MATTHEW 28:20 - Edisana ñwed Abasi Ibom

²⁰ enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

MATTHEW 28:20 Referans Kwoze

ISAIAH 41:10

Kudige, koro ami ndude ye afo: kunyek idem, koro ami ndide Abasi fo: nyesɔŋɔ fi idem; nditreke ndinyaŋa fi; nditreke ndimum fi ŋkama ke edinen ubɔk nnasia mi.

JOSHUA 1:5

Baba owo kiet idibiɔŋɔke fi ke iso, ke ofuri ini uwem fo: nyedu ye afo kpa nte ŋkodude ye Moses: ndiyakke fi nduɔk, ndinyuŋ ŋkpɔŋke fi.

ŊWED MME PSALM 46:7

Jehovah mme udim odu ye nnyin: Abasi Jacob edi ubɔhɔ nnyin. [Selah.]

GENESIS 39:21

Edi Jehovah odu ye Joseph, onyuŋ esin ema enye, onyuŋ anam ete ufɔk ukpeme ɔfɔn ye

MATTHEW 1:23

Sese, eyenɔwɔŋ aŋwan eyeyomo, onyuŋ aman eyeneren; Enyeyuŋ esio enye enyiŋ Immanuel, oro ɔwɔrɔ ete, Abasi ke ododu ye nnyin.

MATTHEW 18:20

Koro ɔtɔ nte owo iba mme ita esopde idem ke enyiŋ Mi, do ke ndodu ke ufɔt mmɔ.

ŊWED MME PSALM 46:11

Jehovah mme udim odu ye nnyin; Abasi Jacob edi ebiet-ubɔhɔ nnyin. [Selah.]

MARK 16:20

Ndien mmɔ ewɔŋɔ ekekwɔrɔ ikɔ ke kpukpru ebiet, Ɔbɔŋ onyuŋ anam utom ye mmɔ, onyuŋ ada mme idiɔŋɔ eke esaŋade ye erikwɔrɔ ɔsɔŋɔ ikɔ mmɔ.

EXODUS 3:12

Ndien Enye ɔdɔhɔ ete, Nditreke ndidu ye afo; ndien emi eyedi idiɔŋɔ fo, ete ke edi ami ndɔŋ fi utom: ke ini afo ama ada mbio oro ke Egypt ɔwɔrɔ, mbufo eyenam ŋkpɔ enɔ Abasi ke akamba obot emi.

ŊWED MBON COLOSSAE 1:28

Emi nnyin ikwɔrɔde, ida kpukpru eti ibuot iteme inyuŋ ikpep kpupru owo, man nnyin ida kpukpru owo inim ke iso Abasi nte efɔnde ema ke Christ.

1 ŊWED CORINTH 14:37

Edieke owo abatde idem ete idi asiak-uduak-Abasi inyuŋ inyene spirit, yak enye ɔfiɔk ete se ŋwetde nnɔ esɔk mbufo edi uyo Ɔbɔŋ.

2 ŊWED TIMOTHY 4:17

Edi Ɔbɔŋ adada mi ke ŋkaŋ, ɔsɔŋɔ mi esit nditiŋ ikɔ gospel ɔyɔhɔ-ɔyɔhɔ, man kpukpru mme Gentile ekop: ntem ke Enye anyaŋa mi osio ke inua lion.

UTOM MME APOSTLE 2:42

Mmɔ oro enyuŋ edɔdiɔŋ esin ifik ke erikpep ye nsaŋa mme apostle, ye ke eribuŋ uyo ye ke akam.

MATTHEW 6:13

Kunyuŋ uda nnyin usin ke idomo; Edi sio nnyin ke ubɔk andidiɔk.

1 ŊWED CORINTH 11:2

Edi mmotoro mbufo ke emi mbufo etide mi ke kpukpru ŋkpɔ, enyuŋ esɔŋɔde emum mme item mi ekama, kpa nte ŋkayakde mmɔ nnɔ mbufo.

