MATTHEW 27:4 - Edisana ñwed Abasi Ibom

⁴ Edi mmɔ ete enye, Nnyin isaŋa nso do? Ikɔ fo edi oro.

MATTHEW 27:4 Referans Kwoze

1 JOHN 3:12

ikubiet Cain, emi ekedide eke andidiɔk, onyuŋ owotde eyen-ete esie. Ndien ntak owotde enye? Koro utom esiemɔ ɔdiɔkde, edi eke eyen-ete esie enende.

1 PETER 1:19

edi ekada iyip eke ɔsɔŋde urua efak mbufo, nte iyip eyen-erɔŋ eke ananade ndo onyuŋ ananade ntɔi, kpa eke Christ:

MME HEBREW 7:26

Emi edi oruk Akwa Oku emi ekemde ye nnyin, emi asanade, minyeneke ŋkari, minyuŋ iduehe, emi misaŋake ye mme anam-idiɔk, emi ema enyuŋ emen enim okoŋ akan mme heaven;

TITUS 1:16

Mmɔ edɔhɔ ete, mme imɔ ifiɔk Abasi; edi mmɔ ekaŋ Enye ke ido mmɔ, sia mmɔ ebiamde mbubiam, enyuŋ esɔŋde ibuot, enyuŋ ebiarade adaŋa nte mmɔ mikemeke ndinam ndomo eti utom kiet.

1ŊWED TIMOTHY 4:2

emi mbon nsu, eke esit mmɔ odorode ufiɔn, edade mbubik ekpep.

ŊWED MBON ROME 3:19

Edi nnyin imɔfiɔk ite se ededi eke ibet etiŋde, ke etiŋ ɔnɔ mmɔ emi edude ke idak ibet; man inua ɔkibɔ kpukpru owo, ofuri ererimbot enyuŋ esine ke idak ubiom-ikpe Abasi:

UTOM MME APOSTLE 13:28

Ndien okposuk edi nte mmɔ mikwe ntak eke ekpowotde Enye, mmɔ ekpe ye Pilate ete ewot Enye.

JOHN 19:7

Mme Jew ebɔrɔ enye ete, Nnyin imenyene ibet, ndien nte ibet oro owukde, Enye odot ndikpa; koro Enye onimde Idem Esie ke Eyen Abasi.

LUKE 23:47

Ndien ke ini centurion okutde se itibede, enye ɔnɔ Abasi itoro ete, ke akpanikɔ owo emi ekedi edinen owo.

LUKE 23:41

Ndien ke akpanikɔ nnyin ikut ufen eke enende: koro nnyin ibɔ utip eke odotde ke erinam nnyin: edi owo emi iduehe baba ŋkpɔ kiet.

LUKE 23:22

Ndien enye ekpe ye mmɔ ɔyɔhɔ utim ikata, ete Ntak-e? Owo emi akanam nso idiɔk ŋkwe baba ŋkpɔ kiet emi odotde mkpa ke Enye: ntre nyemia Enye, nsana Enye nyak.

MATTHEW 27:54

Edi ke ini centurion, ye mmɔ emi edude ye enye ekpeme Jesus, ekutde unyek-isɔŋ, ye mme ŋkpɔ oro etibede, mmɔ efehe akwa ndik eti-eti, enyuŋ edɔhɔ ete, Ke akpanikɔ emi ekedi Eyen Abasi.

MATTHEW 27:19

Edi ke adaŋemi enye etiede ke itie-ikpe, ŋwan esie ɔdɔŋ edidɔhɔ enye ete, Kusaŋa ŋkpɔ ye eti owo emi; koro mma ŋkut ukut eti-eti ke ndap mfin emi mbaŋa Enye.

JONAH 1:14

Ndien mmɔ efiori ekot Jehovah, enyuŋ edɔhɔ enye, ete, Mbɔk, O Jehovah, kuyak nnyin itak ibaŋa uwem owo emi, kunyuŋ udori nnyin iyip owo eke miduehe isop: koro afo, O Jehovah, amanam kpa nte afo amade.

