MATTHEW 27:45 - Edisana ñwed Abasi Ibom

⁴⁵ Edi ɔtɔŋɔde ke ufɔt uwemeyo tutu osim hour ita ke uwemeyo, ekim ofuk ɔfuri isɔŋ.

MATTHEW 27:45 Referans Kwoze

AMOS 8:9

Ɔbɔŋ Jehovah onyuŋ ɔdɔhɔ, ete, ndien ama ekem ke usen oro, ke ndinam utin oduk ikɔt ke ufɔt uwemeyo, nnyuŋ nnam isɔŋ okim ke usen uŋwana:

ISAIAH 50:3

Nyefuk ikpa-enyɔŋ obubit, nnyuŋ nsine mmɔ ɔfɔŋ-ikpo ke ufuhɔ-ŋkpɔ.

ERIYARARE 9:2

Enye onyuŋ ɔkpɔhɔre obube akwa udem; nsuŋikaŋ onyuŋ oto ke obube oro ɔwɔrɔ, ebiet nsuŋikaŋ akwa ikaŋ emi ebarade; utin ye enyɔŋ enyuŋ ekabare ekim ke ntak nsuŋikaŋ obube oro.

MARK 15:25

Ekedi ɔyɔhɔ hour usukkiet ke usenubɔk, ndien ekɔŋ Enye ke cross.

ERIYARARE 8:12

Ekem ɔyɔhɔ angel inaŋ ofri; ndien emia ubak utin kiet ke itie ita, ye ubak ɔfiɔŋ kiet ke itie ita, ye ubak ntantafiɔŋ kiet ke itie ita; ete mmɔ ekabare ebire ke ubak mmɔ kiet ke itie ita, uwemeyo okunyene uŋwana ke ubak kiet ke itie ita, onyuŋ edi kpa ntre ye okoneyo.

JOHN 19:14

Ekedi ke usen emi etimde ŋkpɔ ebeŋe passover, ke adaŋa nte ɔyɔhɔde ufɔt uwem-eyo. Pilate onyuŋ ɔdɔhɔ mme Jew ete, Sese, Edidem mbufo do.

UTOM MME APOSTLE 3:1

EKEM Peter ye John edɔk eka ke temple ke ini akam, emi edide hour ita uwemeyo.