuŋ ɔkwɔhɔre kpukpru iso mmɔŋ eyet efep; eyenyuŋ osio esuene ikɔt esiemɔ ke ofuri ererimbot efep: koro edi Jehovah ɔdɔhɔ.

ISAIAH 51:7

Ekop uyo mi, mbufo emi efiɔkde eti ido, mbio emi mbet mi odude mmɔ ke esit; mbufo ekufehe esuene owo, nsia okonyuŋ oyomo mbufo abaŋa isuŋi mmɔ.

JEREMIAH 37:14

Ndien Jeremiah ɔdɔhɔ, ete, Nsu: ami nyomke ndidiana ye mme Chaldean. Edi enye ikopke uyo esie; Irijah omum Jeremiah, onyuŋ ada enye ɔsɔk mbɔŋ obio.

ŊWED MBON PHILIPPI 1:29

Koro eyak enɔ mbufo kabaŋa Christ, idige ndibuɔt idem ye Enye ikpɔŋ, edi ndinyuŋ ŋkut ndutuhɔ kabaŋa Enye;