MATTHEW 3:6 - Edisana ñwed Abasi Ibom

⁶ ewɔŋɔ etiene enye; enyuŋ ena baptistm ke ubɔk esie ke akpa Jordan, ke eyararede mme idiɔkŋkpɔ mmɔ.

MATTHEW 3:6 Referans Kwoze

UTOM MME APOSTLE 19:18

Ediwak mmɔ emi enimde ke akpanikɔ enyuŋ edi editiŋ enyuŋ eyarare se mmɔ ekenamde,

1 JOHN 1:9

Edieke nnyin iyararede mme idiɔk-ŋkpɔ nnyin, Enye edi anam-akpanikɔ onyuŋ enen, ete ifen mme idiɔk-ŋkpɔ nnyin, inyuŋ iyet nnyin isana ke kpukpru mme ukwaŋkpɔ.

MME HEBREW 9:10

sia mme uwa oro (mmɔ esaŋa ye udia ye eriŋwɔŋ-ŋkpɔ ye nsio-nsio uyere-mmɔŋ) edide enyɔŋ-enyɔŋ ido obukidem, emi enɔde owo enim tutu osim ini eke edidiɔŋde kpukpru ŋkpɔ.

MATTHEW 3:11

Ami nda mmɔŋ nnim mbufo baptism, man ekabare esit: edi Enye emi etienede Mi ke edem enyene odudu akan mi, emi mmendotke ndikama ikpa-ukɔt Esie; Enye eyenim mbufo baptism ke Edisana Spirit ye ikaŋ.

MME HEBREW 6:2

ye eribuɔt idem ye Abasi, ye ukpep-ŋkpɔ mbaŋa uyere-mmɔŋ, ye eridori ubɔk ye eriset mme akpa-mkpa, ye nsinsi ikpe.

ŊWED MBON COLOSSAE 2:12

mbufo ema ebuhɔ ye Enye ke baptism; ke enyuŋ eda baptism enam mbufo eset ye Enye, oto koro mbufo ebuɔtde idem ke odudu Abasi, emi akanamde Enye eset ke mkpa.

1 ŊWED CORINTH 10:2

kpukpru mmɔ ema enyuŋ ena baptism ediere ye Moses ke obubit enyɔŋ ye inyaŋ oro;

UTOM MME APOSTLE 22:16

Ndien ke ebebet nso naŋa? Daha ke enyɔŋ, kana baptism, nyuŋ yet mme idiɔk-ŋkpɔ fo fep ke eriseme ŋkot enyiŋ Esie.

UTOM MME APOSTLE 11:16

Ndien nti ikɔ Ɔbɔŋ nte Enye ɔdɔhɔde ete, John akada mmɔŋ onim owo baptism; edi eyenim mbufo baptism ke Edisana Spirit.

UTOM MME APOSTLE 1:5

Koro John akadade mmɔŋ onim baptism, edi eyenim mbufo baptism ke Edisana Spirit ke usen ifaŋ mibehe kaŋa.

LUKE 3:16

John ɔbɔrɔ mmɔ kpukpru ete, Ami nda mmɔŋ nnim mbufo baptism; edi Enye emi enyenede odudu akan mi ɔmɔŋ edi, emi mmendotke nditat ikpaukot Esie: Enye eyenim mbufo baptism ke Edisana Spirit ye ikaŋ.

MARK 1:5

Ndien mbio ofuri edem Judea, ye kpukpru mme andiduŋ Jerusalem ewɔŋɔ etiene enye, enyuŋ ena baptism ke ubɔk esie ke akpa Jordan, ke eyararede mme idiɔk-ŋkpɔ mmɔ.

DANIEL 9:4

ndien ŋkpe Jehovah Abasi mi ubɔk, nnyuŋ nyarare idiɔk-ŋkpɔ, nnyuŋ ndɔhɔ, nte, Mbɔk, Ɔbɔŋ mi, Akwa Abasi emi enyenede ndik, emi onimde ediomi ye ima ye mmɔ eke emade enye enyuŋ enimde mme ewuhɔ esie.

EZEKIEL 36:25

Ndien nyesime mbufo edisana mmɔŋ ke idem, ndien mbufo eyedi edisana: nyesio mbufo kpukpru ndek mbufo ye kpukpru ibɔk mbufo ke idem mfep nnam esana.

MME ŊKE 28:13

Owo eke odipde idiɔk ido esie idikwe unen: edi owo eke ayararede, onyuŋ ɔkpɔŋde mmɔ, eyekut mbɔm.

ŊWED MME PSALM 32:5

Nyesian fi ndudue mi, ndien ŋkofukke mme ukwaŋ-ŋkpɔ mi. Ŋkɔdɔhɔ nte, Nyetiŋ mme idiɔk ido mi nnɔ Jehovah; ndien afo efen ukwaŋ-ŋkpɔ ye ndudue mi. [Selah.]

JOSHUA 7:19

Ndien Joshua ɔdɔhɔ Achan, ete, Mbɔk, eyen mi, kpono Jehovah Abasi Israel, nyuŋ toro enye; nyuŋ men se afo akanamde tiŋ nɔ mi, mbɔk, kudip mi.

NUMBERS 5:7

yak mmɔ eyarare ndien idiɔk ido oro mmɔ ekenamde: ndien yak enye ada iso ŋkpɔ oro enye eduede isop, onyuŋ ɔkɔrɔ ɔyɔhɔ ubak ition ke esit, ndien emen enye ɔnɔ owo oro enye ekeduede.

LEVITICUS 26:40

Edieke mmɔ esemede mme idiɔk ido idem mmɔ, ye mme idiɔk ido mme ete mmɔ, ye mme oburobut ido emi mmɔ ekenamde ye ami, ye nte mmɔ esaŋade ŋko ke ndusuara ye ami;

LEVITICUS 16:21

ndien Aaron ada ubɔk esiemɔ mbiba odori odu uwem ebot ke ibuot, onyuŋ ada enye ke enyɔŋ ayarare kpukpru mme idiɔk ido nditɔ Israel, ye kpukpru mme ukwaŋ-ŋkpɔ mmɔ, ye kpukpru mme idiɔk-ŋkpɔ mmɔ, ada mmɔ odori ebot oro ke ibuot, ndien esin enye ke ubɔk owo eke adade ebet, ete ada enye akayak ke wilderness.

1 PETER 3:21

mmɔŋ eke ebietde mmɔŋ oro ke eda enyaŋa mbufo ke emi, oro edi baptism, emi midige eriyet ɔkɔp ikpɔhidem mfep, edi edide eribeŋe eke nnyin ibeŋede Abasi anam nnyin inyene edisana esit ke iso Esie, oto ke eriset Jesus Christ;

JAMES 5:16

Mmɔdo eyarare idiɔk-ŋkpɔ mbufo enɔ kiet eken, enyuŋ ebɔŋ akam ebaŋa kiet eken, man ekɔk udɔŋɔ mbufo. Mkpe-ubɔk edinen owo enyene odudu eti-eti ndinam ŋkpɔ.

EZRA 10:1

EKEM adaŋemi Ezra akanamde mkpeubɔk, okonyuŋ ayararede, atua eyet, onyuŋ ɔduɔ ke isɔŋ ke iso ufɔk Abasi, ata akwa otu iren-owo, ye iban, ye nditɔwɔŋ emi etode ke Israel, esop idem ke ɔtɔ esie: koro kpukpru owo etuade eyet eti-eti.

LUKE 1:16

enye eyenyuŋ anam ediwak nditɔ Israel ekabare etiene Jehovah Abasi mmɔ.