MATTHEW 13:49

Ntre ke edidi ke akpatre ini eyo emi; mme angel eyewɔŋɔ edi edidianare mme oburobut owo esio ke ndinen owo, enyuŋ eduɔŋɔ mmɔ ke akwa ikaŋ eke asakde.

ŊWED MME PSALM 72:19

Enyuŋ ekɔm enyiŋ ubɔŋ esie ke nsinsi: yak ubɔŋ esie onyuŋ ɔyɔhɔ ke ofuri ererimbot.

1 NDIDEM 1:36

Ndien Benaiah eyen Jehoiada ɔbɔrɔ edidem, ete, Amen: yak Jehovah Abasi ɔbɔŋ mi edidem ɔdɔhɔ ntre ŋko.

DEUTERONOMY 12:32

Mbufo ekpeme ndinam kpukpru ikɔ emi ami ntemede mbufo: kudian ŋkpɔ ke esit, kunyuŋ usio ke esit ufep.

ERIYARARE 22:14

Ɔfɔfɔn ɔnɔ mmɔ eke eyetde ɔfɔŋidem mmɔ asana, man mmɔ ekpenyene unen ndisim eto uwem, ekpenyuŋ ebe ke inua-otop eduk ke esit obio.

1 CHRONICLES 16:36

Mbufo ekɔm Jehovah Abasi Israel ke nsinsi nsinsi. Ndien kpukpru owo ebɔ, ete, Amen, enyuŋ etoro Jehovah.

DEUTERONOMY 5:32

Mbufo etiŋ enyin ndien enam kpa nte emi Jehovah Abasi mbufo etemede mbufo: ekuwaha eka nnasia, ekunyuŋ eka ufien.

2 PETER 3:2

nte, mbufo eti ikɔ emi ndisana prophet ekebemde iso etiŋ, ye item Ɔbɔŋ ye Andinyaŋa nnyin emi otode mme apostle mbufo osim mbufo.

UTOM MME APOSTLE 20:27

Koro mmeŋkefeheke ndikwɔrɔ ofuri uduak Abasi nnɔ mbufo.

ERIYARARE 1:18

Ami ndi Mbemiso ye Akpatre ye Andidu uwem; ndien mma ŋkabare ŋkpa, ndien sese, ndodu uwem ke nsinsi, nnyuŋ ŋkama ukpɔhɔre mkpa ye obio ekpo.

1 ŊWED CORINTH 11:23

Koro ŋkɔbɔde ke ubɔk Ɔbɔŋ se ŋkonyuŋ nyakde nnɔ mbufo, nte, ke okoneyo oro edade Enye enɔ,

MATTHEW 24:3

Edi nte Enye etiede ke Obot Olive, mbet Esie etiene Enye ke idem mmɔ, ete, Sian nnyin ini eke mme ŋkpɔ emi edidide; nso idinyuŋ idi idiɔŋɔ eridi Fo, ye eke akpatre ini eyo emi?

JEREMIAH 26:2

Ntem ke Jehovah ɔdɔhɔ ete, Ka kada ke okure ufɔk Jehovah, nyuŋ men kpukpru ikɔ eke ŋwukde fi, nte ɔdɔhɔ ye mmɔ, tiŋ baŋa kpukpru mme obio Judah eke edide ndituak ibuot ke ufɔk Jehovah; kusio baba ikɔ kiet ufep;

EXODUS 8:27

Nnyin iyeda isaŋ usen ita iduk ke wilderness, nnyin iwa inɔ Jehovah Abasi nnyin, kpa nte Enye edidɔhɔde nnyin.

EZEKIEL 46:10

Ndien yak ɔbɔŋ odu ke otu mmɔ; ke ini mmɔ edukde, yak enye oduk: ndien ke ini mmɔ ewɔŋɔde, yak mmɔ ewɔŋɔ (ɔtɔ kiet).