MATTHEW 27:63 - Edisana ñwed Abasi Ibom

⁶³ Ɔbɔŋ, nnyin imeti ite, ke ini owo abiaŋa oro okodude uwem, Enye ɔdɔhɔ ete, Usen ita ema ebe Imɔ iyeset.

MATTHEW 27:63 Referans Kwoze

LUKE 9:22

onyuŋ ɔdɔhɔ mmɔ ete, Eyen Owo enyene ndikut ediwak ukut, mbiowo ye ikpɔ oku ye mme scribe eyenyuŋ esin Enye, enyuŋ ewot Enye; ndien Abasi eyenam Enye eset ke ɔyɔhɔ usen ita.

MATTHEW 16:21

Toto ke ini oro Jesus ɔtɔŋɔ ndiwut mbet Esie ete, Imɔ inyene ndika ke Jerusalem ŋkokut ediwak ukut ke ubɔk mbiowo ye ikpɔ oku ye mme scribe; mmɔ eyenyuŋ ewot Imɔ, ndien ke ɔyɔhɔ usen ita Abasi eyenam Imɔ iset.

JOHN 2:19

Jesus ɔbɔrɔ mmɔ ete, Ewuri temple emi, ndien nyediɔŋ enye ke usen ita.

LUKE 18:33

ndien ke ini ekemiade Enye ema, eyewot Enye: ndien ke ɔyɔhɔ usen ita Enye eyeset ke mkpa.

MARK 10:34

ndien mmɔ eyesak Enye nsahi, eyeyuŋ efiari Enye etap, enyuŋ emia Enye, enyuŋ ewot Enye; ndien ke usen ita ema ebe, Enye eyeset ke mkpa.

MARK 8:31

Ekem Enye ɔtɔŋɔ ndikpep mmɔ ete, Eyen owo enyene ndikut ediwak ukut; mbiowo, ye ikpɔ oku, ye mme scribe eyenyuŋ esin Enye, enyuŋ ewot Enye, ndien ke usen ita ema ebe, Enye eyeset ke mkpa.

MATTHEW 20:19

Ete iwot Enye, eyenyuŋ eyak Enye enɔ mme Gentile, ete esak Enye nsahi, enyuŋ emia enye, ewot ke cross: ndien Abasi eyenam Enye eset ke mkpa ke ɔyɔhɔ usen ita.

MATTHEW 17:23

edi eyenam Enye eset ke ɔyɔhɔ usen ita. Ndien mmɔ efuhɔ eti-eti.

MATTHEW 26:61

Ekem owo iba edi edidɔhɔ ete, Da emi ɔkɔdɔhɔ ete, Mmekeme ndiwuri temple Abasi, ndinyuŋ ntɔŋɔ ntak mbɔp enye ke usen ita.

2 ŊWED CORINTH 6:8

ke ini ukpono ye ke ini esuene, ke idiɔk etop eke esiode nnyin, ye ke eti etop; ebat nnyin ke owo abiaŋa, edi nnyin idi owo akpanikɔ;

JOHN 7:12

Ndien akwa nsuk-uyo odu ke otu mme otu owo abaŋa Enye: ndusuk mmɔ ete, Enye edi eti owo; mmɔ eken ete, Idige: edi Enye ada mbio-obio awaha ɔkpɔŋ usuŋ.

LUKE 23:2

Mmɔ enyuŋ etɔŋɔ ndidori Enye ikɔ, ete, Nnyin imokut owo emi nte abiatde mbio-obio ibuot, akpan ete ekunɔ Caesar utomo, onyuŋ ɔdɔhɔ ete, Imo ke Idem Imɔ idi Christ Edidem.

JOHN 7:47

Ntre ke mme Pharisee ebɔrɔ mmɔ ete, Nte mbufo ŋko emawaha ekpɔŋ usuŋ?

MATTHEW 27:64

Nɔ uyo ndien etim ekpeme udi tutu osim ɔyɔhɔ usen ita, mbak ndusuk mbet Esie edidi ediyip Enye, enyuŋ edɔhɔ ete, Enye ama eset ke mkpa.

MATTHEW 28:6

Enye iduhe mi; Enye emeset kpa nte ɔkɔdɔhɔde. Edi edise ebiet emi Ɔbɔŋ akanade do.

MARK 9:31

Koro Enye ekpepde mbet Esie ŋkpɔ, ete mmɔ, Emayak Eyen Owo esin mme owo ke ubɔk, ndien mmɔ eyewot Enye; ndien ke ini ewotde Enye, usen ita ema ebe, Enye eyeset.

LUKE 18:31

Ekem Enye ada mbet duopeba esihere ada ŋkaŋ kiet, onyuŋ ɔdɔhɔ mmɔ ete, Sese, nnyin imɔŋ idɔk ika Jerusalem, ndien kpukpru se mme prophet ekewetde eyewɔrɔ enɔ Eyen Owo.