MATTHEW 4:11 - Edisana ñwed Abasi Ibom

¹¹ Ekem Satan adaha ɔkpɔŋ Enye; ndien sese, mme angel edinam ŋkpɔ enɔ Enye.

MATTHEW 4:11 Referans Kwoze

MATTHEW 26:53

Mme ese ete ŋkemeke ndikpe Ete Mi ubɔk, mbɔ Enye se ibede legion mme angel duopeba idaha emi?

MME HEBREW 1:14

Nte mmɔ kpukpru idige mme spirit emi esaŋade utom, emi esiode edɔŋ mmɔ ete, enam ŋkpɔ enɔ mmɔ emi edidade erinyaŋa enyene?

LUKE 22:43

Edi angel oto ke heaven ɔbiɔŋɔre Enye ke iso ndisɔŋɔ Enye idem.

LUKE 4:13

Ndien ke ini Satan ama okodomo Enye ama, enye adaha ɔkpɔŋ Enye ke ekpri ini.

MME HEBREW 1:6

Ŋko, ke adaŋemi Enye editɔŋɔde ntak ada Akpan Esie edi ke ererimbot, Enye ɔdɔhɔ ete, Yak kpukpru mme angel Abasi enyuŋ etuak ibuot enɔ Enye.

JOHN 14:30

Nditiŋke aba ŋkpɔ ŋkaha ye mbufo, koro ɔbɔŋ ererimbot emi ke edi, enye inyuŋ inyeneke baba ŋkpɔ kiet ke esit Mi:

LUKE 22:53

Ke adaŋemi ŋkodude ye mbufo ke temple ke usen ke usen, mbufo inyanakere ubɔk iyom ndinam Mi ŋkpɔ: edi emi edi ifet mbufo ye eke odudu ekim.

MARK 1:13

Ndien Enye odu ke desert usen aba, Satan onyuŋ odomo Enye; ndien Enye odu ye mme unam ikɔt; mme angel enyuŋ enam ŋkpɔ enɔ Enye.

MATTHEW 4:6

Edieke Afo edide Eyen Abasi, sio Idem Fo duɔk ke isɔŋ; koro ema ewet ete, Enye eyenɔ mme angel Esie uyo abaŋa: Fi Ndien mmɔ eyekama Fi ke ubɔk mmɔ, Mbak Afo edituak ukot Fo ke itiat.

1ŊWED TIMOTHY 3:16

Owo ikemeke ndineni ete ido Abasi edi akwa ndibe-ŋkpɔ; Edi Enye emi akayararede Idem Esie ke obukidem; Ewut Enye nte edinen ke Spirit; Enye owut idem ɔnɔ mme angel; Ekwɔrɔ Enye ke otu mme idut, Ebuɔt idem ye Enye ke ererimbot. Emen Enye edɔk ke ubɔŋ.

1 NDIDEM 19:6

Ndien enye okut, ndien, sese, obukpa uyo emi ekesaŋde ke ebok-ikaŋ, ye mmɔŋ ke ekpeme ke ena ke ɔtɔ udori-ibuot esie. Ndien enye emen ata, onyuŋ ɔŋwɔŋ, onyuŋ ɔtɔŋɔ ntak ɔsuhɔre ana ke isɔŋ.