MATTHEW 4:25 - Edisana ñwed Abasi Ibom

²⁵ Ndien ata ediwak otu owo eto ke Galilee ye Decapolis ye Jerusalem ye Judaea ye edem Jordan oko esaŋa ye Enye.

MATTHEW 4:25 Referans Kwoze

LUKE 6:17

Ekem Enye asaŋa ye mmɔ ɔsuhɔre edida ke una-isɔŋ; akwa otu mbet Esie, ye ata ediwak owo enyuŋ edu ye mmɔ; emi etode ke ofuri Judaea ye Jerusalem, ye mben inyaŋ Tyre ye Sidon, emi ekedide ndikop ikɔ Esie, man Enye onyuŋ anam udɔŋɔ okure mmɔ;

MARK 5:20

Owo oro ɔnyɔŋ ɔtɔŋɔ ndisaŋa ke Decapolis mbe nsuan mbuk ikpɔ ŋkpɔ eke Jesus akanamde ɔnɔ enye: ndien idem akpa kpukpru owo.

MARK 7:31

Ekem Jesus ɔtɔŋɔ ntak adaha ɔkpɔŋ adaŋa Tyre, asaŋa ke Sidon ebe ke ufɔt adaŋa Decapolis, edi ke Inyaŋ Galilee.

LUKE 6:19

Ndien ofuri otu owo eyom ndituk Enye ubɔk: koro odudu otode Enye ke idem ɔwɔrɔ, anam udɔŋɔ okure mmɔ kpukpru.

MARK 6:2

Ndien ke osimde sabbath, Enye ɔtɔŋɔ ndikpep owo ŋkpɔ ke synagogue; ediwak mmɔ eke ekopde Enye enyuŋ edu ke mkpa-idem, ete, Owo emi ada ŋkpɔ emi ke mmɔŋ? Ɔniɔŋ eke enɔde owo emi edi nso, ye oruk utom odudu emi ubɔk Esie anamde?

MATTHEW 19:2

Ndien ediwak otu owo etiene Enye; Enye onyuŋ anam udɔŋɔ okure mmɔ do.

MATTHEW 12:15

Edi Jesus ɔfiɔk, onyuŋ adaha ke ebiet oro: ndien ediwak owo etiene Enye;

MATTHEW 8:1

KE ini Enye otode ke obot ɔsuhɔre, ediwak otu owo etiene Enye.

MATTHEW 5:1

EKEM ke adaŋemi Enye okutde mme otu owo, Enye ɔdɔk ke akamba obot; ndien ke Enye ama ɔkɔsuhɔre etie, mbet Esie etiene Enye:

MATTHEW 4:15

Isɔŋ Zebulon ye isɔŋ Naphtali, Usuŋ inyaŋ, ke edem Jordan oko, Galilee mme Gentile.