MATTHEW 27:40 - Edisana ñwed Abasi Ibom

⁴⁰ Afo, emi owuride temple, onyuŋ ɔbɔpde enye ke usen ita, nyaŋa idem; edieke Afo edide Eyen Abasi, suhɔre ke cross.

MATTHEW 27:40 Referans Kwoze

MATTHEW 26:61

Ekem owo iba edi edidɔhɔ ete, Da emi ɔkɔdɔhɔ ete, Mmekeme ndiwuri temple Abasi, ndinyuŋ ntɔŋɔ ntak mbɔp enye ke usen ita.

MATTHEW 4:6

Edieke Afo edide Eyen Abasi, sio Idem Fo duɔk ke isɔŋ; koro ema ewet ete, Enye eyenɔ mme angel Esie uyo abaŋa: Fi Ndien mmɔ eyekama Fi ke ubɔk mmɔ, Mbak Afo edituak ukot Fo ke itiat.

MATTHEW 4:3

Ndien andidomo edi edidɔhɔ Enye ete, Edieke Afo edide Eyen Abasi, wuk mme itiat emi ekabare edi uyo.

ERIYARARE 11:10

Ndien mme andiduŋ ke isɔŋ edat esit ebaŋa mmɔ, enyuŋ enam idara, enyuŋ enɔ enɔ esɔk kiet eken, koro mme prophet iba oro ekɔtuhɔrede mme andiduŋ ke isɔŋ.

LUKE 16:31

Edi enye ɔdɔhɔ ete, Edieke mmɔ mikpaŋke utɔŋ inɔ Moses ye mme prophet, mmɔ idinimke ke akpanikɔ owo okpototo ke otu mme akpa-mkpa eset.

MATTHEW 27:54

Edi ke ini centurion, ye mmɔ emi edude ye enye ekpeme Jesus, ekutde unyek-isɔŋ, ye mme ŋkpɔ oro etibede, mmɔ efehe akwa ndik eti-eti, enyuŋ edɔhɔ ete, Ke akpanikɔ emi ekedi Eyen Abasi.

MATTHEW 27:42

Enye akanyaŋa owo efen; ikemeke ndinyaŋa Idem Esie. Yak Enye ɔsuhɔre ke cross idaha emi, ndien nnyin iyenim Enye ke akpanikɔ.

MATTHEW 16:4

Emana eke ediɔkde enyuŋ esaŋade esin efibe eyom idiɔŋɔ; ndien idinɔŋɔ mmɔ baba idiɔŋɔ kiet, ibɔhɔke idiɔŋɔ Jonah. Ekem Enye ɔkpɔŋ mmɔ adaha.

MATTHEW 27:41

Kpasuk ntre ikpɔ oku ye mme scribe ye mbiowo esak Enye nsahi, ete,