MATTHEW 25:45 - Edisana ñwed Abasi Ibom

⁴⁵ Edi Enye eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo mikanamke ŋkpɔ emi inɔ kiet ke otu ata ŋkpri emi, mbufo inamke inɔ Mi.

MATTHEW 25:45 Referans Kwoze

MME ŊKE 21:13

Owo eke esiride utɔŋ esie ke eseme ubuene, enye ke idem esie eyefiori, ndien owo eke eyerede ididuhe.

MME ŊKE 17:5

Owo eke asakde ubuene esue Andibot enye: owo eke adarade ke nnama idibɔhɔke ufen.

UTOM MME APOSTLE 9:5

Edi enye ete, Afo edi anie, Ɔbɔŋ? Ndien Ɔbɔŋ ete, Ndi Jesus emi afo ɔkɔbɔde.

MATTHEW 25:40

Ndien Edidem eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo ekanamde ŋkpɔ emi enɔ kiet ke otu nditɔ-ete Mi, kpa ata ŋkpri emi, mbufo ekanam enɔ Mi.

MME ŊKE 14:31

Owo eke efikde eyen ubuene esue Andibot enye: edi atua ubuene mbɔm okpono Enye.

ŊWED MME PSALM 105:15

Mbufo ekutuk mbon emi nyetde aran nnim ke idem mi, ekunyuŋ enam mme prophet mi idiɔk.

ZECHARIAH 2:8

Koro ntem ke Jehovah mme udim ɔdɔhɔ, ete Ke ini ubɔŋ edide, enye eyedɔŋ mi utom ke ɔtɔ mme idut oro ekebumede mbufo: koro enye emi otukde mbufo otuk eyen enyin esie.

NUMBERS 24:9

Enye ɔkubɔ, ana nte lion, ye nte abak lion: anie edimenere enye? ɔfɔfɔn ɔnɔ owo eke ɔfɔnde ye afo, onyuŋ ɔdɔdiɔk ɔnɔ owo eke osuŋide fi.

GENESIS 12:3

nyenyuŋ ndiɔŋ mmɔ eke edidiɔŋde fi, nnyuŋ nsuŋi mmɔ eke edidiɔkde ye afo: ndien oto fi kpukpru oruk ererimbot eyekut mfɔn.

MATTHEW 10:41

Owo eke onyimede prophet ke enyiŋ prophet eyebɔ utip prophet; owo eke onyimede edinen owo ke enyiŋ edinen owo eyenyuŋ ɔbɔ utip edinen owo.

MATTHEW 25:44

Ekem mmɔ ŋko eyebup Enye ete, Ɔbɔŋ, ini ewe ke nnyin ikokut Fi etiede biɔŋ, me nte itɔŋ asatde Fi, me nte edide esen, me iferi, me nte ɔdɔŋɔde, me nte etiede ke ufɔk-ŋkpɔkɔbi, ndien nnyin itre ndinam ŋkpɔ nnɔ Fi?

MATTHEW 25:46

Ekem mmɔ oro eyedaha ekoduk ke nsinsi ufen; edi ndinen owo eyeduk ke nsinsi uwem.

1 ŊWED CORINTH 8:12

Ntre, ke emi mbufo enamde nditɔ-ete mbufo idiɔk ntem, enyuŋ esinde mmɔ eda unan ke mmem-mmem esit mmɔ, mbufo edue Christ