MATTHEW 26:29 - Edisana ñwed Abasi Ibom

²⁹ Edi ndɔhɔ mbufo nte, Ndiŋwɔŋke aba mfri vine emi, tutu osim usen oro ndiŋwɔŋde enye obufa ye mbufo ke Obio Ubɔŋ Ete Mi.

MATTHEW 26:29 Referans Kwoze

ERIYARARE 7:17

eyo mme ufiop ekededi idinyuŋ imiaŋa mmɔ: koro Eyen-erɔŋ emi etiede ke ufɔt ebekpo eyedi Andikpeme mmɔ, eyenyuŋ ada mmɔ aka ke idim mmɔŋ uwem: ndien Abasi eyekwɔhɔre kpukpru mmɔŋ eyet ke enyin mmɔ efep.

MME HEBREW 12:2

iwuk enyin ise Jesus Anditɔŋɔ mbuɔtidem nnyin ye Andinam enye ɔfɔn ama; emi okobiomde cross, onyuŋ abatde but ke ekpri ŋkpɔ, kabaŋa idaresit eke anade Enye ke iso; okonyuŋ ɔsuhɔrede etetie ke ubɔk nnasia ebekpo Abasi.

MARK 14:25

Ke akpanikɔ ke ndɔhɔ mbufo, ndiŋwɔŋke aba mfri vine, tutu osim usen oro ndiŋwɔŋde enye obufa ke Obio Ubɔŋ Abasi.

ŊWED MME PSALM 40:3

Onyuŋ esin mi obufa ikwɔ ke inua, kpa itoro Abasi nnyin: ediwak owo eyekut, enyuŋ efehe ndik, enyuŋ ebuɔt idem ye Jehovah.

UTOM MME APOSTLE 10:41

onyuŋ ɔnɔ Enye ete owut Idem, idige ke enyin kpukpru owo edi ke enyin mme ntiense emi Abasi ekebemde iso emek, oro edi nnyin, emi ikadiade inyuŋ iŋwɔŋde ŋkpɔ ye Enye ke Enye ama ekeset ke mkpa.

JOHN 17:13

Edi ke emi mmɔŋ nnyɔŋ ntiene Fi; ndien ntiŋ mme ŋkpɔ emi ke ererimbot, man mmɔ enyene idaresit Mi ɔyɔhɔ-ɔyɔhɔ ke esit mmɔ.

MATTHEW 13:43

Adaŋoro ndinen owo eyeyama nte utin ke Obio Ubɔŋ Ete mmɔ. Owo eke enyenede utɔŋ, yak okop.

ERIYARARE 14:3

Ndien mmɔ ekwɔ ikwɔ emi etiede nte obufa ikwɔ ke iso ebekpo, ye ke iso ŋkpɔ-uwem inaŋ oro ye mbiowo; baba owo kiet inyuŋ ikemeke ndikpep ikwɔ oro, ke mibɔhɔke thousand owo ikie ye aba ye inaŋ, kpa mmɔ oro ekefakde esio efep ke isɔŋ.

LUKE 15:32

Edi odot nnyin ndidara nnyuŋ nnem esit, koro eyen-eka fo emi ama akpa, onyuŋ odu uwem: ama osop, ndien ikut enye.

LUKE 12:32

Ekufehe ndik, ekpri otu erɔŋ; koro edide eti uduak Ete mbufo ndida Obio Ubɔŋ oro nnɔ mbufo.

ISAIAH 53:11

Enye eyekut se itode ke ukut ukpɔŋ eise ɔyuhɔ: edinen owo mi eyeda ifiɔk esie anam ikɔ asana ediwak owo; eyenyuŋ obiom mme idiɔk ido mmɔ.

JOHN 15:11

Mma ntiŋ mme ŋkpɔ emi nnɔ mbufo, man idaresit Mi odu ke mbufo, idaresit mbufo onyuŋ ɔyɔhɔ.

MATTHEW 28:20

enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

MATTHEW 18:20

Koro ɔtɔ nte owo iba mme ita esopde idem ke enyiŋ Mi, do ke ndodu ke ufɔt mmɔ.

MATTHEW 16:28

Ke akpanikɔ ke ndɔhɔ mbufo nte, ndusuk owo edu ke otu mmɔ emi edade mi, emi miditabike mkpa, tutu mmɔ ekut Eyen Owo edide ndida ubɔŋ.

ZECHARIAH 9:17

Koro enye ɔfɔn didie! enye onyuŋ eye didie! Ibokpot eyenam mkparawa ekɔri, obufa wine eyenyuŋ anam nditɔ-iban ekpon.

ZEPHANIAH 3:17

Jehovah Abasi fo odu ke ufɔt fo, ɔmɔsɔŋ; enye eyenyaŋa, eyedat esit abaŋa fi ke idara; enye eyedop uyo ke ima esie, eyebre abaŋa fi ke ikwɔ.

ŊWED MME PSALM 104:15

Wine onyuŋ enem owo esit, anam iso esie ayama akan aran, uyo onyuŋ anam esit ɔsɔŋɔ owo.

ŊWED MME PSALM 4:7

Afo esin mi idara ke esit akan ini eke ibokpot mmɔ ye wine mmɔ ewakde.

JOHN 16:22

Mmɔdo mbufo edude ke mfuhɔ ke emi; edi nyetɔŋɔ ntak ŋkut mbufo, esit eyenyuŋ adat mbufo, ndien baba owo kiet idibɔhɔ mbufo idaresit mbufo.

MATTHEW 25:34

Ekem Edidem eyedɔhɔ mmɔ emi edude ke ubɔk nnasia, ete, Edi, mbufo emi Ete Mi ɔdiɔŋde, edida ubɔŋ emi ekonimde enɔ mbufo toto ke eritɔŋɔ ererimbot.

ISAIAH 25:6

Ndien ke obot emi ke Jehovah mme udim edinam akamba udia ɔnɔ kpukpru mme idut, ŋkpɔ eke enyenede isek, ndia ke wine eke anade ke ntak, ke ŋkpɔ eke enyenede isek, enyuŋ ewakde ndia, wine ke ntak eke etimde eduk.

IKWƆ SOLOMON 5:1

O EYEN-EKA mi, ŋwan mi, mmoduk ke iŋwaŋ mi: mmɔŋ ntaŋ myrrh mi, ye ufuɔŋkpɔ mi, mmɔŋ ndia aran-ɔkwɔk mi, ye obukpa ɔkwɔk mi; mmɔŋ ŋŋwɔŋ wine mi ye mmɔŋ-eba mi. O mme ufan, mbufo edia: mbufo, mbon ima, eŋwɔŋ, eŋwɔŋ uwak-uwak.

MATTHEW 26:28

koro emi edi iyip Mi, eke obufa ediomi, emi eduɔkde ebaŋa ediwak owo, man efen mme idiɔk-ŋkpɔ mmɔ.

MATTHEW 26:30

Ekem ke mmɔ ema ekɔkwɔ ikwɔ, mmɔ ewɔŋɔ eka ke Obot Olive.