MATTHEW 4:9 - Edisana ñwed Abasi Ibom

⁹ onyuŋ ɔdɔhɔ Enye ete, Nyenɔ Fi kpukpru ŋkpɔ emi, edieke ɔduɔde ke isɔŋ atuak ibuot ɔnɔ Mi.

MATTHEW 4:9 Referans Kwoze

2 ŊWED CORINTH 4:4

emi abasi eyo emi akanamde ikike mmɔ eke minimke ke akpanikɔ okim, mbak uŋwana gospel ubɔŋ Christ, emi edide mbiet Abasi, edisem ɔnɔ mmɔ.

ERIYARARE 19:10

Ndien nduɔ Enye ke ukot, nte ntuak ibuot nnɔ enye. Edi enye ɔdɔhɔ mi ete, Kunam: ndi asaŋutom ye afo ye nditɔ-ete fo emi enyenede ikɔ-ntiense Jesus: tuak ibuot nɔ Abasi. Koro ikɔ-ntiense Jesus edi spirit prophecy.

JOHN 16:11

abaŋa ikpe, koro ema ekekpe ikpe ɔbɔŋ ererimbot emi.

1ŊWED TIMOTHY 3:6

Enye okudi obufa owo ke ido Abasi, mbak enye edikohore idem, ɔduɔ oduk ke ubiom-ikpe Satan.

ŊWED MME PSALM 72:11

Ndien kpukpru ndidem eyenuhɔ enɔ enye: kpukpru mme idut eyenam ŋkpɔ esie.

ERIYARARE 19:16

Enye onyuŋ enyene enyiŋ emi ewetde ke ɔfɔŋ-idem Esie ye ke ifuhi Esie ete, EDIDEM NDIDEM YE ƆBƆŊ MBƆŊ.

JOHN 14:30

Nditiŋke aba ŋkpɔ ŋkaha ye mbufo, koro ɔbɔŋ ererimbot emi ke edi, enye inyuŋ inyeneke baba ŋkpɔ kiet ke esit Mi:

JOHN 13:3

sia Jesus ɔfiɔkde ete Ete amayak kpukpru ŋkpɔ esin Imɔ ke ubɔk, Imɔ ikonyuŋ ito Abasi, inyuŋ inyɔŋ itiene Abasi,

JOHN 12:31

Ekem ini ikpe ererimbot emi: ke emi emɔŋ edisio ɔbɔŋ ererimbot emi eduɔk

MATTHEW 26:15

Mbufo enyime ndinɔ mi nso, ndien nyeda Enye nyak nnɔ mbufo? Mmɔ edomo mbak silver edip ye duop enɔ enye.

DANIEL 4:32

Ubɔŋ amadaha ɔkpɔŋ fi; ndien mmɔ eyebin fi ke otu owo efep, iduŋ fo eyenyuŋ odu ye mme unam ikɔt; eyebɔk fi ke mbiet nte enaŋ; ndien isua itiaba eyebe fi, tutu afo edifiɔk ete ke Ata Edikoŋ akara ke ubɔŋ ererimbot, onyuŋ ada enye ɔnɔ owo ekededi eke enye amade.

MME ŊKE 8:15

Oto mi ndidem eda ubɔŋ, mbɔŋ enyuŋ ewuk se inende.

MATTHEW 4:10

Ekem Jesus ɔdɔhɔ enye ete, Daha Mi ke usuŋ, Satan: koro ema ewet ete, Tuak ibuot nɔ Jehovah Abasi fo, nyuŋ nam ŋkpɔ nɔ Enye ikpɔŋ-ikpɔŋ.