MATTHEW 5:1 - Edisana ñwed Abasi Ibom

¹ EKEM ke adaŋemi Enye okutde mme otu owo, Enye ɔdɔk ke akamba obot; ndien ke Enye ama ɔkɔsuhɔre etie, mbet Esie etiene Enye:

MATTHEW 5:1 Referans Kwoze

MARK 3:13

Ekem Jesus ɔdɔk ke obot, onyuŋ okot mmɔ emi Enye oyomde, ndien mmɔ edi.

MATTHEW 15:29

Ekem Jesus adaha ɔkpɔŋ edem oro, asaŋa ekpere Inyaŋ Galilee, onyuŋ ɔdɔk ke akamba obot etetie do.

MARK 4:1

EKEM Enye ɔtɔŋɔ ntak ɔtɔŋɔ ndikpep owo ŋkpɔ ke mben akwa inyaŋ. Ata akamba otu owo enyuŋ ebono etiene Enye, tutu esin Enye oduk ke ubom etie ke inyaŋ; ofuri otu owo enyuŋ eda ke obot ke mben inyaŋ.

MARK 3:20

Ekem Enye oduk ufɔk. Otu owo enyuŋ etɔŋɔ ntak ebono, tutu Jesus ye mbet Esie ikemeke ndidia ŋkpɔ.

MATTHEW 4:25

Ndien ata ediwak otu owo eto ke Galilee ye Decapolis ye Jerusalem ye Judaea ye edem Jordan oko esaŋa ye Enye.

MATTHEW 13:2

Ndien ediwak otu owo ewɔrɔ etiene enye tutu esin Enye oduk ke ubom eketie; ofuri otu oro enyuŋ eda ke esuk.

MATTHEW 5:2

Enye onyuŋ atat inua Esie ekpep mmɔ ete,

LUKE 6:12

Edikem ke mme usen oro, Enye ɔwɔrɔ ɔdɔk ke akamba obot ndibɔŋ akam; onyuŋ ama ofuri okoneyo ke eribɔŋ akam nɔ Abasi.

LUKE 6:17

Ekem Enye asaŋa ye mmɔ ɔsuhɔre edida ke una-isɔŋ; akwa otu mbet Esie, ye ata ediwak owo enyuŋ edu ye mmɔ; emi etode ke ofuri Judaea ye Jerusalem, ye mben inyaŋ Tyre ye Sidon, emi ekedide ndikop ikɔ Esie, man Enye onyuŋ anam udɔŋɔ okure mmɔ;

LUKE 6:20

Ndien Enye emenere enyin ese mbet Esie, onyuŋ ɔdɔhɔ ete, Mi Ɔfɔfɔn ɔnɔ mbufo, nditɔ ubuene, koro Obio Ubɔŋ Abasi enyene mbufo.

LUKE 9:28

Edikem ke ini ekperede ndiyɔhɔ usen itiaita nte Enye eketiŋde ikɔ emi, Enye ada Peter, ye John, ye James, ɔdɔk ke akwa obot ndibɔŋ akam.

JOHN 6:15

Ntem ke ini Jesus ɔfiɔkde ete mmɔ eyom ndidi ndimum Imɔ nnim ke edidem, Enye ɔtɔŋɔ ntak afiak ɔdɔk ke akamba obot ke Idem Esie ikpɔŋ.