JEREMIAH 26:15

Edi mbufo etim efiɔk, ete ke edieke mbufo ewotde mi, ke mbufo eda iyip owo eke miduehe edori ke idem mbufo, ye ke obio emi, ye ke mme andiduŋ enye: koro ke akpanikɔ ke edi Jehovah ɔdɔŋ mi utom ke ɔtɔ mbufo, ete ntiŋ kpukpru ikɔ emi ke utɔŋ mbufo.

ŊWED JOB 16:2

Mma ŋkop ediwak ikɔ eke etiede ntem: mbufo kpukpru edi ukut-ukut mbon ndɔŋesit.

2 NDIDEM 24:4

ndien ŋko Jehovah inyimeke ndidahado ke ikpikpu iyip oro enye ɔkɔduɔkde; koro enye ama anam ikpikpu iyip ɔyɔhɔ ke Jerusalem.

1 NDIDEM 21:27

Edikem adaŋemi Ahab okopde ikɔ emi, enye awai ɔfɔŋ-idem esie, onyuŋ esine ɔfɔŋ ikpo ke idem, onyuŋ etre udia, onyuŋ ɔsuhɔre ana ke ɔfɔŋ-ikpo, ndien asaŋa suŋ-suŋ.

1 SAMUEL 15:30

Ndien enye ɔdɔhɔ ete, Mma nnam idiɔk ido: edi kam kpono mi, mbɔk, ke iso mbiowo ikɔt mi, ye ke iso Israel, nyuŋ tiene mi fiak edem, man ntuak ibuot nnɔ Jehovah Abasi fo.

1 SAMUEL 15:24

Ndien Saul ɔdɔhɔ Samuel, ete, Mmanam idiɔk: koro mmeŋ ŋkokpe uyo Jehovah, ye ikɔ fo: koro ŋkefehede mbon emi, nnyuŋ ŋkop uyo mmɔ.

EXODUS 12:31

Ndien enye okot Moses ye Aaron ke okoneyo edi, onyuŋ ɔdɔhɔ, ete, Mbufo ye nditɔ Israel edaha ke enyɔŋ, ewɔŋɔ ke otu mbio-obio mi; enyuŋ eka ekenam ŋkpɔ Jehovah, nte emi mbufo ekedɔhɔde.

EXODUS 9:27

Ndien Pharaoh ɔdɔŋ ekekot Moses ye Aaron edi; onyuŋ ɔdɔhɔ mmɔ ete, Mmanam idiɔk ke ini emi: Jehovah enenen; edi ami ye mbio mi imɔdiɔk.

ERIYARARE 11:10

Ndien mme andiduŋ ke isɔŋ edat esit ebaŋa mmɔ, enyuŋ enam idara, enyuŋ enɔ enɔ esɔk kiet eken, koro mme prophet iba oro ekɔtuhɔrede mme andiduŋ ke isɔŋ.

ŊWED JOB 13:4

Edi mbufo edi mme etibi nsu, mbufo kpukpru edi mme ɔdɔk ikpikpu ikɔ.

1 SAMUEL 19:5

ndien enye ekesin uwem esie ke ubɔk esie okowot Philistine oro, Jehovah okonyuŋ anam akamba erinyaŋa ɔnɔ ofuri Israel; afo ama okut, onyuŋ adat esit: nsinam ndien afo oyomde ndinam idiɔk ye iyip owo emi miduehe, ke ndiwot David ke ikpikpu?

ŊWED MME PSALM 94:21

Mmɔ ewuk ewuhɔ ebaŋa ukpɔŋ edinen owo, enyuŋ enam ikpe otip iyip emi miduehe isop.

MME ŊKE 12:8

Adaŋa nte owo asiande, ke eda etoro enye: edi eyesuene owo eke akwaŋade ke esit.