MATTHEW 4:15 - Edisana ñwed Abasi Ibom

¹⁵ Isɔŋ Zebulon ye isɔŋ Naphtali, Usuŋ inyaŋ, ke edem Jordan oko, Galilee mme Gentile.

MATTHEW 4:15 Referans Kwoze

ISAIAH 9:1

KORO enye (isɔŋ) emi okokutde ukut midikimke. Kpa nte akpa ini ɔkɔsuhɔrede isɔŋ Zebulun ye isɔŋ Naphtali, kpa ntre ini iso eyefori usuŋ inyaŋ, ye edem Jordan oko, ye Galilee mme idut.

JOSHUA 21:32

Ye Kedesh ke Galilee ye mben-isɔŋ esie, ke eke obio-ubɔhɔ owot-owo, ke esien Naphtali; ye Hammothdor ye mben-isɔŋ esie, ye Kartan ye mben-isɔŋ esie: obio ita.

2 NDIDEM 15:29

Ke eyo Pekah edidem Israel, Tiglath-pileser edidem Assyria edi edida Ijon, ye Abel-beth-maacah, ye Janoah, ye Kedesh, ye Hazor, ye Gilead, ye Galilee, kpa ofuri isɔŋ Naphtali; onyuŋ ataŋ mmɔ ɔnyɔŋ ke Assyria.

1 NDIDEM 9:11

(Hiram edidem Tyre ekedi andiŋwam Solomon ke eto cedar, ye ke eto cypress, ye ke gold, kpa nte enye oyomde kpukpru), ndien edidem Solomon ɔnɔ Hiram obio edip ke isɔŋ Galilee.

JOSHUA 20:7

Ndien enim Kedesh ke Galilee ke obot Naphtali, ye Shechem ke obot Ephraim, ye Kiriath-arba, oro edi Hebron ke ikpɔ obot Judah.

MATTHEW 4:13

onyuŋ ɔkpɔŋ Nazareth ebe edi ediduŋ ke Capernaum, emi odude ke mben inyaŋ, ke adaŋa Zebulon ye Naphtali;

MATTHEW 4:14

man osu nte Isaiah prophet ɔkɔhɔde, ete,

MATTHEW 4:25

Ndien ata ediwak otu owo eto ke Galilee ye Decapolis ye Jerusalem ye Judaea ye edem Jordan oko esaŋa ye Enye.

LUKE 24:27

Ndien Enye ɔtɔŋɔ ke Moses ye kpukpru mme prophet asian se eketiŋde ebaŋa Enye ke Idem Esie ke ofuri Ŋwed Abasi ɔnɔ mmɔ.