MATTHEW 25:35 - Edisana ñwed Abasi Ibom

³⁵ Koro Ami ŋkokopde biɔŋ, ndien mbufo enɔ Mi udia; itɔŋ akasat Mi, ndien mbufo enɔ Mi mmɔŋ; ŋkedi esen, ndien mbufo eda Mi eka ufɔk;

MATTHEW 25:35 Referans Kwoze

EZEKIEL 18:16

minyuŋ itukke owo, minumke ubiɔŋ, minyuŋ iwoho ŋwo, eke adade uyo esie ɔnɔ owo biɔŋ, onyuŋ esinede iferi ɔfɔŋ-idem;

EZEKIEL 18:7

minyuŋ itukke owo, edi esana ubiɔŋ esie ayak, ndien midaha ŋkpɔ ke ŋwo, ada udia esie ɔnɔ owo biɔŋ, onyuŋ ada ɔfɔŋ-idem ofuk iferi;

MME HEBREW 13:16

Ekufre ndinam eti ŋkpɔ ndinyuŋ mfɔn ido ye owo; koro oruk uwa emi enemde Abasi esit.

JAMES 1:27

Ido Abasi eke asanade, minyuŋ ideheke ke iso Abasi Ete nnyin edi, ndisaŋa nse nditɔ-akpa ye mme ebe-akpa ke ukut mmɔ, ndinyuŋ ŋkpeme idem ke idiɔk-ŋkpɔ emi odude ke ererimbot.

ŊWED MBON ROME 12:13

enɔ ikɔt Abasi se inanade mmɔ; ebine ndikama isen owo.

ŊWED JOB 31:32

miyuhɔke? Esen owo idaŋke ke aŋwa, nsio usuŋ mi nnɔ owo isaŋ.

ŊWED MBON ROME 12:20

Edi edieke usua fo okopde biɔŋ, nɔ enye udia adia; edieke enye okopde nsatitɔŋ, nɔ enye mmɔŋ ɔŋwɔŋ, koro ke erinam ntem, eyewobi mbubek-ikaŋ obok enye ke ibuot.

MME HEBREW 6:10

Koro Abasi ikwaŋake nte efrede utom mbufo ye ima enyiŋ Esie eke mbufo ewutde, ke emi mbufo ekenamde ŋkpɔ enɔ ikɔt Abasi, enyuŋ esuk enanam.

PHILEMON 1:7

Ima fo ama anam mi nnyene akwa idaresit ye ndɔŋesit, koro afo akanamde ikɔt Abasi ekop inemesit, eyen-ete mi.

1ŊWED TIMOTHY 5:10

Enye enyene ndidi ŋwan emi ɔkɔdɔde ebe kiet, onyuŋ enyene ndiwɔrɔ eti etop mbaŋa nti utom esie, ete edi ŋwan emi ɔkɔbɔkde nditɔ, okonyuŋ akamade isen owo, onyuŋ eyetde ukot ikɔt Abasi, onyuŋ aŋwamde mbon ukut, onyuŋ esinde idem anam kpukpru oruk nti utom.

ŊWED MBON EPHESUS 4:28

edi yak enye akam anam ɔkpɔsɔŋ utom, ada ubɔk esie anam eti utom, man enye enyene se adade ɔnɔ owo eke odude ke unana.

ŊWED MBON ROME 16:23

Gaius emi edide ete-ufɔk mi, onyuŋ edide ete-ufɔk ɔnɔ ofuri ufɔk Abasi, ete ekɔm mbufo. Erastus akama-okuk obio ete ekɔm mbufo. Quartus eyen-ete nnyin onyuŋ ɔnɔ ekɔm ŋko.

UTOM MME APOSTLE 16:15

Edi ke ini enimde enye ye ufɔk esie baptism, enye ekpe ye nnyin ete, Edieke mbufo ebatde ete ndi owo akpanikɔ nnɔ Ɔbɔŋ, edi ke ufɔk mi editie do. Enye onyuŋ eyire nnyin.

UTOM MME APOSTLE 11:29

Ndien mbet eduak nditibe ŋkpɔ, adaŋa nte ukeme mmɔ kiet kiet edide, nnɔ esɔk nditɔ-ete emi eduŋde ke Judaea;

UTOM MME APOSTLE 10:31

Cornelius, ema ekop akam fo, enyuŋ eti ŋkpɔ mfɔn eke ɔnɔde mme ubuene ke iso Abasi.

UTOM MME APOSTLE 4:32

Edi otu mmɔ emi enimde ke akpanikɔ enyene esit kiet ye spirit kiet: baba owo mmɔ kiet inyuŋ idɔhɔke ite ŋkpɔ ekededi eke imɔ inyenede edi eke imɔ; edi mmɔ ebabuana kpukpru ŋkpɔ.

JOHN 13:29

Koro ndusuk mmɔ ese ete, sia Judas akamade ekpat okuk, Jesus ɔnɔ enye uyo ete, Dep se iyomde inɔ usɔrɔ; midige, nɔ nditɔ-ubuene ŋkpɔ.

LUKE 11:41

Ekam eda mme ŋkpɔ eke edude ke esit mmɔ enɔ mme ubuene, ndien sese, kpukpru ŋkpɔ esana enɔ mbufo.

MARK 14:7

Koro mbufo emenyene mme ubuene ye mbufo kpukpru ini, ndien ini eke emama, mbufo ekeme ndifɔn ido ye mmɔ, edi mbufo inyeneke Mi kpukpru ini.

MATTHEW 26:11

Koro mbufo emenyene mme ubuene ye mbufo kpukpru ini; edi mbufo inyeneke Mi kpukpru ini.

MATTHEW 25:40

Ndien Edidem eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo ekanamde ŋkpɔ emi enɔ kiet ke otu nditɔ-ete Mi, kpa ata ŋkpri emi, mbufo ekanam enɔ Mi.

MICAH 6:8

O owo, enye omowut fi se ifɔnde; ndien nso ke Jehovah oyom ye afo, ke mibɔhɔke ndinam se inende, nnyuŋ mma ima Abasi, nnyuŋ nsuk idem nsaŋa ye Abasi fo?

DANIEL 4:27

Yak item mi, ndien, O edidem, ɔfɔn ke iso fo; da eti ido kibi mme idiɔk ido fo fep, kibi mme ukwaŋ-ŋkpɔ fo fep ke eritua mme ubuene mbɔm; mme oro eyenam ifure fo ebigi.

MME ŊKE 25:21

Edieke biɔŋ ɔdɔŋde usua fo, nɔ enye udia adia; edieke itɔŋ onyuŋ asatde enye, nɔ enye mmɔŋ ɔŋwɔŋ:

MME ŊKE 22:9

Edi enyin mfɔn edikut mfɔn: koro enye adade udia esie ɔnɔ ubuene.

MME ŊKE 19:17

Atua ubuene mbɔm ɔbuɔt Jehovah ŋkpɔ: ndien Enye eyenɔ enye usiene utom esie.

MME ŊKE 14:31

Owo eke efikde eyen ubuene esue Andibot enye: edi atua ubuene mbɔm okpono Enye.

MME ŊKE 14:21

Owo eke esede mbɔhiduŋ esie ke ndek anam idiɔk: ama edi owo eke atuade mme ubuene mbɔm, ɔfɔfɔn ɔnɔ enye.

1 NDIDEM 17:11

Ndien nte ŋwan akade ndida ndi, enye (Elijah) okot enye, ete, Mbɔk da uyo esisit ke ubɔk fo di sɔk mi.